Poetry - Debi Makhsoospuri

[Jaswinder Singh Baidwan]

ਲੜਨ ਲੱਗਿਆਂ ਅੱਖਾਂ ਨੂੰ ਰੋਕਿਆ ਨਾ, ਹੁਣ ਹੰਝੂ ਬਹਾਉਣ ਤੋਂ ਕਿਵੇਂ ਰੋਕਾਂ |
ਉਜੜੇ ਘਰਾਂ ਦੇ ਵਿੱਚ ਪਰਿੰਦਿਆਂ ਨੂੰ, ਆਪਣੇ ਘਰ ਬਣਾਉਣ ਤੋਂ ਕਿਵੇਂ ਰੋਕਾਂ |
ਲੁੱਟਦੇ ਦਿਲ ਨੂੰ ਨਵੀਂ ਉਮੀਦ ਵਾਲੇ, "ਦੇਬੀ" ਦੀਵੇ ਜਗਾਉਣ ਤੋਂ ਕਿਵੇਂ ਰੋਕਾਂ |
ਰੋਕ ਸਕਿਆ ਨਾ ਜਾਂਦੀ ਮਹਿਬੂਬ ਆਪਣੀ, ਉਹਦੀ ਯਾਦ ਨੂੰ ਆਉਣ ਤੋਂ ਕਿਵੇਂ ਰੋਕਾਂ |

 

[Jaswinder Singh Baidwan]

ਹੁੰਦਾ ਨਾ ਜਵਾਨੀ ਉੱਤੇ ਲਾਗੂ ਕੋਈ ਕਾਨੂਨ ਨੀ

ਸੋਹਣੇਯਾ ਨੂ ਹੁੰਦੇ ਕੇਂਦੇ ਮਾਫ਼ ਸੱਤ ਖੂਨ ਨੀ

 

[Jaswinder Singh Baidwan]

ਅਕਲ ਸ਼ਕਲ ਤੇ ਨਾ ਜਾਇਓ ਇਹ ਬਹੁਤੀਆ ਚੰਗੀਆਂ ਨਹੀ..
ਇੱਕੋ ਖੂਬੀ ਜੋ ਕਹਿੰਦਾ ਹਾਂ ਦਿਲ ਤੋ ਕਹਿੰਦਾ ਹਾਂ..

 

[Jaswinder Singh Baidwan]

ਇਹ ਦਰਦ ਸਿਵੇ ਦੀ ਅੱਗ ਜਿਹਾ
ਜੀਹਦੇ ਬੁਝਣ ਦਾ ਮੈਂ ਇੰਤਜ਼ਾਰ ਕਰਾਂ
ਜੇ ਗਲਤੀ ਉਹਦੀ ਸੀ ਤਾਂ ਕੋਈ ਹੋਣੀ ਜ਼ਰੂਰ ਏ ਮੇਰੀ ਵੀ
ਇਸ ਗੱਲ ਤੋਂ ਨਾ ਇਨਕਾਰ ਕਰਾਂ

ਹਰ ਮਹੀਨੇ ਜਦੋਂ ਕਦੇ ਵੀ
ਤਰੀਕ 18 ਆਉਂਦੀ ਏ
ਉਸ ਵੇਲੇ ਮੇਰੇ ਸਾਹਾਂ ਦੇ ਵਿੱਚ
ਉਹਦੀ ਮਹਿਕ ਜਿਹੀ ਫ਼ੇਰੇ ਪਾਉਂਦੀ ਏ
ਜਿਨ੍ਹਾਂ ਗੀਤਾਂ ਵਿੱਚ ਭੁੱਲ ਭੁਲੇਖੇ ਮੈਂ ਨਾ ਉਹਦਾ ਕਿਧਰੇ ਲਿਖ ਦਿੰਨਾਂ
ਰੱਬ ਜਾਣਦਾ ਉਹੀਓ ਗੀਤ ਮੈਂ ਦਿਨ ਵਿੱਚ ਕਿੰਨੀ ਵਾਰ ਪੜ੍ਹਾਂ

ਉਸ ਤੋਂ ਬਾਝੋਂ ਹੋਰ ਕਿਸੇ ਨੂੰ
ਮੈਂ ਕਦੇ ਚਾਹ ਕੇ ਵੀ ਨਾ ਚਾਹ ਸਕਿਆ
ਦਿਖਾਵਾ ਕੀਤਾ ਕਿ ਖੁਸ਼ ਹਾਂ ਬਗੈਰ ਬੜਾ
ਪਰ ਉਹਦੇ ਦਿਲ ਤੋਂ ਇੱਕ ਪਲ ਵੀ 'debi' ਦੂਰ ਕਦੇ ਨਾ ਜਾ ਸਕਿਆ
ਉਹ ਵਾਪਿਸ ਆਉਣ ਦੀ ਇੱਕ ਵਾਰ ਜੇ ਕੋਸ਼ਿਸ਼ ਦਿਲ ਚੋਂ ਕਰ ਵੇਖੇ
ਮਹੀਵਾਲ਼ ਵੀ ਅਸ਼ ਅਸ਼ ਕਰ ਬੈਠੇ ਮੈਂ ਏਨਾ ਉਹਨੂੰ ਪਿਆਰ ਕਰਾਂ...

 

[Jaswinder Singh Baidwan]

ਸਿਰਨਾਵੇਂ ਰਹਿ ਗਏ ਯਾਦਾਂ ਦੇ
ਰੱਬਾ ਸੱਜਣ ਜੋ ਤੁਰ ਦੂਰ ਗਏ
ਅੱਖਾਂ ਵਿੱਚ ਨਾ ਅੱਥਰੂ ਸੀ
ਨਾ ਪੀੜ ਜੁਦਾਈ ਦੀ
ਫ਼ਿਰ ਕਿਹੜੀ ਗੱਲੋਂ ਆਖ ਗਏ
ਕਿ ਉਹ ਹੋ ਮਜਬੂਰ ਗਏ
ਅਹਿਸਾਨ ਜਾਂਦੇ ਹੋਏ ਉਹ ਕਰ ਗਏ
ਦੇ ਗਏ ਸਾਂਝ ਕੁਝ ਸ਼ਬਦਾਂ ਦੀ
ਉਹਨਾਂ ਸ਼ਬਦਾਂ ਦੇ ਬਣੇ ਹਰਫ਼ਾਂ ਸਦਕੇ
'ਦੇਬੀ' ਵਰਗੇ ਹੋ ਮਸ਼ਹੂਰ ਗਏ...

 

[Jaswinder Singh Baidwan]

ਸਤਾਉਣ ਵਾਲੀ ਚਾਹੀਦੀ

ਨਖਰੇ ਦੇ ਨਾਲ ਅੱਗ ਲਾਉਣ ਵਾਲੀ ਚਾਹੀਦੀ
ਗਲ ਵਿੱਚ ਗੋਰੀ ਬਾਂਹ ਪਾਉਣ ਵਾਲੀ ਚਾਹੀਦੀ
ਸਾਰੀ ਸਾਰੀ ਰਾਤ ਹੀ ਜਗਾਉਣ ਵਾਲੀ ਚਾਹੀਦੀ
ਸਾਰੀ ਸਾਰੀ ਰਾਤ ਹੀ ਜਗਾਉਣ ਵਾਲੀ ਚਾਹੀਦੀ
ਬੜੇ ਸੌਖੇ ਰਹਿੰਨੇ ਆਂ ਸਤਾਉਣ ਵਾਲੀ ਚਾਹੀਦੀ

ਦਿਲੋਂ ਪਿਆਰ ਕਰੇ ਐਸੀ ਕੰਨਿਆਂ ਪਿਆਰੀ ਮਿਲੇ
ਹੇ ਰੱਬਾ ਸੱਚਿਆ ਕੁਆਰੇ ਨੂੰ ਕੁਆਰੀ ਮਿਲੇ
ਦੋਵਾਂ ਦਾ ਹੀ ਫੈਦਾ ਖਾਲੀ ਬੱਸ ਨੂੰ ਸਵਾਰੀ ਮਿਲੇ
ਧੁਰ ਦਾ ਹੀ ਟਿਕਟ ਕਟਾਉਣ ਵਾਲੀ ਚਾਹੀਦੀ
ਧੁਰ ਦਾ ਹੀ ਟਿਕਟ ਕਟਾਉਣ ਵਾਲੀ ਚਾਹੀਦੀ
ਬੜੇ ਸੌਖੇ ਰਹਿੰਨੇ ਆਂ ਸਤਾਉਣ ਵਾਲੀ ਚਾਹੀਦੀ

ਜਿੰਨਾ ਵੀ ਉਹ ਸੋਨਾ ਕਹੇ ਪਾਉਣ ਨੰ ਤਿਆਰ ਹਾਂ
ਜਿੱਥੇ ਚਾਹੇ ਘੁੰਮਣਾ ਘੁੰਮਾਉਣ ਨੂੰ ਤਿਆਰ ਹਾਂ
ਕਿਤੇ ਵੀ ਬੁਲਾਵੇ ਮੈਨੂੰ ਆਉਣ ਨੂੰ ਤਿਆਰ ਹਾਂ
ਨੱਚਣੇ ਨੂੰ ਤਿਆਰ ਹਾਂ ਨਚਾਉਣ ਵਾਲੀ ਚਾਹੀਦੀ
ਨੱਚਣੇ ਨੂੰ ਤਿਆਰ ਹਾਂ ਨਚਾਉਣ ਵਾਲੀ ਚਾਹੀਦੀ
ਬੜੇ ਸੌਖੇ ਰਹਿੰਨੇ ਆਂ ਸਤਾਉਣ ਵਾਲੀ ਚਾਹੀਦੀ

ਆਪਣੇ ਇਲਾਕੇ ਵਿੱਚ ਆਪਣੀ ਵੀ ਠੁਕ ਬਈ
ਯਾਰ ਕਹਿਣ ਮੌਡਲਾਂ ਜਹੀ ਆ ਤੇਰੀ ਲੁੱਕ ਬਈ
ਕਰਨਾ ਪਸੰਦ ਜੀਹਨੇ ਉਹ ਕਿੱਥੇ ਲੁਕ ਗਈ
ਮੁੰਡਾ ਲੋਕ ਗੀਤ ਜਿਹਾ ਗਾਉਣ ਵਾਲੀ ਚਾਹੀਦੀ
ਮੁੰਡਾ ਲੋਕ ਗੀਤ ਜਿਹਾ ਗਾਉਣ ਵਾਲੀ ਚਾਹੀਦੀ
ਬੜੇ ਸੌਖੇ ਰਹਿੰਨੇ ਆਂ ਸਤਾਉਣ ਵਾਲੀ ਚਾਹੀਦੀ

ਛੋਟੀ ਭੈਣ ਚਾਹੁੰਦੀ ਟੌਹਰ ਦੱਸਣੀ ਨਣਾਨ ਦੀ
ਛੋਟਾ ਵੀਰ ਚਾਹੁੰਦਾ ਭਾਬੀ ਬੇਗੀ ਹੋਵੇ ਪਾਨ ਦੀ
“ਦੇਬੀ” ਚਾਹੁੰਦਾ ਸੋਹਣੀ ਉੱਚੀ ਲੰਮੀ ਪੂਰੀ ਹਾਣ ਦੀ
ਬੇਬੇ ਕਹਿੰਦੀ ਰੋਟੀਆਂ ਪਕਾਉਣ ਵਾਲੀ ਚਾਹੀਦੀ
ਬੇਬੇ ਕਹਿੰਦੀ ਰੋਟੀਆਂ ਪਕਾਉਣ ਵਾਲੀ ਚਾਹੀਦੀ
ਬੜੇ ਸੌਖੇ ਰਹਿੰਨੇ ਆਂ ਸਤਾਉਣ ਵਾਲੀ ਚਾਹੀਦੀ
ਬੜੇ ਸੌਖੇ ਰਹਿੰਨੇ ਆਂ ਸਤਾਉਣ ਵਾਲੀ ਚਾਹੀਦੀ.

 

[Jaswinder Singh Baidwan]

ਮਿੱਤਰਾਂ ਦੀ ਵਾਜ

ਤੂੰ ਤਾਂ ਹੁਣ ਕੀ ਮੁੜਨਾ ਜਿਹੜੀ ਲੰਘ ਗਈ ਘੜੀ ਕਦ ਮੁੜਦੀ
ਮਿੱਤਰਾਂ ਦੀ ਵਾਜ ਗੋਰੀਏ ਖਾਲੀ ਕੰਧਾ ਵਿੱਚ ਵੱਜ ਵੱਜ ਮੁੜਦੀ

ਯਾਰੀ ਲੋਹੇ ਉੱਤੇ ਲੀਕ ਸੀ ਤੂੰ ਆਖਦੀ ਪਾਣੀ ਉੱਤੇ ਲੀਕ ਨਿੱਕਲੀ
ਉੱਡੀ ਗੱਲ ਕਦੇ ਕੋਈ ਤੇਰੇ ਵਾਰੇ ਉਹ ਹੌਲੀ ਹੌਲੀ ਠੀਕ ਨਿੱਕਲੀ
ਵਿਹੜੇ 'ਚ ਬਿਗਾਨਿਆਂ ਦੇ ਤੇਰੀ ਗੋਟੇ ਵਾਲੀ ਚੁੰਨੀ ਕਹਿੰਦੇ ਉੜਦੀ
ਮਿੱਤਰਾਂ ਦੀ ਵਾਜ ਗੋਰੀਏ ਖਾਲੀ ਕੰਧਾ ਵਿੱਚ ਵੱਜ ਵੱਜ ਮੁੜਦੀ

ਇੰਝ ਉਕਦਾ ਸ਼ਿਕਾਰਨੇ ਨਿਸ਼ਾਨਾਂ ਨੀ ਆਕੇ ਤੂੰ ਗਰੀਬ ਮਾਰਿਆ
ਭੁੱਲ ਗਈ ਹੋਣੀ ਮਾੜੇ ਚੇਤੇ ਵਾਲੀਏ ਨੀ ਜਿਹੜਾ ਤੂੰ ਗਰੀਬ ਮਾਰਿਆ
ਉਹੀ ਚੀਜ਼ ਸਾਡੀ ਟੁੱਟ ਗਈ ਜਿਹੜੀ ਟੁੱਟ ਕੇ ਕਦੀ ਨਾ ਜੁੜਦੀ
ਮਿੱਤਰਾਂ ਦੀ ਵਾਜ ਗੋਰੀਏ ਖਾਲੀ ਕੰਧਾ ਵਿੱਚ ਵੱਜ ਵੱਜ ਮੁੜਦੀ

ਹੁੰਦੀ ਵੇਖ ਕੇ ਕਲੰਡਰ ਹੈਰਾਨੀ ਨੀ ਤੇਰੇ ਬਿਨਾ ਕਿੰਨੀ ਜੀਅ ਲਈ
ਪੱਕਾ ਪਤਾ ਨਹੀਂ ਹਿਸਾਬ ਨਹੀਉਂ ਕੋਈ ਨੀ ਤੇਰੇ ਪਿਛੋਂ ਕਿੰਨੀ ਪੀ ਲਈ
ਨੀ ਤੇਰੇ ਜਿਹਾ ਮੁੱਖ ਦੇਖਕੇ ਸਾਡੇ ਕਾਲਜੇ 'ਚ ਸੂਲ ਜਹੀ ਤੁਰਦੀ
ਮਿੱਤਰਾਂ ਦੀ ਵਾਜ ਗੋਰੀਏ ਖਾਲੀ ਕੰਧਾ ਵਿੱਚ ਵੱਜ ਵੱਜ ਮੁੜਦੀ

ਮਿਲੇ "ਦੇਬੀ" ਨੂੰ ਗੀਤ 'ਚ ਤੋਹਫੇ ਗੀਤਾਂ ਨੂੰ ਮਸ਼ਹੂਰੀ ਮਿਲ ਗਈ
ਕਹਿਣ ਕੁਝ ਵੀ ਨਾਂ ਰੱਬ ਨੇ ਲੁਕੋਇਆ ਹਰ ਸ਼ੈਅ ਜਰੂਰੀ ਮਿਲ ਗਈ
ਨੇੜੇ ਰਹਿਣ ਵਾਲੇ ਜਾਣਦੇ ਉਹਦੀ ਜ਼ਿੰਦਗੀ 'ਚ ਕਿਹੜੀ ਚੀਜ਼ ਥੁੜਦੀ
ਮਿੱਤਰਾਂ ਦੀ ਵਾਜ ਗੋਰੀਏ ਖਾਲੀ ਕੰਧਾ ਵਿੱਚ ਵੱਜ ਵੱਜ ਮੁੜਦੀ
ਮਿੱਤਰਾਂ ਦੀ ਵਾਜ ਗੋਰੀਏ ਖਾਲੀ ਕੰਧਾ ਵਿੱਚ ਵੱਜ ਵੱਜ ਮੁੜ

 

[Jaswinder Singh Baidwan]

ਧੀ ਮੈਂ ਪੰਜਾਬ ਦੀ ਤੇ ਪੰਜਾਬੀ ਮੇਰੀ ਮਾਂ-ਬੋਲੀ
ਪੂਰੀ ਰੂਹ ਨਾਲ ਸਾਰੀ ਉਮਰ ਮੈਂ ਗਾਈ ਏ...
ਧੀ ਮੈਂ ਪੰਜਾਬ ਦੀ ਤੇ ਪੰਜਾਬੀ ਮੇਰੀ ਮਾਂ-ਬੋਲੀ
ਪੂਰੀ ਰੂਹ ਨਾਲ ਸਾਰੀ ਉਮਰ ਮੈਂ ਗਾਈ ਏ....
ਰੱਜ ਕੇ ਪਿਆਰ ਮੈਨੂੰ ਦਿੱਤਾ ਏ ਪੰਜਾਬੀਆਂ ਨੇ
ਗੀਤਾਂ ਨਾਲ ਮੈਂ ਵੀ ਸਾਰੀ ਜ਼ਿੰਦਗੀ ਨਿਭਾਈ ਏ....
ਧੀ ਮੈਂ ਪੰਜਾਬ ਦੀ ਤੇ ਪੰਜਾਬੀ ਮੇਰੀ ਮਾਂ-ਬੋਲੀ
ਪੂਰੀ ਰੂਹ ਨਾਲ ਸਾਰੀ ਉਮਰ ਮੈਂ ਗਾਈ ਏ...

ਰੱਬ ਅਤੇ ਚਾਹੁਣ ਵਾਲੇ ਕਿੰਨੇ ਮਿਹਰਬਾਨ ਨੇ
ਮੇਰੇ ਤੇ ਬੁਢਾਪਾ,ਗੀਤ ਹਾਲੇ ਵੀ ਜੁਆਨ ਨੇ
ਇਹਨਾਂ ਗੀਤਾਂ ਸਿਰ ਤੇ ਹੀ ਦੁਨੀਆਂ ਮੈਂ ਘੁੰਮੀ ਸਾਰੀ
ਪੂਰੀ ਦੁਨੀਆ 'ਚ ਮਾ-ਬੋਲੀ ਵੀ ਘੁੰਮਾਈ ਏ...
ਧੀ ਮੈਂ ਪੰਜਾਬ ਦੀ ਤੇ ਪੰਜਾਬੀ ਮੇਰੀ ਮਾਂ-ਬੋਲੀ
ਪੂਰੀ ਰੂਹ ਨਾਲ ਸਾਰੀ ਉਮਰ ਮੈਂ ਗਾਈ ਏ...

 

[Jaswinder Singh Baidwan]

ਦੁੱਖ ਦੇਣ ਵਾਲਿਆ
ਕਦੀ ਮਾਰਦਾ ਸੀ ਗੇੜੇ ਹੁਣ ਢੁਕਦਾ ਨਹੀ ਨੇੜੇ
ਤੇਰੇ ਪਿੱਛੇ ਘੁੰਮੀ ਜਾਈਏ ਅਸੀ ਐਨੇ ਵੀ ਨੀਂ ਰਹੇ
ਦੁੱਖ ਦੇਣ ਵਾਲਿਆ ਵੇ ਅਸੀਂ ਮਰ ਤਾਂ ਨਹੀਂ ਗਏ

ਅਸੀ ਸੰਭਲ ਸਕੇ ਨਾ ਠੇਡਾ ਇੰਝ ਮਾਰਿਆ ਤੂੰ
ਚੰਨ ਕਹਿਣ ਵਾਲਿਆ ਵੇ ਚੰਗਾ ਚੰਨ ਚਾੜਿਆ ਤੂੰ
ਤੇਰੇ ਉਮਰਾਂ ਦੇ ਵਾਅਦੇ ਦੱਸ ਕਿਹੜੇ ਖੂਹ 'ਚ ਪਏ
ਦੁੱਖ ਦੇਣ ਵਾਲਿਆ ਵੇ ਅਸੀਂ ਮਰ ਤਾਂ ਨਹੀਂ ਗਏ

ਭੀਖ ਤਰਸ ਦੀ ਮੰਗੀਏ ਨਾ ਜ਼ਖਮ ਦਿਖਾਕੇ
ਅਸੀਂ ਮਹਿਫਲਾਂ 'ਚ ਹੱਸੀਏ ਤੇ ਰੋਈਏ ਕੁੰਡੇ ਲਾਕੇ
ਉਚੇ ਬੁਰਜਾਂ ਤੋਂ ਢੱਠੇ ਸਾਡੇ ਹੌਂਸਲੇ ਨਾ ਢਏ
ਦੁੱਖ ਦੇਣ ਵਾਲਿਆ ਵੇ ਅਸੀਂ ਮਰ ਤਾਂ ਨਹੀਂ ਗਏ

ਕੋਈ ਪੁੱਛੇ ਤੇਰੇ ਬਾਰੇ ਕੋਈ ਨਾ ਬਿਆਨ ਦੇਈਏ
ਥੋੜ੍ਹ ਦਿਲਿਆ ਤੇਰੇ ਤੋਂ ਅਸੀਂ ਅਜੇ ਜਾਨ ਦੇਈਏ
ਭਾਵੇਂ ਪਤਾ ਹੁਣ ਨਹੀਂਉਂ ਤੇਰੀ ਗਿਣਤੀ 'ਚ ਰਹੇ
ਦੁੱਖ ਦੇਣ ਵਾਲਿਆ ਵੇ ਅਸੀਂ ਮਰ ਤਾਂ ਨਹੀਂ ਗਏ

ਤੋੜ ਸਾਡੇ ਨਾਲੋਂ ਯਾਰੀ ਕੀ ਖੁਦਾ ਹੋ ਗਿਉਂ
ਸਾਨੂੰ ਸਾੜ ਦਿੱਤਾ ਖੁਦ ਵੀ ਸਵਾਹ ਹੋ ਗਿਉਂ
ਕਿਹੜੇ ਜਨਮਾਂ ਦੇ "ਦੇਬੀ" ਸਾਤੋਂ ਬਦਲੇ ਤੂੰ ਲਏ
ਦੁੱਖ ਦੇਣ ਵਾਲਿਆ ਵੇ ਅਸੀਂ ਮਰ ਤਾਂ ਨਹੀਂ ਗਏ
ਕਦੀ ਮਾਰਦਾ ਸੀ ਗੇੜੇ ਹੁਣ ਢੁਕਦਾ ਨਹੀ ਨੇੜੇ

 

[Jaswinder Singh Baidwan]

ਆਸ਼ਿਕਾਂ ਤੇ ਯੋਧਿਆਂ ਦਾ ਦੇਸ ਜੋ ਕਹਾਉਂਦਾ ਦੂਰ ਜਾ ਕੇ ਦੁੱਗਣਾਂ ਪੰਜਾਬ ਚ਼ੇਤੇ ਆਉਂਦਾ,
ਸਾਰੇ ਜੱਗ ਚ ਪੰਜਾਬੀ ਪਏ ਖਿੱਲਰੇ ਹੋਈ ਜਾਣਂ ਸੱਤਲੁਜ ਤੇ ਝ਼ਨਾਬ ਦੀਆਂ ਗੱਲ਼ਾਂ,
ਸਿੱਕਾ ਚੱਲਦਾ ਪੰਜਾਬੀਆਂ ਦਾ ਮਿੱਤਰੋ ਸਾਰੀ ਦੁਨੀਆਂ ਚ ਹੁੰਦੀਆ ਪੰਜਾਬ ਦੀਆਂ ਗੱਲ਼ਾਂ....

ਸੂਟ ਚੱਲਦੇ ਪੰਜਾਬੀ ਚਾਰੇ ਪਾਸੇ ਹੀ ਪੰਜਾਬੀਆਂ ਦੇ ਖ਼ਾਣੇਂ ਚੱਲਦੇ,
ਸਾਰੇ ਮੁਲ਼ਕਾਂ ਚ ਪਈ ਜਾਂਦਾ ਭੰਗੜਾ ਪੰਜਾਬੀਆਂ ਦੇ ਗਾਣੇਂ ਚੱਲਦੇ,
ਪੀ ਕੇ ਪੰਗਾ ਲੈਣਾਂ ਇਹਨਾਂ ਕੋਲੋਂ ਸਿੱਖ਼ ਲਓ ਦੇਖੋ ਛ਼ੇੜ ਕੇ ਲੜਾਈ ਤੇ ਸ਼ਰਾਬ ਦੀਆਂ ਗੱਲਾਂ,
ਸਿੱਕਾ ਚੱਲਦਾ ਪੰਜਾਬੀਆਂ ਦਾ ਮਿੱਤਰੋ ਸਾਰੀ ਦੁਨੀਆਂ ਚ ਹੁੰਦੀਆ ਪੰਜਾਬ ਦੀਆਂ ਗੱਲ਼ਾਂ...

ਇਹਦੇ ਖ਼ੂਨ ਵਿੱਚ ਰਚ਼ੀਆਂ ਮੋਹੱਬਤਾਂ ਪੰਜਾਬੀ ਯਾਰ ਪਿੱਛੇ ਖ਼ੜਦਾ,
ਰਾਂਝੇ ਮਹੀਵਾਲ ਮਿਰਜ਼ੇ ਦੇ ਰੂਪ ਵਿੱਚ ਨਿੱਤ ਨਵੇਂ ਕਿੱਸੇ ਘ਼ੜਦਾ,
ਕਿੰਝ ਮਰਿਆ ਨਿਹੱਥਾ ਥੱਲੇ ਜੰਡ ਦੇ ਪੱਟ ਚ਼ੀਰ ਕੇ ਖਵਾਏ ਹੋਏ ਕਬ਼ਾਬ ਦੀਆਂ ਗੱਲਾਂ,
ਸਿੱਕਾ ਚੱਲਦਾ ਪੰਜਾਬੀਆਂ ਦਾ ਮਿੱਤਰੋ ਸਾਰੀ ਦੁਨੀਆਂ ਚ ਹੁੰਦੀਆ ਪੰਜਾਬ ਦੀਆਂ ਗੱਲ਼ਾਂ....

ਸ਼ਿਵ, ਪਾਤ਼ਰ ਤੇ ਮੋਹਣਂ ਸਿੰਘ, ਬੁੱਲ਼ੇ ਸ਼ਾਹ ਤੇ ਵਾਰਿਸ ਦੀ ਹੀਰ ਦੀਆਂ ਗੱਲਾਂ,
ਫਾਹੇ ਲੱਗ ਗਏ ਸਰਾਭ਼ੇ ਤੇ ਭਗਤ ਜਾਂ ਉਧਮ ਸਿੰਘ ਵੀਰ ਦੀਆਂ ਗੱਲਾਂ,
ਹੋਏ ਕਿੰਨੇ ਕੁ ਸ਼ਹੀਦ ਸਰਹੱਦ ਤੇ "ਦੇਬੀ" ਸੱਚ ਜਾਣੀਂ ਇਹੋ ਬੇਹਿਸਾਬ ਦੀਆਂ ਗੱਲਾਂ,
ਸਿੱਕਾ ਚੱਲਦਾ ਪੰਜਾਬੀਆਂ ਦਾ ਮਿੱਤਰੋ ਸਾਰੀ ਦੁਨੀਆਂ ਚ ਹੁੰਦੀਆ ਪੰਜਾਬ ਦੀਆਂ ਗੱਲ਼ਾਂ....

ਮੱਥਾ ਟ਼ੇਕ ਸੁੱਚੇ ਮੂੰਹ ਨਾਲ ਹੁੰਦੀਆਂ ਬਾਬੇ ਨਾਨਕ ਦੀ ਬਾਣੀਂ ਤੇ ਰਬ਼ਾਬ ਦੀਆਂ ਗੱਲਾਂ
ਸਿੱਕਾ ਚੱਲਦਾ ਪੰਜਾਬੀਆਂ ਦਾ ਮਿੱਤਰੋ ਸਾਰੀ ਦੁਨੀਆਂ ਚ ਹੁੰਦੀਆ ਪੰਜਾਬ ਦੀਆਂ ਗੱਲ਼ਾਂ

 

[Jaswinder Singh Baidwan]

ਪੀ ਕੇ ਨਿਤ ਜੇ ਨਾ ਗਲਤੀਆ ਤੋ ਬਾਜ਼ ਆਓ ਗੇਂ,
ਖੁਦ ਵੀ ਬੁਰੇ ਬਣੋ ਗੇਂ ਤੇ ਸ਼ਾਰਾਬ ਵੀ ਮਾੜੀ ਬਣਾਓ ਗੇਂ,
ਅੱਧੀ ਰਾਤੀ ਡਿੱਗ ਦੇ ਢਹਿਦੇ ਜੇ ਘਰਾਂ ਨੂੰ ਜਾਓ ਗੇਂ,
ਤਾਂ ਕੋਈ ਸ਼ੱਕ ਨਹੀ ਵਾਹੁਟੀ ਤ ਖਾਤਰ ਕਰਾਓ ਗੇਂ,
ਏਹਦੀ ਸਿਫਤ ਹੈ ਏ ਬਿਨਾ ਗੱਲੋ ਲੜਾ ਦਿੰਦੀ,
ਬੇਹੋਸ਼ੀ 'ਚ ਨਾਲ ਸੱਜਣਾ ਦੇ ਰੁੱਸ ਜਾਓ ਗੇਂ,
ਫਿਕਰ ਜਿੰਦਗੀ ਦੇ ਸੁਪਨਿਆ ਵਿੱਚ ਵੀ ਪਿਛਾ ਨਹੀ ਛੱਡਦੇ,
ਦਾਰੂ ਨਾਲ ਇੰਨਾ ਨੂੰ ਕਿੰਨੀ ਦੇਰ ਭੁਲਾਓ ਗੇਂ,
ਕਹਿਣੀ ਕਰਨੀ "ਦੇਬੀ" ਇੱਕ ਹੋਵੇ ਤਾਂ ਅਸਰ ਹੁੰਦਾ,
ਖੁ਼ਦ ਪੀਦੇ ਹੋ kise ਨੂੰ ਕਿਦਾਂ ਹਟਾਓ ਗੇਂ.

 

[Jaswinder Singh Baidwan]

ਮੁੰਡੇ ਤੈਨੂੰ ਕਹਿੰਦੇ ਨੇ ਸ਼ਰੇਆਮ ਨਮਾਸਤੇ,
ਮੈ ਸੋਚਾ ਖਬਰੇ ਤੇਰਾ ਨਾਮ ਨਮਾਸਤੇ,
ਨਾ ਮੈ ਸ਼ੈਫ ਅਲੀ ਨਾ ਤੂੰ ਪੀ੍ਟੀ ਜ਼ੈਟਾ,
ਗੱਲ ਬਣਜੂ "ਦੇਬੀ" ਨੂੰ ਕੁਹਿ ਸ਼ਰੇਆਮ ਨਮਾਸਤੇ,
ਮੇਰੇ ਕੋਲ ਮੋਬਾਇਲ ਭੇਜ ਦਿਆ ਕਰ ਐਸ .ਐਮ.ਐਸ ਰਾਹੀ,
ਭੇਜ ਦਿਆ ਕਰ ਹੋਊ ਨਾ ਬਦਨਾਮ ਨਮਾਸਤੇ

 

[Jaswinder Singh Baidwan]

ਜਿਸ ਨਾਲ ਵਾਦਾ ਕਰਕੇ ਟੈਮ ਮਿਲਣ ਦਾ ਦੇਵੇ ਤੂੰ,
ਉਹ ਰਾਹਾ ਦੇ ਵਿੱਚ ਰਹਿੰਦਾ ਤੂੰ ਕਿੱਥੇ ਰਹਿ ਜਾਨੀ ਏ,
ਮਿਲੇ ਸਕੂਟਰ ਵਾਲਾ ਬਾਏ ਬਾਏ ਸਾਇਕਲ ਵਾਲੇ ਨੂੰ,
ਅੱਗੋ ਟਕਰੇ ਕਾਰ ਵਾਲਾ ਉਸ ਨਾਲ ਬਹਿ ਜਾਨੀ ਏ,
ਨੀ ਤੂੰ ਦਸ ਆਦਤ ਵਰਗੀ ਜਿਹੜੀ ਛੇਤੀ ਛੁੱਟਦੀ ਨਹੀ,
ਨਸ਼ੇ ਵਰਗੀਏ ਸਿੱਧੀ ਹੱਡਾਂ ਵਿੱਚ ਰਚ ਜਾਨੀ ਏ,
"ਦੇਬੀ" ਡਰਦਾ ਨਿੱਤ ਤੇਰੇ ਬਿਆਨ ਬਦਲਣੇ ਤੋ,
ਸੁਣਿਆ ਏ ਤੂੰ ਮਿੱਤਰਾਂ ਨੂੰ ਭਰਾ ਕਹਿ ਜਾਨੀ ਏ.

 

[Jaswinder Singh Baidwan]

ਹੱਥ ਰੋਕ ਨਾ ਥੋੜੀ ਜਿਹੀ ਹੋਰ ਪਾ ਦੇ,
ਜਦੇ ਪੀਣ ਦੇ ਉੱਤੇ ਹੀ ਤੁਲ ਗਏ ਹਾਂ,
ਅੱਜ ਪੀਣ ਦਾ ਫੇਰ ਸਬੱਬ ਬਣਿਆ,
ਕਸਮਾਂ ਤੋੜ ਕੇ ਪੀਣ ਤੇ ਡੁਲ ਗਏ ਹਾਂ,
ਮੈ ਤਾ ਕਹਿੰਨਾ ਸ਼ਰਾਬ ਨੂੰ ਮੈ ਪੀਨਾ,
ਲੋਕ ਕਹਿੰਦੇ ਇਹਨੂੰ ਸ਼ਰਾਬ ਪੀ ਗਈ,
ਜਿਹੜੀ ਗੱਲ ਤੋ ਪੀਤੀ ਏ ਉਮਰ ਸਾਰੀ,
ਉਹ ਗੱਲ ਵੀ "ਦੇਬੀ" ਹੁਣ ਭੁਲ ਗਏ ਆ.

 

[Jaswinder Singh Baidwan]

ਇਸ ਨਗਰ ਵਿੱਚ ਸੱਜਣਾ ਤੂੰ ਜਦ ਕਦੇ ਵੀ ਆਏਗਾਂ,
ਮੋਹ ਵਫਾ ਨੂੰ ਛੁੱਡ ਕੇ ਹਰ ਚੀਜ ਤੂੰ ਇਥੇ ਪਾਏਗਾਂ,
ਸੋਨੇ ਚਾਦੀ ਦੇ ਨਗਰ ਸਿੱਕੇ ਬੜੇ ਕਮਾਏਗਾਂ,
ਸੋਚ ਕੇ ਮੈ ਕੰਬਦਾ ਏੱਥੇ ਤੂੰ ਜੋ ਗਵਾਏਗਾ......

ਵੈਲ-ਕੱਮ ਲੋਖਿਆ ਮਿਲੂਗਾ ਤੈਨੂੰ ਬੁਹਤਿਆ ਦਰਾਂ ਤੇ,
ਪਰ ਕੱਲੇ ਕੱਲੇ ਬੂਹੇ ਨੂੰ ਤੂੰ ਬੰਦ ਅੰਦਰੋ ਪਾਏਗਾ,
ਇੱਥੋ ਦੇ ਪਾਣੀ ਹਵਾ ਖ਼ਬਰੇ ਸਰਾਪੇ ਹੋਏ ਨੇ,
ਇਸ ਨਗਰ ਵਿਚ ਆਣ ਕੇ ਤੂੰ ਆਪਣੇ ਭੁਲ ਜਾਏਗਾਂ.....

ਸਾਉਣ, ਜਾਗਣ, ਨਾਹੌਣ, ਕੰਮ ਤੇ ਖਾਣ ਵਿੰਚ ਕੋਈ ਵੇਹਲ ਨਹੀ,
ਸੋ ਵੀ ਹੰਜੂ ਗਿਰਉਣ ਨੂੰ ਵਕਤ ਕਿੱਥੋ ਲਿਆਏਗਾ,
ਜੇਲ ਵਾਗੂ ਚਾਹ ਕੇ ਵੀ ਨਹੀ ਜਾਦਾ ਇੱਥੋ ਨਿਕਲਿਆ,
ਇੱਥੋ ਛੁਟੇਗਾ ਉਦੋ ਜਦੋ ਦੁਨਿਆ ਤੋ ਹੀ ਜਾਏਗਾ,
ਅਜੇ ਤਾ "ਦੇਬੀ" ਦੀਆ ਅੱਖਾਂ 'ਚ ਥੋੜੀ ਬੁਹਤੀ ਸ਼ਰਮ ਹੈ,
ਫੇਰ ਖ਼ਬਰੇ ਉਹਦੇ ਤੋ ਵੀ ਨਾ ਪਹਿਚਾਨਿਆ ਜਾਏਗਾ

 

[Jaswinder Singh Baidwan]

ਵਾਦਾ ਕਰਨਾ ਸੌਖਾ ਏ ਪਰ ਬੋਲ ਪਗਾਉਣੇ ਔਖਾ ਨੇ,
ਸੱਜਣਾ ਖਾਤਰ ਕੱਚਿਆ ਉੰਤੇ ਤਰ ਕੇ ਆਉਣਾ ਔਖਾ ਏ,

ਹਲਕਾ ਫੁਲਕਾ ਲਿਖਕੇ ਗਾ ਕੇ ਬੱਚੇ ਪਾਲੀ ਜਾਨੇ ਆ,
ਸ਼ਾਇਰੀ ਦਾ ਘਰ ਦੂਰ ਸੁਰ ਵਿੱਚ ਗਾਓਣਾ ਔਖਆ ਏ......

ਉਹਨਾ ਦੀ ਆਖੀ ਗੱਲ ਦੇ ਕਿੰਨੇ ਮਤਲਬ ਨਿੱਕਲਦੇ,
ਭਾਸ਼ਾ ਹੌਰ ਫਕੀਰਾਂ ਵਾਲੀ ਰਮਜ਼ ਨੂੰ ਪਾਉਣਾ ਔਖਾ ਏ....

ਬੱਚ ਜਾਣੇ ਸ਼ੈਤਾਨ ਵੀ ਅੱਲਾ ਤੇ ਭਗਵਾਨ ਵੀ,
ਪਰ ਮੰਦਰ ਮਸਜ਼ੱਦ ਦੇ ਝਗੜੇ ਵਿੱਚ ਇਨਸਾਨ ਬਚਾਉਣਾ ਔਖਾ ਏ...

ਕਰਮਾ ਵਾਲੀ ਚੱਛ ਜਿਸ ਥੱਲੇ ਪਿਆਰ, ਵਫਾ, ਇਨਸਾਫ ਰਹੇ,
ਮਕਾਨ ਬਣਾਉਣਾ ਸੌਖਾ "ਦੇਬੀ" ਘਰ ਬਣਾਉਣਾ ਔਖਾ ਏ..

 

[Jaswinder Singh Baidwan]

ਨਵਿਆਂ ਨਾ ਤੇਰੀਆਂ ਮੁਲ਼ਾਜੇਦਾਰੀਆਂ ਨੀ ਨਿੱਤ ਨਵੇਂ ਚਰਚ਼ੇ
ਬੇਈਮਾਨੇਂ ਕੱਚੀਆਂ ਬਨਾਉਟੀ ਯਾਰੀਆਂ ਨੀ ਐਵੇਂ ਰਹੇ ਪਰਚ਼ੇ
ਨਵਿਆਂ ਨਾ ਤੇਰੀਆਂ ਮੁਲ਼ਾਜੇਦਾਰੀਆਂ ਨੀ ਨਿੱਤ ਨਵੇਂ ਚਰਚ਼ੇ

ਮਿੱਤਰਾਂ ਦੀ ਗਾਨੀ ਗਲੋਂ ਲਾਉਂਣ ਵਾਲੀਏ
ਨਵੀ ਛ਼ਤਰੀ ਤੇ ਡੇਰੇ ਲਾਉਂਣ ਵਾਲੀਏ
ਹੁਣਂ ਨਵੇਂ ਪਾਸੇ ਤੇਰੀਆਂ ਉਡਾਰੀਆਂ ਨੀ ਵੇਖੀ ਜਾਇਏ ਖ਼ੜਕੇ
ਨਵਿਆਂ ਨਾ ਤੇਰੀਆਂ ਮੁਲ਼ਾਜੇਦਾਰੀਆਂ ਨੀ ਨਿੱਤ ਨਵੇਂ ਚਰਚ਼ੇ

ਯਾਰਾਂ ਦੇ ਪੁਵਾਕੇ ਵੈਰ ਮੋਜਾਂ ਮਾਣੇਂ ਨੀ
ਸਾਡੇ ਲਈ ਕਚਿਹਰੀਆਂ ਪੰਚਾਇਤਾਂ ਥਾਣੇਂ ਨੀ
ਨਿਰੀ ਬਦਨਾਮੀ ਖੱਜਲ ਖ਼ੁਆਰੀਆਂ ਨੀ ਜੁਰਮਾਨੇ ਪਰਚ਼ੇ
ਨਵਿਆਂ ਨਾ ਤੇਰੀਆਂ ਮੁਲ਼ਾਜੇਦਾਰੀਆਂ ਨੀ ਨਿੱਤ ਨਵੇਂ ਚਰਚ਼ੇ

ਆਸ਼ਿਕੀ ਦੇ ਢੂੰਗੇ ਫ਼ੱਟ ਮਿਣੀਂ ਜਾਨੇ ਆਂ
ਗਿਣਂਤੀ ਤਾਂ ਔਖੀ ਪਰ ਗਿਣੀਂ ਜਾਨੇ ਆਂ
ਦੁਖ਼ਾਂ ਤਕਲੀਫਾਂ ਨਾਲ ਪੈਣਂ ਯਾਰੀਆਂ ਨੀ ਕਿਸੇ ਉੱਤੇ ਮਰ ਕੇ
ਨਵਿਆਂ ਨਾ ਤੇਰੀਆਂ ਮੁਲ਼ਾਜੇਦਾਰੀਆਂ ਨੀ ਨਿੱਤ ਨਵੇਂ ਚਰਚ਼ੇ

ਪੱਥਰ ਦਿਲੇ ਨੀ ਤੇਰਾ ਗਿਆ ਦੱਸ ਕੀ
ਕੌਣਂ ਪੁਛੇ "ਦੇਬੀ" ਕੋਲ ਰਿਹਾ ਦੱਸ ਕੀ
ਉਮਰਾਂ ਤੇਰੇ ਤੋਂ ਵੇਲਾਂ ਕਰ ਵਾਰੀਆਂ ਕਿੰਨੇ ਵਰ਼ੇ ਖ਼ਰਚੇ
ਨਵਿਆਂ ਨਾ ਤੇਰੀਆਂ ਮੁਲ਼ਾਜੇਦਾਰੀਆਂ ਨੀ ਨਿੱਤ ਨਵੇਂ ਚਰਚ਼ੇ..

 

[Jaswinder Singh Baidwan]

ਅਸੀਂ ਰੱਜੇ ਹਾਂ ਦਰਸ਼ਨਾਂ ਨਾਲ ਹੁਣਂ ਭੁੱਖ਼ ਨਈਂ ਲੱਗਦੀ
ਅੱਖ਼ ਲੜ ਗਈ ਏ ਸੱਜਣਾਂ ਨਾਲ ਹੁਣਂ ਸੁੱਖ਼ ਨਈਂ ਲੱਗਦੀ
ਅਸੀਂ ਰੱਜੇ ਹਾਂ ਦਰਸ਼ਨਾਂ ਨਾਲ ਹੁਣਂ ਭੁੱਖ਼ ਨਈਂ ਲੱਗਦੀ

ਆਸ਼ਿਕੀ ਦੇ ਗੇੜ ਚ ਮੁਸੀਬ਼ਤ ਸਹੇੜ ਲਈ
ਜਾਣਾਂ ਕਿੱਥੇ ਭੱਜ ਕੇ ਭਰਿੰਡ ਰੰਗੀ ਛ਼ੇੜ ਲਈ
ਬੜੀ ਮਹਿੰਗੀ ਪਈ ਸੱਤਸਰੀਆਕਾਲ ਹੁਣਂ ਭੁੱਖ਼ ਨਈਂ ਲੱਗਦੀ
ਅੱਖ਼ ਲੜ ਗਈ ਏ ਸੱਜਣਾਂ ਨਾਲ ਹੁਣਂ ਸੁੱਖ਼ ਨਈਂ ਲੱਗਦੀ
ਅਸੀਂ ਰੱਜੇ ਹਾਂ ਦਰਸ਼ਨਾਂ ਨਾਲ ਹੁਣਂ ਭੁੱਖ਼ ਨਈਂ ਲੱਗਦੀ

ਸੌਹਣਿਆਂ ਦੀ ਨੌਕਰੀ ਤਾਂ ਬਹੁਤੀ ਬੇਆਰਾਮ ਏ
ਖਾਣਾਂ ਪੀਣਾਂ ਸੌਣਾਂ ਆਉਂਣਾਂ ਜਾਣਾਂ ਵੀ ਹਰਾਮ ਏ
ਡੀਊਟੀ ਚੌਵੀਂ ਘੰਟੇ ਦੇਣੀਂ ਹਰ ਹਾਲ ਹੁਣਂ ਭੁੱਖ਼ ਨਈਂ ਲੱਗਦੀ
ਅੱਖ਼ ਲੜ ਗਈ ਏ ਸੱਜਣਾਂ ਨਾਲ ਹੁਣਂ ਸੁੱਖ਼ ਨਈਂ ਲੱਗਦੀ
ਅਸੀਂ ਰੱਜੇ ਹਾਂ ਦਰਸ਼ਨਾਂ ਨਾਲ ਹੁਣਂ ਭੁੱਖ਼ ਨਈਂ ਲੱਗਦੀ

ਲੱਗੀ "ਮਖ਼ਸੂਸਪੁਰੀ" ਕਿੱਦਾ ਵੀ ਨਿਭਾਵਾਂਗੇ
ਦਿਲ ਤਾਂ ਗਿਆ ਏ ਖ਼ੌਰੇ ਜਾਨ ਤੋਂ ਵੀ ਜਾਵਾਂਗੇ
ਘਾਟੇ ਵਾਧੇ ਦਾ ਕੀ ਰੱਖ਼ਣਾਂ ਖ਼ਿਆਲ ਹੁਣਂ ਭੁੱਖ਼ ਨਈਂ ਲੱਗਦੀ
ਅੱਖ਼ ਲੜ ਗਈ ਏ ਸੱਜਣਾਂ ਨਾਲ ਹੁਣਂ ਸੁੱਖ਼ ਨਈਂ ਲੱਗਦੀ
ਅਸੀਂ ਰੱਜੇ ਹਾਂ ਦਰਸ਼ਨਾਂ ਨਾਲ ਹੁਣਂ ਭੁੱਖ਼ ਨਈਂ ਲੱਗਦੀ

 

[Jaswinder Singh Baidwan]

ਕਿਤੇ ਵਾਅਦਿਆਂ ਸਮੇਤ ਦਿਲ ਤੋੜ ਕੇ ਬਦਨਾਮੀ ਵਾਲੀ ਨਹਿਰ ਵਿੱਚ ਰੋੜ ਕੇ
ਕਹਿੰਦੇ ਹੁਣਂ ਸਾਨੂੰ ਭੁੱਲਣਾਂ ਤੂੰ ਚਾਹੁਨੀ ਏ ਨੀ ਖ਼ਿਆਲ ਕੋਈ ਕਮੀਨ਼ੇ ਵਾਂਗਰਾਂ
ਤੂੰ ਤਾਂ ਬੇਈਮਾਨੇ ਮਿੱਤਰਾਂ ਨੂੰ ਪੂੰਝ ਤਾਂ ਨੀ ਮੱਥੇ ਤੋਂ ਪਸੀਨ਼ੇ ਵਾਂਗਰਾਂ

ਸਾਡੇ ਨਾਂ ਉੱਤੇ ਝੱਟ ਕਾਟਾ ਮਾਰ ਤਾ ਤੂੰ ਸੱਜਣਾਂ ਤੋਂ ਛੇਤੀ ਰੱਜ ਗਈ
ਸਾਡੇ ਪਿਆਰ ਦਾ ਚਿਰਾਗ ਛੱਡ ਮੱਚਦਾ ਟਟੈਣਿਆਂ ਦੇ ਪਿੱਚੇ ਭ਼ੱਜ ਲਈ
ਤੋੜੇ ਕੱਚ ਕਹਿ ਕੇ ਜੜੇ ਸੀ ਜੋ ਦਿਲ ਵਾਲੀ ਮੁੰਦੀ ਚ ਨਗੀਨੇ ਵਾਂਗਰਾਂ
ਤੂੰ ਤਾਂ ਬੇਈਮਾਨੇ ਮਿੱਤਰਾਂ ਨੂੰ ਪੂੰਝ ਤਾਂ ਨੀ ਮੱਥੇ ਤੋਂ ਪਸੀਨ਼ੇ ਵਾਂਗਰਾਂ

ਤੇਰੇ ਪਿੱਛੇ ਕੁਰਬਾਨੀਆਂ ਜੋ ਕੀਤੀਆਂ ਓਹਨਾਂ ਨੂੰ ਦੱਸੇ ਗੁਸਤਾਖ਼ੀਆਂ
ਤੇਰੇ ਕਰਕੇ ਹੀ ਰੁੱਸਿਆਂ ਤੋਂ ਸਾਡੇ ਕੌਲੋਂ ਵੈਰਨੇਂ ਮੰਗਾਈਆਂ ਮਾਫ਼ੀਆਂ
ਅਸੀਂ ਹੰਬ ਗਏ ਸਫ਼ਾਈਆਂ ਦਿੰਦੇ ਤੇਨੂੰ ਕਿਸੇ ਝੂਠ਼ੇ ਬੇਯ਼ਕੀਨੇਂ ਵਾਂਗਰਾਂ
ਤੂੰ ਤਾਂ ਬੇਈਮਾਨੇ ਮਿੱਤਰਾਂ ਨੂੰ ਪੂੰਝ ਤਾਂ ਨੀ ਮੱਥੇ ਤੋਂ ਪਸੀਨ਼ੇ ਵਾਂਗਰਾਂ

ਤੇਰੀ ਯ਼ਾਰੀ ਮਾਰੂਥਲ਼ ਸੱਚੀ ਮਰਦ਼ੇ ਪਿਆਸਿਆਂ ਲਈ ਨੀਰ ਕੋਈ ਨਾਂ
ਜਾਂ ਫ਼ੇਰ ਤਿੱਖੀ ਡੌਰ ਗੁੰਜਲਾ ਤੇ ਪੇਚਾਂ ਵਾਲੀ ਜਿਸਦਾ ਅਖ਼ੀਰ ਕੋਈ ਨਾਂ
ਡਾਢਾ ਅੰਦਰੋਂ ਤੇ ਬਾਹਰੋਂ ਸਾਨੂੰ ਸਾੜਿਆ ਨੀ ਹਾੜ ਦੇ ਮਹੀਨੇਂ ਵਾਂਗਰਾਂ
ਤੂੰ ਤਾਂ ਬੇਈਮਾਨੇ ਮਿੱਤਰਾਂ ਨੂੰ ਪੂੰਝ ਤਾਂ ਨੀ ਮੱਥੇ ਤੋਂ ਪਸੀਨ਼ੇ ਵਾਂਗਰਾਂ

ਤੇਰਾ ਵੇਖਣਾਂ ਤੇ ਬੋਲਣਾਂ ਦਿਖਾਵਿਆਂ ਦਾ ਹੁਣਂ ਪਹਿਲਾਂ ਵਾਲੀ ਸੁਰ ਨਾਂ
ਕਦੀ ਮੇਰਾ ਮੇਰਾ ਆਖ਼ਦੀ ਸੈਂ ਹੁਣਂ ਤੇਰੇ ਯ਼ਾਦ "ਮਖ਼ਸੂਸਪੁਰ" ਨਾਂ
ਅਸੀਂ ਵੇਖ਼ ਲੈ ਅਜੇ ਵੀ ਪੂਜੀ ਜਾਇਏ ਤੇਰੇ ਸ਼ਹਿਰ ਨੂੰ ਮਦ਼ੀਨੇ ਵਾਂਗਰਾਂ
ਤੂੰ ਤਾਂ ਬੇਈਮਾਨੇ ਮਿੱਤਰਾਂ ਨੂੰ ਪੂੰਝ ਤਾਂ ਨੀ ਮੱਥੇ ਤੋਂ ਪਸੀਨ਼ੇ ਵਾਂਗਰਾਂ

 

[Jaswinder Singh Baidwan]

ਸੋਹਣੀ ਚੀਜ਼ ਏਸ ਦੀ ਕਮਜ਼ੋਰੀ ਸਹੀ ਤਾਂ ਵੀ ਹਰ ਇੱਕ ਨੂੰ ਸਜਦਾ ਨਹੀਂ ਕਰਦੀ
ਅੱਖ ਨੂੰ ਹੋਰ ਵੀ ਬੜੇ ਕੰਮ ਨੇ, ਇਸ਼ਕ ਦੇ ਹਰਫ ਨਹੀਂ ਸਦਾ ਪੜਦ੍ਹੀ
ਜਿਸਨੂੰ ਵੀ ਦੇਖੇ ਪਰਖ ਕੇ ਦੇਖੇ ਦੇਬੀ ਚਲਾਕ ਤੇ ਸਿਆਣੀ ਏ
ਕਵੀ ਬਦਨਾਮ ਐਵੇਂ ਕਰਦੇ ਨੇ, ਇੰਨੀ ਛੇਤੀ ਵੀ ਅੱਖ ਨਹੀਂ ਲੜ੍ਹਦੀ ..