ਮਹਿਲਾ ਹਾਕੀ ਵਿਸ਼ਵ ਕੱਪ 'ਚ ਭਾਰਤ ਔਖੇ ਪੂਲ ਵਿਚ

[chief]

ਅਰਜਨਟੀਨਾ ਵਿਖੇ ਇਸ ਸਾਲ ਹੋਣ ਵਾਲੇ ਮਹਿਲਾ ਹਾਕੀ ਵਿਸ਼ਵ ਕੱਪ ਦੇ ਵਿਚ ਭਾਰਤੀ ਟੀਮ ਵਿਸ਼ਵ ਤੇ ਉਲੰਪਿਕ ਚੈਂਪੀਅਨ ਹਾਲੈਂਡ ਜਰਮਨੀ ਤੇ ਆਸਟ੍ਰੇਲੀਆ ਵਰਗੀਆਂ ਮਜ਼ਬੂਤ ਟੀਮਾਂ ਨਾਲ ਇਕ ਗਰੁੱਪ ਦੇ ਵਿਚ ਰੱਖਿਆ ਗਿਆ ਹੈ।

ਇਸ ਤੋਂ ਇਲਾਵਾ ਜਾਪਾਨ ਤੇ ਨਿਊਜ਼ੀਲੈਂਡ ਵੀ ਪੂਲ-ਏ ਦੇ ਵਿਚ ਹਨ।ਭਾਰਤੀ ਮਹਿਲਾਵਾਂ ਆਪਣਾ ਪਹਿਲਾ ਮੈਚ 30 ਅਗਸਤ ਨੂੰ ਹਾਲੈਂਡ ਦੇ ਖਿਲਾਫ ਖੇਡਣਗੀਆਂ।

ਇਸ ਤੋਂ ਬਾਅਦ ਉਹ ਆਸਟ੍ਰੇਲੀਆ ਨਾਲ 1 ਸਤੰਬਰ ਨੂੰ, ਜਰਮਨੀ ਨਾਲ 3 ਸਤੰਬਰ ਨੂੰ, ਜਾਪਾਨ ਨਾਲ 5 ਸਤੰਬਰ ਨੂੰ ਤੇ ਨਿਊਜ਼ੀਲੈਂਡ ਨਾਲ 7 ਸਤੰਬਰ ਨੂੰ ਭਿੜਣਗੀਆਂ ਪੂਲ ਬੀ ਦੇ ਵਿਚ ਮੇਜ਼ਬਾਨ ਅਰਜਨਟੀਨਾ, ਚੀਨ, ਸਪੇਨ, ਇੰਗਲੈਂਡ, ਕੋਰੀਆ ਤੇ ਦੱਖਣੀ ਅਫਰੀਕਾ ਨੂੰ ਰੱਖਿਆ ਗਿਆ ਹੈ।

ਅਰਜਨਟੀਨਾ ਵਿਚ 29 ਅਗਸਤ ਤੋਂ 11 ਸਤੰਬਰ ਤੱਕ ਹੋਣ ਵਾਲੀ ਇਸ ਪ੍ਰਤੀਯੋਗਤਾ ਦਾ ਉਦਘਾਟਨੀ ਮੈਚ ਚੀਨ ਤੇ ਕੋਰੀਆ ਦਰਮਿਆਨ ਖੇਡਿਆ ਜਾਵੇਗਾ।ਇਸ ਤੋਂ ਬਾਅਦ ਦੱਖਣੀ ਅਫਰੀਕਾ ਤੇ ਅਰਜਨਟੀਨਾ, ਸਪੇਨ ਤੇ ਇੰਗਲੈਂਡ ਭਿੜਣਗੇ।

ਹਰ ਪੂਲ ਦੇ ਵਿਚੋਂ ਚੋਟੀ 'ਤੇ ਰਹਿਣ ਵਾਲੀਆਂ 2 ਟੀਮਾਂ ਨੂੰ ਸੈਮੀਫਾਈਨਲ 'ਚ ਥਾਂ ਦਿੱਤੀ ਜਾਵੇਗੀ ਜੋ 9 ਸਤੰਬਰ ਨੂੰ ਖੇਡਿਆ ਜਾਵੇਗਾ ਤੇ ਇਸ ਦਾ ਫਾਈਨਲ ਮੈਚ 11 ਸਤੰਬਰ ਨੂੰ ਖੇਡਿਆ ਜਾਵੇਗਾ।