BaBBu
Prime VIP
ਛਾਂ ਨੂੰ ਮਿਲਣ ਦੀ ਖ਼ਾਤਿਰ ਹਰ ਹਾਲ ਚਲ ਰਿਹਾ ਹਾਂ ।
ਸੂਰਜ ਦੇ ਨਾਲ ਭਾਵੇਂ, ਪਲ ਪਲ ਪਿਘਲ ਰਿਹਾ ਹਾਂ ।
ਭਾਵੇਂ ਘਣਾ ਹਨੇਰਾ ਹੈ ਜ਼ਿੰਦਗੀ 'ਚ ਮੇਰੇ,
ਬਣ ਕੇ ਚਰਾਗ਼ ਤੇਰੇ ਰਾਹਾਂ 'ਚ ਜਲ ਰਿਹਾ ਹਾਂ।
ਹਰ ਹਾਦਸੇ 'ਚੋਂ ਮੈਨੂੰ ਇਕ ਰੌਸ਼ਨੀ ਮਿਲੀ ਹੈ,
ਤੇਰੀ ਨਜ਼ਰ 'ਚੋਂ ਡਿੱਗ ਕੇ ਤਾਹੀਂ ਸੰਭਲ ਰਿਹਾ ਹਾਂ ।
ਚਿਹਰੇ ਮਿਰੇ ਤੋਂ ਸ਼ਾਇਦ, ਨਫ਼ਰਤ ਹੈ ਜ਼ਿੰਦਗੀ ਨੂੰ,
ਉਸ ਨੂੰ ਮਿਲਣ ਲਈ ਹੁਣ, ਚਿਹਰਾ ਬਦਲ ਰਿਹਾ ਹਾਂ।
ਮਿਲ ਨਾ ਹਵਾ ਤਰ੍ਹਾਂ ਤੂੰ, ਵਰ੍ਹਦੀ ਘਟਾ ਤਰ੍ਹਾਂ ਮਿਲ,
ਪਿਛਲੇ ਜਨਮ ਤੋਂ ਹੀ ਮੈਂ ਦਿਨ ਰਾਤ ਜਲ ਰਿਹਾ ਹਾਂ ।
ਵਾਕਿਫ਼ ਹਾਂ ਇਸ ਨਗਰ ਦੀ ਹਰ ਰਸਮ ਹਰ ਸਜ਼ਾ ਤੋਂ,
ਇਕ ਦਿਲ ਤੇ ਸ਼ਹਿ ਹੈ ਤੇਰੀ, ਅਡਰਾ ਹੀ ਚਲ ਰਿਹਾ ਹਾਂ।
ਯਾਰਾਂ ਨੁੰ ਸੂਲ ਵਾਗੂੰ ਚੁਭਦੀ ਸੀ ਹੋਂਦ ਮੇਰੀ,
ਚੁਪ ਚਾਪ ਆਹ ਵਾਂਗੂੰ ਸ਼ਹਿਰੋਂ ਨਿਕਲ ਰਿਹਾ ਹਾਂ।
'ਜਗਤਾਰ' ਤੂੰ ਕਦੀ ਨਾ ਇਸ ਗਲ ਦੀ ਦਾਦ ਦਿੱਤੀ,
'ਸਬਜ਼ਾ' ਹਾਂ ਪੱਥਰਾਂ ਦੇ ਸੀਨੇ 'ਚ ਪਲ ਰਿਹਾ ਹਾਂ ।
ਸੂਰਜ ਦੇ ਨਾਲ ਭਾਵੇਂ, ਪਲ ਪਲ ਪਿਘਲ ਰਿਹਾ ਹਾਂ ।
ਭਾਵੇਂ ਘਣਾ ਹਨੇਰਾ ਹੈ ਜ਼ਿੰਦਗੀ 'ਚ ਮੇਰੇ,
ਬਣ ਕੇ ਚਰਾਗ਼ ਤੇਰੇ ਰਾਹਾਂ 'ਚ ਜਲ ਰਿਹਾ ਹਾਂ।
ਹਰ ਹਾਦਸੇ 'ਚੋਂ ਮੈਨੂੰ ਇਕ ਰੌਸ਼ਨੀ ਮਿਲੀ ਹੈ,
ਤੇਰੀ ਨਜ਼ਰ 'ਚੋਂ ਡਿੱਗ ਕੇ ਤਾਹੀਂ ਸੰਭਲ ਰਿਹਾ ਹਾਂ ।
ਚਿਹਰੇ ਮਿਰੇ ਤੋਂ ਸ਼ਾਇਦ, ਨਫ਼ਰਤ ਹੈ ਜ਼ਿੰਦਗੀ ਨੂੰ,
ਉਸ ਨੂੰ ਮਿਲਣ ਲਈ ਹੁਣ, ਚਿਹਰਾ ਬਦਲ ਰਿਹਾ ਹਾਂ।
ਮਿਲ ਨਾ ਹਵਾ ਤਰ੍ਹਾਂ ਤੂੰ, ਵਰ੍ਹਦੀ ਘਟਾ ਤਰ੍ਹਾਂ ਮਿਲ,
ਪਿਛਲੇ ਜਨਮ ਤੋਂ ਹੀ ਮੈਂ ਦਿਨ ਰਾਤ ਜਲ ਰਿਹਾ ਹਾਂ ।
ਵਾਕਿਫ਼ ਹਾਂ ਇਸ ਨਗਰ ਦੀ ਹਰ ਰਸਮ ਹਰ ਸਜ਼ਾ ਤੋਂ,
ਇਕ ਦਿਲ ਤੇ ਸ਼ਹਿ ਹੈ ਤੇਰੀ, ਅਡਰਾ ਹੀ ਚਲ ਰਿਹਾ ਹਾਂ।
ਯਾਰਾਂ ਨੁੰ ਸੂਲ ਵਾਗੂੰ ਚੁਭਦੀ ਸੀ ਹੋਂਦ ਮੇਰੀ,
ਚੁਪ ਚਾਪ ਆਹ ਵਾਂਗੂੰ ਸ਼ਹਿਰੋਂ ਨਿਕਲ ਰਿਹਾ ਹਾਂ।
'ਜਗਤਾਰ' ਤੂੰ ਕਦੀ ਨਾ ਇਸ ਗਲ ਦੀ ਦਾਦ ਦਿੱਤੀ,
'ਸਬਜ਼ਾ' ਹਾਂ ਪੱਥਰਾਂ ਦੇ ਸੀਨੇ 'ਚ ਪਲ ਰਿਹਾ ਹਾਂ ।