ਫੇਰ ਕਿਤੇ ਜਾ ਕੇ ਸਾਡਾ ਹੁੰਦਾ ਏ ਗੁਜ਼ਾਰਾ

[KARAN]

ਮੈਂ ਤਾਂ ਸੀਰੀ ਰਲ਼ਿਆ ਹਾਂ ਆੜੀ ਮੇਰੇ ਪੜ੍ਹਦੇ
ਮਾਪੇ ਮੇਰੇ ਭੁੱਖੇ ਰਹਿ ਦਿਹਾੜੀਆਂ ਨੇ ਕਰਦੇ
ਨਿੱਕਾ ਭਾਈ ਸੜਕਾਂ 'ਤੇ ਰੋੜੀ ਕੁੱਟਦਾ ਵਿਚਾਰਾ
ਫੇਰ ਕਿਤੇ ਜਾ ਕੇ ਸਾਡਾ ਹੁੰਦਾ ਏ ਗੁਜ਼ਾਰਾ....।

ਮਾਂ ਮੇਰੀ ਲੋਕਾਂ ਦੇ ਬੁਣਦੀ ਏ ਤਾਣੇ ਓਏ
ਉਹਦੇ ਵੱਟੇ ਲੋਕ ਸਾਨੂੰ ਦੇ ਜਾਂਦੇ ਦਾਣੇ ਓਏ
ਇਹਦੇ ਤੋਂ ਬਿਨਾਂ ਹੋਰ ਕੋਈ ਹੈ ਵੀ ਨਾ ਚਾਰਾ
ਫੇਰ ਕਿਤੇ....। .

ਚਾਚਾ ਮੇਰਾ ਲੋਕਾਂ ਦੀਆਂ ਮੱਝਾਂ ਫਿਰੇ ਚਾਰਦਾ
ਲਾਹੁੰਦਾ ਪਿਆ ਕਰਜ਼ਾ ਉਹ ਅਸ਼ੋਕ ਸ਼ਾਹੂਕਾਰ ਦਾ
ਚੁੱਕ ਭੈਣ ਦੇ ਵਿਆਹ 'ਤੇ ਜੋ ਲਾਇਆ ਸਰਦਾਰਾ
ਫੇਰ ਕਿਤੇ....। .

ਬੇਬੇ ਮੇਰੀ ਮੰਜੇ 'ਤੇ ਬਿਮਾਰ 'ਕਾਲੇ' ਪਈ ਆ
ਉਹਨੂੰ ਐਸੀ ਚੰਦਰੀ ਬਿਮਾਰੀ ਲੱਗ ਗਈ ਆ
ਦਵਾ ਦੀ ਥਾਂ ਦੇਣਾ ਪੈਂਦਾ ਬਾਹਾਂ ਦਾ ਸਹਾਰਾ
ਫੇਰ ਕਿਤੇ....।

Kala Toor​