Poetry by Shiv Kumar Batalvi

[Jaswinder Singh Baidwan]

Mainu ta mere dosta mere gamm ne maariyaa

Mainu ta mere dosta mere gamm ne maariyaa
Hai jhuth teri dosti de damm ne maariyaa

Mainu te jeth-haarh te koi nahi gilla
Mere chaman nu chet di shabnam ne maariyaa

Masiya di kaali raat da koi nahi kasoor
sagar nu oasdi apni poonam ne maariyaa

Ih kaun hai jo maut nu badnaam kar reha ??
Insaan nu insaan de janam ne maariyaa

Charheya si jehrha suraj dubna si oas jaroor
Koi jhoth keh reha pachamm ne maariyaa

Maniyaa k moya mitraa da gamm v maardai
Bahutta par iss dikhave de maatam ne maariyaa

Kaatil koi dushman nahi mai thikk aakhdaa
'Shiv' nu ta 'Shiv' de aapne mehramm ne maariyaa

 

[Jaswinder Singh Baidwan]

Ikk kudi


Ik kuddi jida naa muhabbat,
Goum hai.
Saad muraadi, soni phabbat,
Goum hai.

Soorat ousdi pariyaan vargi
Seerat di o mariam lagdiHasdi hai taa phul jhaddade ne
Turdi hai taa gazal hai lagdi.
Lamm-salammi, saru de kad di
Umar aje hai marke agg di,
Par naina di gal samajhdi.
Goummeyaan janam janam han hoye
Par lagda jyon kal di gal hai.
Yun lagda jyon ajj di gal hai,
Yun lagda jyon hun di gal hai.

Huney taan mere kol khaddi si
Huney taan mere kol nahi hai
Eh ki chhal hai, eh ki phatkan
Soch meri hairan baddi hai.
Nazar meri har aande jaande
Chehre da rang phol rahi hai,
Ous kuddi nu tol rahi hai.

Saanjh dhale baazaaran de jad,
Moddaan te khushbu ugdi hai.
Vehal, thakaavat, bechaini jad,
Chau raaheyaan te aa juddadi hai.
Rauley lippi tanhai vich
Os kuddi di thudd khaandi hai.
Os kuddi di thudd disdi hai.
Har chhin mennu inyon lagda hai,
Har din mennu inyon lagda hai.
Judde jashan ne bheeddaan vichon,
Juddi mahak de jhurmat vichon,
O mennu aawaaz davegi,
Men ohnu pehchaan lavaanga
O mennu pehchaan lavegi.
Par es raule de hadd vichon
Koi mennu aawaaz na denda
Koi vi mere vall na vehnda.

Par khaure kyun tapala lagda,
Par khaure kyun jhaulla painda,
Har din har ik bheedd juddi chon,
But ohda jyun langh ke jaanda.
Par mennu hi nazar na aunda.
Goum gaya maen os kuddi de
Chehre de vich goummeya rehnda,
Os de gham vich ghullda rehnda,
Os de gham vich khurda jaanda!
Os kuddi nu meri saun hai,
Os kuddi nu apni saun hai,

Os kuddi nu sab di saun hai.
Os kuddi nu jag di saun hai,
Os kuddi nu rab di saun hai,
Je kithe paddhdi sundi hove,
Jyundi ya o mar rahi hove
Ik vaari aa ke mil jaave
Vafa meri nu daag na laave
Nahin taan methon jiya na jaanda
Geet koi likheya na janda!

Ik kudi jida naa muhabat.
Goum hai.
Saad muradi sohni phabbat

 

[Jaswinder Singh Baidwan]

Shikraa Yaar


maae nii maae
main ik shikraa yaar banaaiyaa
ohde sir te kalgii
te odhi pairii jhaanjhar
te o chog chugindaa aaiyaa

nii main vaarii jaanvaa!

ik ohde ruup dii
dhup tikherii
dujaa mahkaan daa tirhaaiyaa
teejaa odhaa rang gulaabii
kise gorii maan daa jaayaa

nii main vaarii jaanvaa!

nainii odhe
chet dii aakhan
at'e zulfii saavan chhaiyaa
hothaan de vich kat'e daa
koii dihu charne te aaiyaa

nii main vaarii jaanvaa!

savaan de vich
phul soyiaan de
kisse baagh chanan daa laaiyaa
dehii de vich khede chetar
itraan naal nuhaaiyaa

nii main vaarii jaanvaa!

bolaan de vich
paen pur'e dii
nii oh koilaan daa hamsaaiyaa
chitte dund jiyun dhaanon baglaa
taadii maar udaayiaa

nii main vaarii jaanvaa!

ishq'e daa
ik palang nawaarii
asaaan chananiyaan vich dahiyaa
tan dii chadar ho gayii mailii
us paer jaan palanghen payaa

nii main vaarii jaanvaa!

dukhan mere
nainaa de koe
vich har hanjhuaan daa aaiyaa
saarii raat gayii vich sochaan
uss eh kii zulam kamaaiyaa

nii main vaarii jaanvaa!

subah savere
lau nii vatnaa
asaan mal mal os nuhvaayaa
dehiin de vichon niklan chingaan
te saadaa hath gayaa kumlaaiaa

nii main vaarii jaanvaa!

chuurii kutaaN
te o khaundaa naahii
ohnuu dil daa maas khvayaa
ik udaarii aisii maarii
uh mud vatnii naa aayaa

nii main vaarii jaanvaa!

maae nii maae
main ik shikraa yaar banaaiyaa
ohde sir te kalgii
te odhi pairii jhaanjhar
te o chog chugindaa aaiyaa

nii main vaarii jaanvaa

 

[Jaswinder Singh Baidwan]

Adhure geet di ikk satar



main adhoore geet di ik satar haan
main aippri-pair da safar haan
ishq ne jo kitian barbadiyan
main ohna barbadiyan da sikhar haan
main teri mehfil da bujiya ik chirag
main tere hothan chon kiriya jikar haan
ik ikkali maut hai jisda ilaj
chaar din di jindgi da fikar haan
jis ne mainu dekh na dekhia
main ohde nainaan di goongi nazar haan
main te ik apna hi chera dekiya
main vi is duniyan ch kaisa bashar haan
kal kise suniya si "shiv"kehandiyan
peer lai hoya jahan vich nashar haan

 

[Jaswinder Singh Baidwan]

Thorhe bache

Thorhe bache soukhi jaan
Aap sukhi soukhi santaan...

Ikk do da mooh bhar sakda shakkar ghee de naal
Bauhtte hon ta bhandhe kharhkan na aata na daal
Na rajj khaawan,na rajj pivan,na rajj handhaan
Thorhe bache soukhi jaan,
aap soukhi santaan......

Ikk do hon ta bharyaa lagda hasda-hasda vehrha
Bauhtte hon ta chikk-chihaarha nitt da jagrhaa-jherhaa
Bhath pawe oh sona jihrha kanna nu khaan
Thorhe bache soukhi jaan,
aap soukhi santaan......

Ikk do hon ta ikan jikan fulla di muskaan
Bauhtte hon ta ikkan-jikkan kandeya laddi taahan
kehrha maali chahe oasde full de kande ban jaan
Thorhe bache soukhi jaan,
aap soukhi santaan.....

 

[Jaswinder Singh Baidwan]

Shiv nu shiv de apne gham ne maarya


ਚੜ੍ਹਿ* ਆ ਸੀਜਿਹੜਾ ਸੂਰਜ,
ਡੁੱਬਣਾਂ ਸੀ ਉਸ ਜਰੂਰ..
ਕੋ*ਈ ਝੂਠ ਕਹਿ ਰਿਹਾ ਹੈ,
ਕਿ ਪੱਛਮ ਨੇਂ ਮਾਰਿਆ..||

ਮੰਨਿ*ਆਂ ਕਿ ਮੋ*ਇ*ਆਂ-ਮਿੱਤਰਾਂ ਦਾ,
ਗ਼ਮ ਵੀ ਹੈ ਮਾਰਦਾ..
ਬਹੁਤਾ ਪਰ ਇਸ ਦਿਖਾਵੇ ਦੇ,
ਮਾਤਮ ਨੇਂ ਮਾਰਿਆ..||

ਕਾਤਿਲ ਕੋ*ਈ ਦੁਸ਼ਮਣ ਨਹੀਂ,
ਮੈਂ ਠੀਕ ਆਖਦਾਂ..
"ਸ਼ਿਵ" ਨੂੰ ਤਾਂ "ਸ਼ਿਵ" ਦੇ,
apne gham ਨੇਂ ਮਾਰਿਆ..||

 

[Jaswinder Singh Baidwan]

Maut shaheeda di

Maut shaheeda di jo marde ne
oh ambar te taara ban k charhde ne
Jaan jihrhi v desh de lekhe lagdi hai
Oh gagna vich suraj ban k dagdi hai
Oh asmani badal ban k warde ne
Maut shaheeda di jo marde ne......

Dharti uppar jinne v ne full khirhde
Oh ne sare khaab shaheeda de dillan de
Full ohna de lahuaa nu hi lagde ne
Maut shaheeda di jo marde ne......

Koi v wadha suraa nahi shaheeda to
Koi v wadha wali nahi shaheeda to
Shah ,gunni vidwaan ohna de barde ne
Maut shaheeda di jo marde ne

 

[Jaswinder Singh Baidwan]

ਉੱਚੀਆਂ ਪਹਾੜੀਆਂ ਦੇ
ਓਹਲੇ ਓਹਲੇ ਸੂਰਜਾ,
ਰਿਸ਼ਮਾ ਦੀ ਲਾਬ ਪਿਆ ਲਾਏ|
ਪੀਲੀ ਪੀਲੀ ਧੁੱਪੜੀ ਨੂੰ
ਭੰਨ ਭੰਨ ਪੋਟਿਆਂ ਥੀਂ,
ਟੀਸੀਆਂ ਨੂੰ ਬਾਂਕੜੀ ਲੁਆਏ|

ਗਿੱਟੇ ਗਿੱਟੇ ਪੌਣਾਂ ਵਿੱਚ
ਵਗਣ ਸੁਘੰਦੀਆਂ ਨੀ,
ਨੀਂਦ ਪਈ ਪੰਖੇਰੂਆਂ ਨੂੰ ਆਏ|
ਸਾਵੇ ਸਾਵੇ ਰੁੱਖਾਂ ਦੀਆਂ
ਝੰਗੀਆਂ ਚ ਕੂਲ੍ਹ ਕੋਈ,
ਬੈਠੀ ਅਲਗੋਜੜੇ ਵਜਾਏ|

ਪਾਣੀਆਂ ਦੇ ਸ਼ੀਸ਼ੇ ਵਿੱਚ
ਮੁੱਖ ਵੇਖ ਕੰਮੀਆਂ ਦੇ,
ਰੋਣ ਪਏ ਨੀ ਪੱਤ ਕੁਮ੍ਲਾਏ|
ਨਿੱਕੇ ਨਿੱਕੇ ਘੁੰਗਰੂ ਨੀ
ਪੋਣ ਬੰਨ ਪੈਰਾਂ ਵਿੱਚ,
ਅੱਡੀਆਂ ਮਰੀਂਦੀ ਟੁਰੀ ਜਾਏ|

ਕੂਲੀਆਂ ਕਰੂੰਬਲਾਂ’ ਤੇ
ਸੁੱਤੇ ਜਲ ਬਿੰਦੂਆਂ’ ਚ,
ਕਿਰਣਾਂ ਨੇ ਦੀਵੜੇ ਜਗਾਏ|
ਆਓਂਦੇ ਜਾਂਦੇ ਰਾਹੀਆਂ ਨੂੰ
ਪਟੋਲੇ ਜੇਹੀ ਸੋਨ ਚਿੜੀ,
ਮਾਰ ਮਾਰ ਸੀਟੀਆਂ ਬੁਲਾਏ|

ਨੀਲੇ ਨੀਲੇ ਅੰਬਰਾਂ’ ਚ
ਉੱਤੇ ਅਬਾਬੀ ਲਕੋਈ,
ਕਿਰਣਾਂ ਦੀ ਕੰਙਣੀ ਪਈ ਖਾਏ|
ਮਿਠੜੀ ਤਰੇਲ ਦੀ
ਛਬੀਲ ਲਾਕੇ ਫ਼ੁੱਲ ਕੋਈ,
ਛਿੱਟ ਛਿੱਟ ਭੌਰਾਂ ਨੂੰ ਪਿਆਏ|

ਬੂਹੇ ਖਲੀ ਤਿਤਲੀ
ਫ਼ਕੀਰਨੀ ਨੂੰ ਮੌਲਸਰੀ,
ਖੈਰ ਪਈ ਸੁਗੰਧੀਆਂ ਦੀ ਪਾਏ|
ਏਸ ਰੁੱਤੇ ਪੀੜ ਨੂੰ
ਪਿਓਂਦ ਲਾਦੇ ਹੌਕਿਆਂ ਦੀ,
ਵਾਸਤਾ ਈ ਧੀਆਂ ਦਾ ਨੀ ਮਾਏ|

ਥੱਕੀ ਥੱਕੀ ਪੀੜ ਕੋਈ
ਨੀਝਾਂ ਦੀਆਂ ਡੰਡੀਆਂ ਤੇ,
ਪੋਲੇ ਪੋਲੇ ਔਂਸੀਆਂ ਪਈ ਪਾਏ|
ਟੁੱਤਪੈਣਾ ਮਿੱਠਾ ਮਿੱਠਾ
ਬਿਰਹਾ ਨੀ ਅੱਥਰਾ,
ਵਿੱਚੇ ਵਿਚ ਹੱਡੀਆਂ ਨੂੰ ਖਾਏ|

ਸੱਜਣਾਂ ਦੇ ਮੇਲ ਦਾ
ਕਢਾ ਦੇ ਛੇਤੀ ਸਾਹਿਆ ਕੋਈ,
ਚੈਨ ਸਾਡੇ ਦੀਦਿਆਂ ਨੂੰ ਆਏ|
ਸੱਜਣਾ ਦੇ ਬਾਝ ਜੱਗ
ਅਸਾਂ ਲਟਬੌਰੀਆਂ ਨੂੰ,
ਆਖ ਆਖ ਝੱਲੀਆਂ ਬੁਲਾਏ|

ਏਸ ਪਿੰਡ ਕੋਈ ਨਹੀਓਂ
ਸਕਾ ਸਾਡਾ ਅੰਮੀਏ ਨੀ,
ਜਹਿੜਾ ਸਾਡੀ ਪੀੜ ਨੂੰ ਵੰਡਾਏ|
ਏਸ ਰੁੱਤੇ ਸੱਜਣਾਂ ਤੋਂ ਬਾਝ
ਤੇਰੇ ਪਿੰਡ ਮਾਏ,
ਇਕ ਪਲ ਕੱਟਿਆ ਨਾ ਜਾਏ|

ਉੱਚੀਆਂ ਪਹਾੜੀਆਂ ਦੇ
ਓਹਲੇ ਓਹਲੇ ਸੂਰਜਾ,
ਰਿਸ਼ਮਾ ਦੀ ਲਾਬ ਪਿਆ ਲਾਏ|
ਪੀਲੀ ਪੀਲੀ ਧੁੱਪੜੀ ਨੂੰ
ਭੰਨ ਭੰਨ ਪੋਟਿਆਂਥੀਂ,
ਟੀਸੀਆਂ ਨੂੰ ਬਾਂਕੜੀ ਲੁਆਏ|

 

[Jaswinder Singh Baidwan]

ਟਰੈਕਟਰ ਤੇ

ਜੱਟ ਮੁੱਛ ਨੂੰ ਮਰੋੜੇ ਮਾਰੇ
ਚੜ੍ਹਕੇ ਟਰੈਕਟਰ ਤੇ
ਬੱਲੇ ਬੱਲੇ ਬਈ ਚੜ੍ਹਕੇ ਟਰੈਕਟਰ ਤੇ
ਸ਼ਾਵਾ ਸ਼ਾਵਾ ਬਈ ਚੜ੍ਹਕੇ ਟਰੈਕਟਰ ਤੇ

ਬੱਲੇ ਬੱਲੇ ਬਈ ਰਕੜੀਂਸਿਆ ੜਕੱਢਦਾ
ਗੋਰੀ ਵਾਲ ਜਿਵੇਂ ਕੋਈ ਵਾਹਵੇ
ਨਾਲ ਨਾਲ ਬੀਜ ਕੇਰਦਾ
ਜਿਵੇਂ ਵਿਧਵਾ ਕੋਈ ਮਾਂਗ ਸਜਾਵੇ
ਮੈਨੂੰ ਤਾਂ ਬਈ ਇੰਝ ਲੱਗਦਾ
ਜਿਵੇਂ ਮਿੱਟੀ ਵਿੱਚ ਬੀਜਦਾ ਏ ਤਾਰੇ
ਚੜ੍ਹਕੇ ਟਰੈਕਟਰ ਤੇ...

ਬੱਲੇ ਬੱਲੇ ਬਈ ਆਡਾਂ ਵਿੱਚ ਪਾਣੀ ਵਗਦੇ
ਰਣਢੱਠੀਆਂ ਜਿਵੇਂ ਤਲਵਾਰਾਂ
ਝੂੰਮਣ ਇੰਝ ਫ਼ਸਲਾਂ
ਜਿਵੇਂ ਗਿੱਧੇ ਵਿੱਚ ਨੱਚਦੀਆਂ ਨਾਰਾਂ
ਨਾਲ ਬੈਠੀ ਜੱਟੀ ਹੱਸਦੀ
ਜਿਵੇਂ ਮਾਣਦੀ ਹੋਏ ਪੀਂਘ ਦੇ ਹੁਲਾਰੇ
ਚੜ੍ਹਕੇ ਟਰੈਕਟਰ ਤੇ......

ਬੱਲੇ ਬੱਲੇ ਬਈ ਸਾਇੰਸ ਦਾ ਹੈ ਯੁਗ ਆਗਿਆ
ਹੁਣ ਰਹਿਣੀਆਂ ਨਾ ਕਿਤੇ ਵੀ ਥੋੜਾਂ
ਹਰੇ ਹੋਸ਼ਾ ਦਾ ਬਝੂੰਮਣਾ
ਰੜੇ, ਰੱਕੜਾਂ, ਬੇਲਿਆ ਰੋੜਾਂ
ਮਿਤ੍ਰਾਂ ਦੀ ਗੜਵੀ ਜਿਹੇ
ਮਿੱਠੇ ਹੋਣਗੇ ਸੰਮੁਦਰ ਖਾਰੇ
ਚੜ੍ਹਕੇ ਟਰੈਕਟਰ ਤੇ

 

[Jaswinder Singh Baidwan]

ਜਿੱਥੇ ਇਤਰਾਂ ਦੇ ਵਗਦੇ ਨੇ ਚੋ,
ਨੀ ਓਥੇ ਮੇਰਾ ਯਾਰ ਵੱਸਦਾ
ਜਿੱਥੇ ਲੰਘਦੀ ਏ ਪੌਣ ਵੀ ਖਲੋ,
ਨੀ ਓਥੇ ਮੇਰਾ ਯਾਰ ਵੱਸਦਾ

ਨੰਗੇ ਨੰਗੇ ਪੈਰੀਂ ਜਿੱਥੇ ਆਉਣ ਪਰਭਾਤਾਂ,
ਰਿਸ਼ਮਾਂ ਦੀ ਮਹਿੰਦੀ ਪੈਰੀਂ ਲਾਉਣ ਜਿੱਥੇ ਰਾਤਾਂ,
ਜਿੱਥੇ ਚਾਨਣੀ 'ਚ ਨਹਾਵੇ ਖੁਸ਼ਬੋ,
ਨੀ ਓਥੇ ਮੇਰਾ ਯਾਰ ਵੱਸਦਾ

ਜਿੱਥ ਹਨ ਮੰਗੀਆਂ ਚੰਦਨ ਦੀਆਂ ਝੰਗੀਆਂ,
ਫਿਰਨ ਸ਼ੁਆਵਂ ਜਿੱਥੇ ਹੋ ਹੋ ਨੰਗੀਆਂ,
ਜਿੱਥੇ ਦੀਵਿਆਂ ਨੂੰ ਲੱਭਦੀ ਏ ਲੋ,
ਨੀ ਓਥੇ ਮੇਰਾ ਯਾਰ ਵੱਸਦਾ

ਪਾਣੀਆਂ ਦੇ ਪੱਤਣਾਂ ਤੇ ਸਵੇ ਜਿੱਥੇ ਆਥਣ,
ਚੁੰਗੀਆਂ ਮਰੀ ਵੇ ਜਿੱਥੇ ਮਿਰਗਾਂ ਦਾ ਆਤਨ,
ਜਿੱਥੇ ਬਦੋਬਦੀ ਅੱਖ ਪੈਂਦੀ ਰੋ,
ਨੀ ਓਥੇ ਮੇਰਾ ਯਾਰ ਵੱਸਦਾ

ਭੁੱਖੇ ਭਾਣੇ ਸੌਣ ਜਿੱਤੇ ਖੇਤਾਂ ਦੇ ਰਾਣੇ,
ਸੱਜਣਾਂ ਦੇ ਰੰਗ ਜਿਹੇ ਕਣਕਾਂ ਦੇ ਦਾਣੇ,
ਜਿੱਥੇ ਦੰਮਾਂ ਵਾਲੇ ਲੈਂਦੇ ਨੇ ਲਕੋ,
ਨੀ ਓਥੇ ਮੇਰਾ ਯਾਰ ਵੱਸਦਾ

ਜਿੱਥੇ ਇਤਰਾਂ ਦੇ ਵਗਦੇ ਨੇ ਚੋ,
ਨੀ ਓਥੇ ਮੇਰਾ ਯਾਰ ਵੱਸਦਾ
ਜਿੱਥੇ ਲੰਘਦੀ ਏ ਪੌਣ ਵੀ ਖਲੋ,
ਨੀ ਓਥੇ ਮੇਰਾ ਯਾਰ ਵੱਸਦਾ

 

[Jaswinder Singh Baidwan]

ਸਿਖਰ ਦੁਪਹਿਰ ਸਿਰ ਤੇ
ਮੇਰਾ ਢਲ ਚੱਲਿਆ ਪਰਛਾਵਾਂ
ਕਬਰਾਂ ਉਡੀਕ ਦੀਆਂ ਮੈਨੂੰ
ਜਿਓ ਪੁੱਤਰਾਂ ਨੂੰ ਮਾਵਾਂ
ਜ਼ਿੰਦਗੀ ਦਾ ਥਲ ਤਪਦਾ
ਕੱਲੇ ਰੁੱਖ ਦੀ ਹੋਂਦ ਵਿੱਚ ਮੇਰੀ
ਦੁੱਖਾਂ ਵਾਲੀ ਗਹਿਰ ਚੜ੍ਹੀ
ਵਗੇ ਗਮਾਂ ਵਾਲੀ ਤੇਜ਼ ਹਨੇਰੀ
ਮੈਂ ਵੀ ਕੇਹਾ ਰੁੱਖ ਚੰਦਰਾ
ਜਿਸਨੂੰ ਖਾਗਈਆਂ ਓਹਦੀਆਂ ਛਾਵਾਂ
ਕਬਰਾ ਉਡੀਕ ਦੀਆਂ ਮੈਨੂੰ
ਜਿਓਂ ਪੁੱਤਰਾਂ ਨੂੰ ਮਾਵਾਂ

ਹਿਜਰਾਂ’ ਚ ਸੜਦੇ ਨੇ
ਸੁੱਖੇ ਰੋਟ ਤੇ ਸੁੱਖੀਆਂ ਚੂਰੀਆਂ
ਉਮਰਾਂ ਤਾਂ ਮੁੱਕ ਚਲੀਆਂ
ਪਰ ਮੁੱਕੀਆਂ ਨਾ ਤੇਰੀਆਂ ਵੇ ਦੂਰੀਆਂ
ਰੱਜ ਰੱਜ ਝੂਠ ਬੋਲਿਆ
ਮੇਰੇ ਨਾਲ ਚੰਦਰਿਆਂ ਕਾਵਾਂ
ਕਬਰਾਂ ਉਡੀਕ ਦੀਆਂ ਮੈਨੂੰ
ਜਿਓਂ ਪੁੱਤਰਾਂ ਨੂੰ ਮਾਵਾਂ

ਲੋਕਾਂ ਮੇਰੇ ਗੀਤ ਸੁਣ ਲਏ
ਮੇਰਾ ਦੁੱਖ ਤਾਂ ਕਿਸੇ ਵੀ ਨਾ ਜਾਣਿਆ
ਲੱਖਾਂ ਮੇਰੇ ਸੀਸ ਚੁੰਮ ਗਏ
ਪਰ ਮੁੱਖੜਾ ਨਾ ਕਿਸੇ ਵੀ ਪਛਾਣਿਆ
ਅਜ ਏਸੇ ਮੁੱਖੜੇ ਤੋਂ
ਪਿਆ ਆਪਣਾ ਆਪ ਲੁਕਾਵਾਂ
ਕਬਰਾਂ ਉਡੀਕ ਦੀਆਂ ਮੈਨੂੰ
ਜਿਓ ਪੁੱਤਰਾਂ ਨੂੰ ਮਾਵਾਂ
ਸਿਖਰ ਦੁਪਹਿਰ ਸਿਰ ਤੇ
ਮੇਰਾ ਢਲ ਚੱਲਿਆ ਪਰਛਾਵਾਂ

 

[Jaswinder Singh Baidwan]

ਕੰਡਿਆਲੀ ਥੋਰ...

ਮੈਂ ਕੰਡਿਆਲੀ ਥੋਰ ਵੇ ਸੱਜਣਾ
ਉੱਗੀ ਵਿੱਚ ਉਜਾੜਾਂ !
ਜਾਂ ਉਡਦੀ ਬਦਲੋਟੀ ਕੋਈ ,
ਵਰ ਗਈ ਵਿਚ ਪਹਾੜਾਂ !

ਜਾਂ ਉਹ ਦੀਵਾ ਜਿਹੜਾ ਬਲਦਾ ,
ਪੀਰਾਂ ਦੀ ਦੇਹਰੀ ਤੇ ,
ਜਾਂ ਕੋਈ ਕੋਇਲ ਕੰਠ ਜਿਦੇ ਦੀਆਂ ,
ਸੂਤੀਆਂ ਜਾਵਣ ਨਾੜਾਂ !

ਜਾਂ ਚੰਬੇ ਦੀ ਡਾਲੀ ਕੋਈ ,
ਜੋ ਬਾਲਣ ਬਣ ਜਾਏ ,
ਜਾਂ ਮਰੂਏ ਦਾ ਫੁੱਲ ਬਸੰਤੀ ,
ਜੋ ਠੁੰਗ ਜਾਣ ਗੁਟਾਰਾਂ !

ਜਾਂ ਕੋਈ ਬੋਟ ਕਿ ਜਿਸ ਦੇ ਹਾਲੇ
ਨੈਣ ਨਹੀ ਸਨ ਖੁੱਲੇ
ਮਾਰਿਆ ਮਾਲੀ ਕੱਸ ਗੁਲੇਲਾ
ਲੈ ਦਾਖਾਂ ਦੀਆਂ ਆੜਾਂ !

ਮੈਂ ਕੰਡਿਆਲੀ ਥੋਰ ਵੇ ਸੱਜਣਾ ,
ਉੱਗੀ ਕਿਤੇ ਕੁਰਾਹੇ !
ਨਾ ਕਿਸੇ ਮਾਲੀ ਸਿੰਜਿਆ ਮੈਨੂੰ ,
ਨਾ ਕੋਈ ਸਿੰਜਣਾ ਚਾਹੇ !

ਯਾਦ ਤੇਰੀ ਦੇ ਉੱਚੇ ਮਹਿਲੀਂ ,
ਮੈਂ ਬੈਠੀ ਪਈ ਰੋਵਾਂ ,
ਹਰ ਦਰਵਾਜੇ ਲੱਗਾ ਪਹਿਰਾ,
ਆਵਾਂ ਕਿਹੜੇ ਰਾਹੇ ?

ਮੈਂ ਉਹ ਚੰਦਰੀ ਜਿਸ ਦੀ ਡੋਲੀ ,
ਲੁੱਟ ਲਈ ਆਪ ਕੁਹਾਰਾਂ ,
ਬੰਨਣ ਦੀ ਥਾਂ ਬਾਬਲ ਜਿਸ ਦੇ ,
ਆਪ ਕਲੀਰੇ ਲਾਹੇ !

ਕੂਲੀ ਪੱਟ ਉਮਰ ਦੀ ਚਾਦਰ
ਹੋ ਗਈ ਲੀਰਾਂ ਲੀਰਾਂ
ਤਿੜਕ ਗਏ ਵੇ ਢੋਵਾਂ ਵਾਲੇ
ਪਲੰਘ ਵਸਲ ਲਈ ਡਾਹੇ !

ਮੇਂ ਕੰਡਿਆਲੀ ਥੋਰ ਵੇ ਸੱਜਣਾ ,
ਉੱਗੀ ਵਿਚ ਜੋ ਬੇਲੇ ,
ਨਾ ਕੋਈ ਮੇਰੇ ਛਾਂਵੇ ਬੈਠੇ ,
ਨਾ ਪੱਤ ਖ਼ਾਵਣ ਲੇਲੇ !

ਮੈਂ ਰਾਜੇ ਦੀ ਬਰਦੀ ਅੜਿਆ ,
ਤੂੰ ਰਾਜੇ ਦਾ ਜਾਇਆ ,
ਤੂਹਿਓਂ ਦਸ ਵੇ ਮੋਹਰਾਂ ਸਾਹਵੇਂ
ਮੁੱਲ ਕੀਹ ਖੋਵਣ ਧੇਲੇ ?

ਸਿਖਰ ਦੁਪਹਿਰਾਂ ਜੇਠ ਦੀਆਂ ਨੂੰ
ਸਾਉਣ ਕਿਵੇਂ ਮੈਂ ਆਖਾਂ
ਚੋਹੀਂ ਕੂਟੀ ਭਾਵੇਂ ਲੱਗਣ
ਲੱਖ ਤੀਆਂ ਦੇ ਮੇਲੇ !

ਤੇਰੀ ਮੇਰੀ ਪੀ੍ਤ ਦਾ ਅੜਿਆ
ਉਹੀਓ ਹਾਲ ਸੂ ਹੋਇਆ,
ਜਿਉਂ ਚਕਵੀ ਪਹਿਚਾਣ ਨਾ ਸੱਕੇ
ਚੰਨ ਚੜਿਆ ਦਿਹੁੰ ਵੇਲੇ !

ਮੈਂ ਕੰਡਿਆਲੀ ਥੋਰ ਵੇ ਸੱਜਣਾ ,
ਉੱਗੀ ਵਿਚ ਜੋ ਬਾਗਾਂ !
ਮੇਰੇ ਮੁੱਢ ਬਣਾਈ ਵਰਮੀ
ਕਾਲੇ ਫ਼ਨੀਅਰ ਨਾਗਾਂ !

ਮੈਂ ਮੁਰਗਾਈ ਮਾਨਸਰਾਂ ਦੀ
ਜੋ ਫੜ ਲਈ ਕਿਸੇ ਸ਼ਿਕਰੇ
ਜਾਂ ਕੋਈ ਲਾਲੀ ਪਰ ਸੰਧੂਰੀ
ਨੋਚ ਲਏ ਜਿਦੇ ਕਾਗਾਂ !

ਜਾਂ ਸੱਸੀ ਦੀ ਭੈਣ ਵੇ ਦੂਜੀ
ਕੰਮ ਜਿਦਾ ਬਸ ਰੋਣਾ
ਲੁਟ ਖੜਿਆ ਜਿਦਾ ਪੁਨੂੰ ਹੋਤਾਂ
ਪਰ ਆਈਆਂ ਨਾ ਜਾਗਾਂ !

ਬਾਗਾਂ ਵਾਲਿਆ ਤੇਰੇ ਬਾਗੀਂ
ਹੁਣ ਜੀ ਨਹੀਓ ਲਗਦਾ ,
ਖਲੀ-ਖਲੋਤੀ ਮੈਂ ਵਾੜਾਂ ਵਿਚ
ਸੋ ਸੋ ਦੁਖੜੇ ਝਾਗਾਂ !

 

[Jaswinder Singh Baidwan]

ਸਾਨੂੰ ਪਰਭ ਜੀ,
ਇੱਕ ਅੱਧ ਗੀਤ ਉਧਾਰਾ ਹੋਰ ਦਿਓ,
ਸਾਡੀ ਬੁਝਦੀ ਜਾਂਦੀ ਅੱਗ,
ਅੰਗਾਰਾ ਹੋਰ ਦਿਓ,

ਮੈਂ ਨਿੱਕੀ ਉਮਰੇ,
ਸਾਰਾ ਦਰਦ ਹੰਢਾ ਬੈਠਾ,
ਸਾਡੀ ਜੋਬਨ ਰੁੱਤ ਲਈ,
ਦਰਦ ਕੁਆਰਾ ਹੋਰ ਦਿਓ,

ਗੀਤ ਦਿਓ ਮੇਰੇ ਜੋਬਨ ਵਰਗਾ,
ਸੌਲਾ ਟੂਣੇ ਹਾਰਾ,
ਦਿਨ ਚੜਦੇ ਦੀ ਲਾਲੀ ਦਾ ਜਿਉਂ,
ਭਰ ਸਰਵਰ ਲਿਸ਼ਕਾਰਾ,
ਰੁੱਖ ਵਿਹੂਣੇ ਥਲ ਵਿੱਚ ਜੀਂਕਣ,
ਪਹਿਲਾ ਸੰਝ ਦਾ ਤਾਰਾ,
ਸੰਝ ਹੋਈ ਸਾਡੇ ਵੀ ਥਲ ਥੀਂ,
ਇੱਕ ਅੱਧ ਤਾਰਾ ਹੋਰ ਦਿਓ,
ਜਾਂ ਸਾਨੂੰ ਵੀ ਲਾਲੀ ਵਾਂਕਣ,
ਭਰ ਸਰਵਰ ਵਿੱਚ ਖੋਰ ਦਿਓ,

ਪਰਭ ਜੀ ਦਿਨ ਬਿਨ ਮੀਤ ਨਾ ਬੀਤੇ,
ਗੀਤ ਬਿਨਾ ਨਾ ਬੀਤੇ,
ਔਧ ਹੰਢਾਣੀ ਹਰ ਕੋਈ ਜਾਣੇ,
ਦਰਦ ਨਸੀਬੀਂ ਸੀਤੇ,
ਹਰ ਪੱਤਣਾਂ ਦੇ ਪਾਣੀ ਪਰਭ ਜੀ,
ਕਿਹੜੇ ਮਿਰਗਾਂ ਪੀਤੇ?
ਸਾਡੇ ਵੀ ਪੱਤਣਾਂ ਦੇ ਪਾਣੀ,
ਅਣਪੀਤੇ ਹੀ ਰੋੜ ਦਿਓ,
ਜਾਂ ਜੋ ਗੀਤ ਲਿਖਾਏ ਸਾਥੋਂ,
ਉਹ ਵੀ ਪਰਭ ਜੀ ਮੋੜ ਦਿਓ,

ਪਰਭ ਜੀ ਰੂਪ ਨਾ ਕਦੇ ਸਲਾਹੀਏ,
ਜਿਹੜਾ ਅੱਗ ਤੋਂ ਊਣਾ,
ਓਸ ਅੱਖ ਦੀ ਸਿਫਤ ਨਾ ਕਰੀਏ,
ਜਿਸ ਅੱਖ ਦਾ ਹੰਝ ਅਲੂਣਾ,
ਦਰਦ ਵਿਛੁੰਨਾ ਗੀਤ ਨਾ ਕਹੀਏ,
ਬੋਲ ਨਾ ਮਹਿਕ ਵਿਹੂਣਾ,
ਬੋਲ ਜੇ ਸਾਡਾ ਮਹਿਕ ਵਿਹੂਣਾ,
ਤਾਂ ਡਾਲੀ ਤੋਂ ਤੋੜ ਦਿਓ,
ਜਾਂ ਸਾਨੂੰ ਸਾਡੇ ਜੋਬਨ ਵਰਗਾ,
ਗੀਤ ਉਧਾਰਾ ਹੋਰ ਦਿਓ |||

 

[Jaswinder Singh Baidwan]

Shiv Kumar Batalvi's hand written

 

[Jaswinder Singh Baidwan]

DHARMI BAABALA


Jad paen kapaahin phull
Ve dharmi baabala!
Saahnu o rut ley dayin mull
Ve dharmi baabala
Es rutey mera geet gavaacha
Jihde gall birhon di gaani
Mukh te kil ghamaan de -
Naini ujadde khu da paani,
Geet ke jisnu hont chhuhaiyaan
Jaaye kathoori hul,
Ve dharmi baabala!
Saahnu geet o lai daen mull
Ve dharmi baabala.

Ik din maen te geet mere
Es tooney - haari rutey,
Dilaan di dharti vaahi goddi
Beejey supne suchey.
Laakh naina de paani sinjhe
Par na lagge phull,
Ve dharmi baabala.
Saahnu ik phull lai daen mull
Ve dharmi baabala.

Kehdde kam e milakh jagiraan
Je theeyaan kumhalaiyaan,
Kehdde kam tere maansarovar
Hansniyaan,tirhaiyaan,
Kehdde kam khilaari teri
Chog motiyaan tul -
Ve dharmi baabala!
Je rut na le dayin mull
Ve dharmi baabala
Jadd pehn kapaahin phull
Ve dharmi baabala!

 

[Jaswinder Singh Baidwan]

ਜੇ ਡਾਚੀ ਸਹਿਕਦੀ ਸੱਸੀ ਨੂੰ,
ਪੁੰਨੂੰ ਥੀਂ ਮਿਲਾ ਦੇਂਦੀ
ਤਾਂ ਤੱਤੀ ਮਾਣ ਸੱਸੀ ਦਾ,
ਉਹ ਮਿੱਟੀ ਵਿਚ ਰੁਲਾ ਦੇਂਦੀ
ਭੱਲੀ ਹੋਈ ਕਿ ਸਾਰਾ ਸਾਉਣ ਹੀ,
ਬਰਸਾਤ ਨਾ ਹੋਈ
ਪਤਾ ਕੀਹ ਆਲਣੇ ਦੇ ਟੋਟਰੂ,
ਬਿਜਲੀ ਜਲਾ ਦੇਂਦੀ
ਮੈਂ ਅਕਸਰ ਵੇਖੀਐ-
ਕਿ ਤੇਲ ਹੁੰਦਿਆਂ ਸੁੰਦਿਆਂ ਦੀਵੇ
ਹਵਾ ਕਈ ਵਾਰ ਦਿਲ ਦੀ-
ਮੌਜ ਖਾਤਰ ਹੈ ਬੁਝਾ ਦੇਂਦੀ
ਭੁਲੇਖਾ ਹੈ ਕਿ ਜ਼ਿੰਦਗੀ-
ਪਲ ਦੋ ਪਲ ਲਈ ਘੂਕ ਸੌਂ ਜਾਂਦੀ
ਜੇ ਪੰਛੀ ਗਮ ਦਾ ਦਿਲ ਦੀ-
ਸੰਘਣੀ ਜੂਹ ਚੋਂ ਉਡਾ ਦੇਂਦੀ
ਹਕੀਕਤ ਇਸ਼ਕ ਦੀ-
ਜੇ ਮਹਿਜ਼ ਹੁੰਦੀ ਖੇਡ ਜਿਸਮਾਂ ਦੀ
ਤਾਂ ਦੁਨੀਆਂ ਅੱਜ ਤੀਕਣ
ਨਾਂ ਤੇਰਾ ਮੇਰਾ ਭੁਲਾ ਦੇਂਦੀ
ਮੈਂ ਬਿਨ ਸੂਲਾਂ ਦੇ ਰਾਹ ਤੇ
ਕੀਹ ਟੁਰਾਂ ਮੈਨੂੰ ਸ਼ਰਮ ਆਉਂਦੀ ਹੈ,
ਮੈਂ ਅੱਖੀਂ ਵੇਖਿਆ-
ਕਿ ਹਰ ਕਲੀ ਓੜਕ ਦਗਾ ਦੇਂਦੀ
ਵਸਲ ਦਾ ਸਵਾਦ ਤਾਂ-
ਇਕ ਪਲ ਦੋ ਪਲ ਦੀ ਮੌਜ ਤੋਂ ਵੱਧ ਨਹੀਂ,
ਜੁਦਾਈ ਹਸ਼ਰ ਤੀਕਣ-
ਆਦਮੀ ਨੂੰ ਹੈ ਨਸ਼ਾ ਦੇਂਦੀ...

 

[Jaswinder Singh Baidwan]

ਮਹਿਕ


ਅਸੀਂ ਚੁੰਮ ਲਏ ਅੱਜ ਫੇਰ ਕਿਸੇ ਦੇ ਬੋਦੇ
ਅਸਾਂ ਰਾਤ ਗੁਜ਼ਾਰੀ ਸਜੱਣ ਦੀ ਗੋਦੇ

ਅੱਜ ਸਾਹ ਚੋਂ ਆਵੇ ਮਹਿਕ ਗੁਲਾਬਸ਼ੀ ਦੀ
ਅੱਜ ਕੌਣ ਪਿਆ ਪੁੱਠ-ਕੰਡਾ ਗਮ ਦਾ ਖੋਦੇ

ਅਸਾਂ ਪੀਤਾ ਨੀ ਊਹਦੇ ਹੰਝੂਆਂ ਦਾ ਚਰਨਾਮਤ
ਅਸਾਂ ਬਿੰਦੇ ਨੀ ਉਹਦੇ ਪੈਰ, ਨਿਵਾ ਕੇ ਗੋਡੇ

ਆਏ ਨਿਕਲ ਨੀ ਅੜੀਓ ਕਿੱਲ ਸਮੇਂ ਦੇ ਮੁੱਖ ਤੇ,
ਅਸਾਂ ਨੈਣ ਉਹਦੇ ਜਦੋਂ ਨੈਣਾਂ ਦੇ ਵਿਚੱ ਡੋਬੇ

ਖੁੱਲਿਆ ਨੀ ਉਹਦੀ ਦੀਦ ਦਾ ਰੋਜ਼ਾ ਖੁੱਲਿਆ
ਪੜੀਆਂ ਨੀ ਅਸਾਂ ਦਿਲ ਦੀਆਂ ਆਇਤਾਂ ਪੜੀਆਂ

ਕਰੇ ਨਾਲ ਨਜ਼ਾਕਤ ਬਾਤੜੀਆਂ ਜਦ ਮਾਹੀ,
ਹੋ ਜਾਣ ਪੁਰੇ ਦੀਆਂ ਸੀਤ ਹਵਾਵਾਂ ਖੜੀਆਂ

ਓਹਦੇ ਮੁੱਖ ਦੀ ਲਏ ਪਰਦੱਖਣਾਂ ਚੰਨ ਸਰਘੀ ਦਾ
ਉਹਦੇ ਨੈਣਾਂ ਦੇ ਵਿਚ ਰਾਤੜੀਆਂ ਡੁੱਬ ਮਰੀਆਂ

ਉਹਦੇ ਵਾਲਾਂ ਦੇ ਵਿਚ ਖੇਡੇ ਪੋਹ ਦੀ ਮੱਸਿਆ
ਉਹਦੇ ਬੁਲੀਂ ਸੂਹੀਆਂ ਚੀਚ-ਵਹੁਟੀਆਂ ਖਰੀਆਂ

ਮੌਲੀ ਨੀ ਸਾਡੇ ਦਿਲ ਦੇ ਵੇਦਨ ਮੌਲੀ
ਪੀਤੀ ਨੀ ਅਸਾਂ ਪੀੜ ਚੁਲੀ ਭਰ ਪੀਤੀ

ਪੈ ਗਈ ਨੀ ਮੇਰੇ ਡੋਲ ਕਲੇਜੇ ਪੈ ਗਈ
ਅਸਾਂ ਤੋੜ ਕਲੀ ਸੱਤਬਰਗੇ ਦੀ ਅੱਜ ਲੀਤੀ

ਸੁੰਨ-ਮਸੁੰਨੀ ਸੰਘਣੀ ਦਿਲ ਦੀ ਝੰਗੀ
ਕੂਕ ਕੂਕ ਅੱਜ ਮੋਰਾਂ ਬੌਰੀ ਕੀਤੀ

ਹੋਈ ਨੀ ਮੇਰੀ ਨੀਝ ਸ਼ਰਾਬਣ ਹੋਈ,
ਗਈ ਨੀ ਸਾਡੀ ਜੀਭ ਹਸ਼ਰ ਲਈ ਸੀਤੀ

ਜੁੜੀਆਂ ਨੀ ਯਾਦਾਂ ਦੇ ਪੱਤਣੀ ਛਿੰਜਾ,
ਪਈਆਂ ਸੀ ਮੇਰੇ ਦਿਲ ਦੇ ਥੇਹ ਤੇ ਰਾਸਾਂ

ਲਾਈਆ ਨੀ ਮੈਂ ਦਿਲ ਦੇ ਵਿਹੜੇ ਮਰੂਆ,
ਗੁੰਨੀ ਨੀ ਮੈਂ ਭਰ ਭਰ ਮਹਿਕ ਪਰਾਤਾਂ

ਮੇਰੇ ਸਾਹੀਂ ਕੂਲ ਵਗੇ ਨੀ ਅੱਜ ਨਸ਼ਿਆਂ ਦੀ
ਪਿਆ ਮਾਰੇ ਨੀ ਦਰਿਆ ਮੱਧਰਾ ਦਾ ਠਾਠਾਂ

ਹੋਈਆ ਨੀ ਮੇਰੇ ਦਿਲ ਵਿਚ ਚਾਨਣ ਹੋਈਆ
ਮੈਥੋਂ ਮੰਗਣ ਆਈਆਂ ਖੈਰ ਨੀ ਅੱਜ ਪਰਭਾਤਾਂ......

 

[Jaswinder Singh Baidwan]

ਹੈ ਰਾਤ ਕਿੰਨੀ ਕੁ ਦੇਰ ਹਾਲੇ

ਮੁੰਡੇਰ ਦਿਲ ਦੀ ਤੇ ਨਾਂ ਤੇਰੇ ਦੇ,
ਮੈਂ ਰੱਤ ਚੋ ਚੋ ਨੇ ਦੀਪ ਬਾਲੇ l

ਮੈਂ ਡਰ ਰਹੀ ਹਾਂ ਕਿ ਤੇਜ਼ ਬੁੱਲਾ,
ਕੋਈ ਜ਼ਿੰਦਗੀ ਦਾ ਨਾ ਆ ਹਿਸਾਲੇ l

ਜਾਂ ਪੌ-ਫੁਟਾਲਾ ਮਨੁੱਖਤਾ ਦਾ,
ਨਾ ਹੋਣ ਤੀਕਰ ਲੋਅ ਸਾਥ ਪਾਲੇ l

ਜਾਂ ਨੀਲ ਰੱਤੇ ਦੋ ਨੈਣ ਸਿੱਲੇ,
ਵੇ ਜਾਣ ਕਿੱਧਰੇ ਸੂ ਨਾ ਜੰਗਾਲੇ l

ਵੇ ਦੂਰ ਦਿਸਦੀ ਹੈ ਭੋਰ ਹਾਲੇ l
ਵੇ ਦੂਰ ਦਿਸਦੀ ਹੈ ਭੋਰ ਹਾਲੇ l

ਸਮੇਂ ਦੇ ਥੇਹ ਤੇ ਵੇ ਵੇਖ ਅੜੀਆ,
ਕੋਈ ਬਿੱਲ-ਬਤੌਰੀ ਪਈ ਬੋਲਦੀ ਹੈ l

ਵੇ ਅਮਰ ਜੁਗਣੂ ਕੋਈ ਆਤਮਾ ਦਾ,
ਚਿਰਾਂ ਤੋਂ ਦੁਨੀਆਂ ਪਈ ਟੋਲਦੀ ਹੈ l

ਬੇ-ਤਾਲ ਸ਼ੂਕਰ ਵੇ ਰਾਕਟਾਂ ਦੀ,
ਸੁਣ ਸੁਣ ਕੇ ਧਰਤੀ ਪਈ ਡੋਲਦੀ ਹੈ l

ਵੇ ਵੇਖ ਅੱਲੜ ਮਨੁੱਖ ਹਾਲੇ ਵੀ,
ਘੁੱਗੀਆਂ ਦੀ ਥਾਂ ਬਾਜ ਪਾਲੇ l

ਵੇ ਘੋਰ ਕਾਲੀ ਹੈ ਰਾਤ ਹਾਲੇ l
ਵੇ ਘੋਰ ਕਾਲੀ ਹੈ ਰਾਤ ਹਾਲੇ l

ਵੇ ਬਾਝ ਰੇਤਾਂ ਨੇ ਫੋਗ ਸਹਿਰਾ,
ਵੇ ਬਿਨ ਸਕੂੰ ਦੇ ਹੈ ਫੋਗ ਮਸਤੀ l

ਵੇ ਦਿਲ-ਮੁਸੱਵਰ ਦੇ ਬਿਨ ਅਜੰਗਾ,
ਹੈ ਪੱਥਰਾ ਦੀ ਬੇ-ਹਿੱਸ ਬਸਤੀ l

ਵੇ ਚਾਰਤਿਕ ਲਈ ਤਾਂ ਪਾਕ ਗੰਗਾ-
ਦੇ ਪਾਣੀਆਂ ਦੀ ਹੈ ਖਾਕ ਹਸਤੀ l

ਵੇ ਚੰਨ ਦੀ ਥਾਂ ਚਕੋਰੀਆਂ ਤੋਂ,
ਹਾਏ ਜਾਣ ਸਾਗਰ ਕਿਵੇਂ ਹੰਗਾਲੇ l

ਵੇ ਦਿਲ ਦਿਲਾਂ ਤੋਂ ਨੇ ਦੂਰ ਹਾਲੇ !
ਵੇ ਦਿਲ ਦਿਲਾਂ ਤੋਂ ਨੇ ਦੂਰ ਹਾਲੇ !

ਵੇ ਹੋ ਵੀ ਸਕਦੈ ਕਿ ਮੇਰੇ ਘਰ-
ਕੱਲ ਢੁਕਣੀ ਮੇਰੀ ਮਕਾਣ ਹੋਵੇ l

ਜਾਂ ਹੋ ਵੀ ਸਕਦੈ ਕਿ ਕੱਲ ਤੀਕਣ,
ਨਾ ਹੋਣ ਡੱਲਾਂ ਨਾ ਡਾਣ ਹੋਵੇ l

ਜਾਂ ਗੋਰ ਅੰਦਰ ਹੀ ਹੋਣ ਕਿਧਰੇ-
ਨਾ ਮੁਰਦਿਆਂ ਲਈ ਵੇ ਸਾਹ ਸੰਭਾਲੇ l

ਹੈ ਦੂਰ ਨਜ਼ਰਾਂ ਤੋਂ ਅੰਤ ਹਾਲੇ l
ਹੈ ਦੂਰ ਨਜ਼ਰਾਂ ਤੋਂ ਅੰਤ ਹਾਲੇ l

ਮੈਂ ਸੋਚਦੀ ਹਾਂ ਕਿ ਵਿੱਸ ਕਾਲੀ,
ਹਨੇਰਿਆਂ ਦੀ ਨੂੰ ਕੌਣ ਪੀਵੇ l

ਵੇ ਨੰਗ- ਮੁਨੰਗੀ ਜਹੀ ਧਰਤ ਭੁੱਖੀ,
ਵੇ ਹੋਰ ਕਿੰਨੀ ਕੁ ਦੇਰ ਜੀਵੇ l

ਯੁੱਗ ਵਿਹਾਏ ਨੇ ਬਾਲਦੀ ਨੂੰ,
ਹਾਏ ਰੱਤ ਚੋ ਰੋ ਕੇ ਰੋਜ਼ ਦੀਵੇ l

ਪਰ ਨਾ ਹੀ ਬੀਤੀ ਇਹ ਰਾਤ ਕਾਲੀ,
ਹੈ ਨਾ ਹੀ ਬੌਹੜੀ ਉਸ਼ੇਰ ਹਾਲੇ l

ਹੈ ਰਾਤ ਕਿੰਨੀ ਕੁ ਦੇਰ ਹਾਲੇ l
ਹੈ ਰਾਤ ਕਿੰਨੀ ਕੁ ਦੇਰ ਹਾਲੇ l

 

[Jaswinder Singh Baidwan]

ਆਪਣੀ ਸਾਲ-ਗਿਰਾ ਤੇ..

ਬਿਰਹਣ ਜਿੰਦ ਮੇਰੀ ਨੇ ਸਈਓ,
ਕੋਹ ਇਕ ਹੋਰ ਮੁਕਾਇਆ ਨੀ
ਪੱਕਾ ਮੀਲ ਮੌਤ ਦਾ ਨਜ਼ਰੀਂ,
ਅਜੇ ਵੀ ਨਾ ਪਰ ਆਇਆ ਨੀ

ਵਰਿਆਂ ਨਾਲ ਉਮਰ ਦਾ ਪਾਸਾ,
ਖੇਡਦਿਆਂ ਮੇਰੀ ਦੇਹੀ ਨੇ,
ਹੋਰ ਸਮੇਂ ਹੱਥ ਸਾਹਵਾਂ ਦਾ,
ਇਕ ਸੰਦਲੀ ਨਰਦ ਹਰਾਇਆ ਨੀ

ਆਤਮ-ਹੱਤਿਆ ਦੇ ਰੱਥ ਉੱਤੇ,
ਜੀ ਕਰਦੈ ਚੜ ਜਾਵਾਂ ਨੀ,
ਕਾਇਰਤਾ ਦੇ ਦੱਮਾਂ ਦਾ-
ਪਰ ਕਿੱਥੋਂ ਦਿਆਂ ਕਰਾਇਆ ਨੀ

ਅੱਜ ਕਬਰਾਂ ਦੀ ਕੱਲਰੀ ਮਿੱਟੀ,
ਲਾ ਮੇਰੇ ਮੱਥੇ ਮਾਏ ਨੀ
ਇਸ ਮਿੱਟੜੀ ਚੋਂ ਮਿੱਠੜੀ ਮਿੱਠੜੀ,
ਅੱਜ ਖੁਸ਼ਬੋਈ ਆਏ ਨੀ

ਲਾ ਲਾ ਲੂਣ ਖੁਆਏ ਦਿਲ ਦੇ,
ਡੱਕਰੇ ਕਰ ਕਰ ਪੀੜਾਂ ਨੂੰ,
ਪਰ ਇਕ ਪੀੜ ਵਸਲ ਦੀ ਤਾਂ ਵੀ
ਭੁੱਖੀ ਮਰਦੀ ਜਾਏ ਨੀ
ਸਿਦਕ ਦੇ ਕੂਲੇ ਪਿੰਡੇ ਤੇ-
ਅੱਜ ਪੈ ਗਈਆਂ ਇਉਂ ਲਾਸਾਂ ਨੀ,
ਜਿਉਂ ਤੇਰੇ ਬੱਗੇ ਵਾਲੀਂ ਕੋਈ ਕੋਈ,
ਕਾਲਾ ਨਜ਼ਰੀਂ ਆਏ ਨੀ

ਨੀ ਮੇਰੇ ਪਿੰਡ ਦੀਓ ਕੁੜੀਓ ਚਿੜੀਓ
ਆਓ ਮੈਨੂੰ ਦਿਓ ਦਿਲਾਸਾ ਨੀ
ਪੀ ਚਲਿਆ ਮੈਨੂੰ ਘੁੱਟ ਘੁੱਟ ਕਰਕੇ,
ਗਮ ਦਾ ਮਿਰਗ ਪਿਆਸਾ ਨੀ

ਹੰਝੂਆਂ ਦੀ ਅੱਗ ਸੇਕ ਸੇਕ ਕੇ,
ਸੜ ਚੱਲੀਆਂ ਜੇ ਪਲਕਾਂ ਨੀ,
ਪਰ ਪੀੜਾਂ ਦੇ ਪੋਹ ਦਾ ਅੜੀਓ,
ਘੱਟਿਆ ਸੀਤ ਨਾ ਮਾਸਾ ਨੀ

ਤਾ ਤਰੇਈਏ ਫਿਕਰਾਂ ਦੇ ਨੇ
ਮਾਰ ਮੁਕਾਈ ਜਿੰਦਰੀ ਨੀ,
ਲੂਸ ਗਿਆ ਹਰ ਹਸਰਤ ਮੇਰੀ
ਲਗਿਆ ਹਿਜ਼ਰ ਚੁਮਾਸਾ ਨੀ

ਪੀੜਾਂ ਪਾ ਪਾ ਪੂਰ ਲਿਆ
ਮੈਂ ਦਿਲ ਦਾ ਖੂਹਾ ਖਾਰਾ ਨੀ
ਪਰ ਬਦਬਖਤ ਨਾ ਸੁਕਿਆ ਅੱਥਰਾਂ
ਇਹ ਕਰਮਾਂ ਦਾ ਮਾਰਾ ਨੀ

ਅੱਧੀ ਰਾਤੀਂ ਉਠ ਉਠ ਰੋਵਾਂ
ਕਰ ਕਰ ਚੇਤੇ ਮੋਇਆਂ ਨੂੰ,
ਮਾਰ ਦੁਹੱਕੜਾਂ ਪਿੱਟਾਂ ਜਦ ਮੈਂ
ਟੁੱਟ ਜਾਏ ਕੋਈ-ਕੋਈ ਤਾਰਾ ਨੀ

ਦਿਲ ਦੇ ਵਿਹੜੇ ਫੂਹੜੀ ਪਾਵਾਂ
ਯਾਦਾਂ ਆਉਣ ਮਕਾਣੇ ਨੀ,
ਰੋਜ਼ ਗਮਾਂ ਦੇ ਸੱਥਰ ਸੌਂ ਸੌਂ
ਜੋੜੀਂ ਬਹਿ ਗਿਆ ਪਾਰਾ ਨੀ

ਸਈਓ ਰੁੱਖ ਹਯਾਤੀ ਦੇ ਨੂੰ,
ਕਹੀ ਪਾਵਾਂ ਮੈਂ ਪਾਣੀ ਨੀ
ਸਿਉਂਕ ਇਸ਼ਕ ਦੀ ਫੋਕੀ ਕਰ ਗਈ
ਇਹਦੀ ਹਰ ਇਕ ਟਾਹਣੀ ਨੀ

ਯਾਦਾਂ ਦਾ ਕਰ ਲੋਗੜ ਕੋਸਾ
ਕੀ ਮੈਂ ਕਰਾਂ ਟਕੋਰਾਂ ਨੀ
ਪਈ ਬਿਰਹੋਂ ਦੀ ਸੋਜ ਕਲੇਜੇ
ਮੋਇਆਂ ਬਾਣ ਨਾ ਜਾਣੀ ਨੀ

ਡੋਲ ਇਤਰ ਮੇਰੀ ਜ਼ੁਲਫੀਂ ਮੈਨੂੰ
ਲੈ ਚਲੋ ਕਬਰਾਂ ਵੱਲੇ ਨੀ,
ਖੌਰੇ ਭੂਤ ਭੁਤਾਣੇ ਹੀ ਬਣ
ਚੰਬੜ ਜਾਵਣ ਹਾਣੀ ਨੀ.

 

[Jaswinder Singh Baidwan]

ਥੱਬਾ ਕੁ ਜ਼ੁਲਫਾਂ ਵਾਲਿਆ

ਥੱਬਾ ਕੁ ਜ਼ੁਲਫਾਂ ਵਾਲਿਆ l
ਮੇਰੇ ਸੋਹਣਿਆਂ ਮੇਰੇ ਲਾੜਿਆ l
ਅੜਿਆ ਵੇ ਤੇਰੀ ਯਾਦ ਨੇ,
ਕੱਢ ਕੇ ਕਲੇਜ਼ਾ ਖਾਲਿਆ l
ਥੱਬਾ ਕੁ ਜ਼ੁਲਫਾਂ ਵਾਲਿਆ l
ਥੱਬਾ ਕੁ ਜ਼ੁਲਫਾਂ ਵਾਲਿਆ l

ਔਹ ਮਾਰ ਲਹਿੰਦੇ ਵੱਲ ਨਿਗਾਹ l
ਅਜ ਹੋ ਗਿਆ ਸੂਰਜ ਜ਼ਬਾ l
ਏਕਮ ਦਾ ਚੰਨ ਫਿੱਕਾ ਜਿਹਾ,
ਅਜ ਬਦਲੀਆਂ ਨੇ ਖਾ ਲਿਆ l
ਅਸਾਂ ਦੀਦਿਆਂ ਦੇ ਵਿਹਰੜੇ,
ਹੰਝੂਆਂ ਦਾ ਪੋਚਾ ਪਾ ਲਿਆ
ਤੇਰੇ ਸ਼ਹਿਰ ਜਾਂਦੀ ਸੜਕ ਦਾ,
ਇਕ ਰੋੜ ਚੁਗ ਕੇ ਖਾ ਲਿਆ l
ਥੱਬਾ ਕੁ ਜ਼ੁਲਫਾਂ ਵਾਲਿਆ l

ਆਈਆਂ ਵੇ ਸਿਰ ਤੇ ਵਹਿੰਗੀਆ lਂ
ਰਾਤਾਂ ਅਜੇ ਨੇ ਰਹਿੰਦੀਆਂ l
ਕਿਰਨਾਂ ਅਜੇ ਨੇ ਮਹਿੰਗੀਆਂ l
ਅਸਾਂ ਦਿਲ ਦੇ ਉੱਜੜੇ ਖੇਤ ਵਿਚ
ਮੂਸਲ ਗਮਾਂ ਦਾ ਲਾ ਲਿਆ l
ਮਿੱਠਾ ਵੇ ਤੇਰਾ ਬਿਰਹੜਾ-
ਗੀਤਾਂ ਨੇ ਕੁਛੜ ਚਾ ਲਿਆ l
ਥੱਬਾ ਕੁ ਜ਼ੁਲਫਾਂ ਵਾਲਿਆ l
ਥੱਬਾ ਕੁ ਜ਼ੁਲਫਾਂ ਵਾਲਿਆ l

ਸੱਜਣਾ ਵੇ ਦਿਲ ਦਿਆ ਕਾਲਿਆ,
ਅਸਾਂ ਰੋਗ ਦਿਲ ਨੂੰ ਲਾ ਲਿਆ,
ਤੇਰਾ ਜ਼ਹਿਰ-ਮੌਹਰੇ ਰੰਗ ਦਾ-
ਬਾਂਹ ਤੇ ਹੈ ਨਾਂ ਖੁਦਵਾ ਲਿਆ l
ਉਸ ਬਾਂਹ ਦੁਆਲੇ ਮੋਤੀਏ ਦਾ,
ਹਾਰ ਹੈ ਅਜ ਪਾ ਲਿਆ
ਕਬਰਾਂ ਨੂੰ ਟੱਕਰਾਂ ਮਾਰ ਕੇ-
ਮੱਥੇ ਤੇ ਰੋੜਾ ਪਾ ਲਿਆ l
ਅਸਾਂ ਹਿਜ਼ਰ ਦੀ ਸੰਗਰਾਂਦ ਨੂੰ-
ਅੱਥਰੂ ਕੋਈ ਲੂਣਾ ਖਾ ਲਿਆ l
ਕੋਈ ਗੀਤ ਤੇਰਾ ਗਾ ਲਿਆ l
ਥੱਬਾ ਕੁ ਜ਼ੁਲਫਾਂ ਵਾਲਿਆ l

ਮੇਰੇ ਹਾਣੀਆਂ ਮੇਰੇ ਪਿਆਰੀਆ,
ਪੀੜਾਂ ਦੀ ਪੱਥਕਣ ਜੋੜਕੇ,
ਗੀਰਾਂ ਅਸਾਂ ਬਣਵਾ ਲਿਆ,
ਹੱਡਾਂ ਦਾ ਬਾਲਣ ਬਾਲ ਕੇ,
ਉਮਰਾਂ ਦਾ ਆਵਾ ਤਾ ਲਿਆ l
ਕੱਚਾ ਪਿਆਲਾ ਇਸ਼ਕ ਦਾ-
ਅੱਜ ਸ਼ਿੰਗਰਫੀ ਰੰਗਵਾ ਲਿਆ l
ਵਿਚ ਜ਼ਹਿਰ ਚੁੱਪ ਦਾ ਪਾ ਲਿਆ l
ਜਿੰਦੂ ਨੇ ਬੁਲੀਂ ਲਾ ਲਿਆ l
ਥੱਬਾ ਕੁ ਜ਼ੁਲਫਾਂ ਵਾਲਿਆ l
ਅੜਿਆ ਵੇ ਤੇਰੀ ਯਾਦ ਨੇ
ਕੱਢ ਕੇ ਕਲੇਜ਼ਾ ਖਾ ਲਿਆ l
ਥੱਬਾ ਕੁ ਜ਼ੁਲਫਾਂ ਵਾਲਿਆ