harman03
:)
ਬੁੱਲਾਂ ਉੱਤੇ ਕਿੰਨੇ ਹੀ ਜਵਾਬ ਰੋਂਦੇ ਹੋਣਗੇ !
ਡੋਬ ਕੇ ਦੋ ਦਿਲਾਂ ਨੂੰ ਝਨਾਬ ਰੋਂਦੇ ਹੋਣਗੇ !
ਦੋ ਪਾਲ ਬਹਿ ਕੇ ਮਾਰ ਗਈ ਉਡਾਰੀ ਜੋ,
ਓਸੇ ਤਿਤਲੀ ਨੂੰ ਏ ਗੁਲਾਬ ਰੋਂਦੇ ਹੋਣਗੇ !
ਮਾਰ ਕੇ ਉਡਾਰੀ ਜੋ ਸੀ ਬੱਦਲਾਂ ਨੂੰ ਚੁਮਦੇ,
ਪਿੰਜਰੇ 'ਚ ਬੰਦ ਓਹ ਉਕਾਬ ਰੋਂਦੇ ਹੋਣਗੇ !
ਪਾਗਲਾਂ ਦੇ ਵਾਂਗ ਕਰ ਖੁਦ ਨਾਲ ਗੱਲਾਂ,
ਉੱਚੀ-ਉੱਚੀ ਹੱਸ ਕੇ ਜਨਾਬ ਰੋਂਦੇ ਹੋਣਗੇ !
ਰੀਝਾਂ ਦੀਆਂ ਪਾਕੇ ਲੀਰਾਂ ਗਲ ਵਿਚ ਰਾਤਾਂ ਨੂੰ,
ਅਖਾਂ ਦੀਆਂ ਗਲੀਆਂ 'ਚ ਖ਼ਾਬ ਰੋਂਦੇ ਹੋਣਗੇ !
ਕੱਲੇ ਕਿਤੇ ਬਹਿ ਕੇ ਓਹ ਕਰ-ਕਰ ਯਾਦ ਸਾਨੂੰ,
ਮੁੱਖ਼ ਉਤੇ ਰੱਖ ਕੇ ਕਿਤਾਬ ਰੋਂਦੇ ਹੋਣਗੇ !
ਫਰੋਲ ਕੇ ਤਾਂ ਵੇਖ ਤੂੰ ਪੁਰਾਣੀਆਂ ਕਿਤਾਬਾਂ ਨੂੰ,
ਯਾਰਾ ਤੈਨੂੰ ਦਿੱਤੇ ਓਹ ਗੁਲਾਬ ਰੋਂਦੇ ਹੋਣਗੇ !