ਸ਼ਹੀਦੀ-ਦਿਹਾੜੇ

[ਦੁੱਖਾਂ ਦਾ ਮਾਰਿਆ]

ਸ਼ਹੀਦੀ-ਦਿਹਾੜੇ

ਯਾਦ ਤਾਂ ਸੱਭ ਕੁਝ ਰੱਖਦਾ ੲੇ, ਜਾਣ ਬੁੱਝ ਬਣ ਅਣਜਾਣ ਖੜ੍ਹੇ।
ਜਬਰ ਜੁੱਲਮ ਦਾ ਸਾਹਮਣਾ ਕਰਨ ਲਈ, ਜੋ ਹਿੱਕ ਤਾਣ ਖੜੇ।
ਆਪਣੀ ਖੁਸ਼ੀ ਖਾਤਰ ਅੱਜ, ਉਹਨਾਂ ਨੂੰ ਨਾਸ਼ੁਕਰੇ ਹੋ ਭੁੱਲ ਜਾਵਾਂਗੇ।
"ਕੇਸ ਕਤਲ" ਕਰਵਾ ਕੇ, ਅਸੀ ਸ਼ਹੀਦੀ-ਦਿਹਾੜੇ ਮਨਾਵਾਂਗੇ।

ਇਕ ਜੰਮਿਆ ਮਰਦ ਅਗੰਮੜਾ, ਜਿਹਨੇ ਵਾਰ ਦਿੱਤਾ ਸਰਬੰਸ।
ਚਾਰੇ ਪੁੱਤਰ ਕੁਰਬਾਨ ਹੋੲੇ, ਅਤੇ ਕੋਈ ਨਾ ਬਚਿਆ ਅੰਸ਼।
ਤਪਦੇ ਲਹੂ ਅੰਗਿਆਰ ਨੂੰ, ਅਸੀ ਨਸ਼ਿਆਂ ਚ' ਰਲਾਵਾਂਗੇ।
"ਕੇਸ ਕਤਲ" ਕਰਵਾ ਕੇ, ਅਸੀ ਸ਼ਹੀਦੀ-ਦਿਹਾੜੇ ਮਨਾਵਾਂਗੇ।

ਕਈਆਂ ਪ੍ਰਭਾਤ ਫੇਰੀ ਕੱਢਣੀ, ਬਹੁਤਿਆ ਕੱਢਣੇ ਜਲੂਸ।
ਗੁਰੂਘਰ ਚ' "ਗੁਰੂ ਗ੍ਰੰਥ" ਸਾਹਮਣੇ, ਕੱਢ ਲੈਣਗੇ ਬੰਦੂਕ।
ਸਿਰ ਤੇ ਟੋਪੀਆਂ ਸਜਾ ਕੇ, "ਨਗਰ ਕੀਰਤਨਾ ਚ' ਜਾਵਾਂਗੇ।
"ਕੇਸ ਕਤਲ" ਕਰਵਾ ਕੇ, ਅਸੀ "ਸ਼ਹੀਦੀ-ਦਿਹਾੜੇ" ਮਨਾਵਾਂਗੇ।

ਐਕਟਰ ਬਣਾੳੁਣਗੇ ਬਹੁਤੇ, ਕਈਆਂ ਸਿੰਗਰ ਬਣਾਉਣੇ।
ਸਹੁੰ ਪੱਕੀ ਖਾ ਲਈ ਲੋਕਾਂ ''ਗੈਰੀ'', "ਧੀ-ਪੁੱਤ" ਸਿੰਘ ਨਹੀਂ ਸਜਾਉਣੇ।
ਗੰਦੇ-ਮੰਦੇ ਗੀਤ ਗਾ ਕੇ, ਅਸੀ ਲੱਚਰਤਾ ਫੈਲਾਂਵਾਂਗੇ ।
"ਕੇਸ ਕਤਲ" ਕਰਵਾ ਕੇ, ਅਸੀ "ਸ਼ਹੀਦੀ-ਦਿਹਾੜੇ" ਮਨਾਵਾਂਗੇ ।

ਲੇਖਕ ਗਗਨ ਦੀਪ ਸਿੰਘ ਵਿਰਦੀ (ਗੈਰੀ)

 

[Student of kalgidhar]

Bahut sohna likheaa veer

 

[Mandipgill]

ਬਹੁਤ ਖ਼ੂਬ

 

[ਦੁੱਖਾਂ ਦਾ ਮਾਰਿਆ]

bahut sohna likheaa veer

ਬਹੁਤ ਬਹੁਤ ਸ਼ੁੱਕਰੀਆ ਵੀਰ ਕੀਮਤੀ ਸਮਾ ਦੇਣ ਲਈ ਨਿਮਾਣੀ ਜਿਹੀ ਲਿਖਤ ਨੂੰ।

 

[ਦੁੱਖਾਂ ਦਾ ਮਾਰਿਆ]

ਬਹੁਤ ਖ਼ੂਬ

ਸ਼ੁੱਕਰਾਨੇ ਵੀਰ ਜੀ।