BaBBu
Prime VIP
ਚਰਨ ਲਾ ਮੈਨੂੰ ਜਗਾ ਦੇ, ਨਾਲ ਮੇਹਰਾਂ ਤਾਰ ਦੇ ।
ਕਰਮ ਨਾਲ ਉਭਾਰ ਦੇ ਤੂੰ, ਦਰਸ ਦੇ ਕੇ ਠਾਰ ਦੇ ।
ਅੰਦਰੋਂ ਮੈਂ ਸੱਖਣਾ ਤੇ ਸੁੰਞ ਮੈਨੂੰ ਖਾ ਰਹੀ,
ਖ਼ਾਲੀ ਭਰਨੇ ਹਾਰਿਆ, ਆ, ਭਰ ਮਿਰੇ ਭੰਡਾਰ ਦੇ ।
ਠਿੱਠ ਕੀਤਾ ਜਗਤ ਮੈਨੂੰ, ਲੁਕਣ ਦੀ ਨਹੀਂ ਥਾਂ ਕੁਈ,
ਮੇਰੀ ਧਿਰ ਬੱਸ ਤੂੰ ਸੁਆਮੀ, ਥੁੜ੍ਹ ਗਏ ਨੂੰ ਠ੍ਹਾਰ ਦੇ ।
ਬੇ-ਅਦਬ, ਗੁਸਤਾਖ਼, ਝੂਠਾ, ਢੀਠ ਤੇ ਨਿਰਲੱਜ ਹਾਂ,
ਪਾਜ ਕੱਜੇ ਕੌਣ ਮੇਰੇ, ਬਾਝ ਤੈਂ ਸੱਤਾਰ ਦੇ ?
ਠਉਰ ਨਹੀਂ ਠਾਹਰ ਕੋਈ, ਆਸਰਾ ਨਾ ਆਸ ਹੈ,
ਦਰ ਨਾ ਘਰ ਮੇਰਾ ਕੋਈ ਹੈ, ਵਿੱਚ ਇਸ ਸੰਸਾਰ ਦੇ ।
ਧੱਕੇ ਸਹਿ ਕੇ, ਠਿਠ ਹੋ ਕੇ, ਨਿਰਾਸਤਾ ਦੀ ਚੋਟ ਖਾ,
ਆਇਆ ਆਖ਼ਿਰ ਫਿਰ ਫਿਰਾ ਕੇ, ਵਿਚ ਤਿਰੇ ਦਰਬਾਰ ਦੇ ।
ਪਾਪੀਆਂ, ਪਾਖੰਡੀਆਂ, ਪਾਲਾਲੀਆਂ ਨੂੰ ਤਾਰਨੈਂ,
ਨਜ਼ਰ ਭਰ ਕੇ ਤਰਸ ਵਾਲੀ, ਮੈਂ ਤਈਂ ਨਿਸਤਾਰ ਦੇ ।
ਕਰਮ ਨਾਲ ਉਭਾਰ ਦੇ ਤੂੰ, ਦਰਸ ਦੇ ਕੇ ਠਾਰ ਦੇ ।
ਅੰਦਰੋਂ ਮੈਂ ਸੱਖਣਾ ਤੇ ਸੁੰਞ ਮੈਨੂੰ ਖਾ ਰਹੀ,
ਖ਼ਾਲੀ ਭਰਨੇ ਹਾਰਿਆ, ਆ, ਭਰ ਮਿਰੇ ਭੰਡਾਰ ਦੇ ।
ਠਿੱਠ ਕੀਤਾ ਜਗਤ ਮੈਨੂੰ, ਲੁਕਣ ਦੀ ਨਹੀਂ ਥਾਂ ਕੁਈ,
ਮੇਰੀ ਧਿਰ ਬੱਸ ਤੂੰ ਸੁਆਮੀ, ਥੁੜ੍ਹ ਗਏ ਨੂੰ ਠ੍ਹਾਰ ਦੇ ।
ਬੇ-ਅਦਬ, ਗੁਸਤਾਖ਼, ਝੂਠਾ, ਢੀਠ ਤੇ ਨਿਰਲੱਜ ਹਾਂ,
ਪਾਜ ਕੱਜੇ ਕੌਣ ਮੇਰੇ, ਬਾਝ ਤੈਂ ਸੱਤਾਰ ਦੇ ?
ਠਉਰ ਨਹੀਂ ਠਾਹਰ ਕੋਈ, ਆਸਰਾ ਨਾ ਆਸ ਹੈ,
ਦਰ ਨਾ ਘਰ ਮੇਰਾ ਕੋਈ ਹੈ, ਵਿੱਚ ਇਸ ਸੰਸਾਰ ਦੇ ।
ਧੱਕੇ ਸਹਿ ਕੇ, ਠਿਠ ਹੋ ਕੇ, ਨਿਰਾਸਤਾ ਦੀ ਚੋਟ ਖਾ,
ਆਇਆ ਆਖ਼ਿਰ ਫਿਰ ਫਿਰਾ ਕੇ, ਵਿਚ ਤਿਰੇ ਦਰਬਾਰ ਦੇ ।
ਪਾਪੀਆਂ, ਪਾਖੰਡੀਆਂ, ਪਾਲਾਲੀਆਂ ਨੂੰ ਤਾਰਨੈਂ,
ਨਜ਼ਰ ਭਰ ਕੇ ਤਰਸ ਵਾਲੀ, ਮੈਂ ਤਈਂ ਨਿਸਤਾਰ ਦੇ ।
