BaBBu
Prime VIP
ਮੈਂ ਤਿਰੇ ਦਿਲ ਤੋਂ ਹਾਂ ਭਾਵੇਂ, ਗਰਦ ਵਾਗੂੰ ਲਹਿ ਗਿਆ।
ਤੂੰ ਮੇਰੇ ਦਿਲ 'ਤੇ ਸਦੀਵੀਂ, ਲੀਕ ਵਾਂਗੂੰ ਵਹਿ ਗਿਆ।
ਰਾਤ ਸੀ ਮੇਰੇ ਚੁਫ਼ੇਰੇ, ਬਰਫ਼ ਦਾ ਪਰਬਤ ਖੜ੍ਹਾ,
ਧੁੱਪ ਕੜਕੀ ਤਾਂ ਕਿਤੇ, ਤਿਪ ਵੀ ਨਾ ਪਾਣੀ ਰਹਿ ਗਿਆ।
ਮੇਰੀਆਂ ਅੱਖਾਂ 'ਚ ਸੂਰਜ, ਲਿਸ਼ਕਿਆ ਹੈ ਕਿਸ ਸਮੇਂ,
ਰਾਤ ਦਾ ਖੰਜ਼ਰ ਜਦੋਂ, ਸੀਨੇ 'ਚ ਮੇਰੇ ਲਹਿ ਗਿਆ।
ਮੌਲ ਆਇਐ, ਮੁੜਕੇ ਭਾਵੇਂ, ਸ਼ਾਖ਼ 'ਤੇ ਪੱਤਾ ਨਵਾਂ,
ਝੜ ਗਏ ਦਾ ਗ਼ਮ, ਸਦੀਵੀਂ ਜ਼ਖ਼ਮ ਬਣ ਕੇ ਰਹਿ ਗਿਆ।
ਔੜ ਅੰਦਰ ਨਾ ਉਮੀਦੀ, ਵਿਚ ਸੀ ਹਰ ਇਕ ਡੁੱਬਿਆ
ਜਦ ਝੜੀ ਲੱਗੀ ਤਾਂ ਹਰ ਇਕ, ਗ਼ਮ ਦੇ ਖੂਹ ਵਿਚ ਲਹਿ ਗਿਆ।
ਤਣ ਕੇ ਪਰਬਤ ਵਾਂਗ, ਹਰ ਇਕ ਸਾਮ੍ਹਣੇ ਸੀ ਜੋ ਖੜਾ,
ਤੇਰੇ ਸ੍ਹਾਵੇਂ ਰੇਤ ਦੀ, ਦੀਵਾਰ ਵਾਂਗੂੰ ਬਹਿ ਗਿਆ।
ਜਾਂ ਚਿੜੀ ਚੂਕੀ, ਬਸੰਤੀ ਧੁੱਪ ਦੇ ਫੁਲ ਖਿੜ ਪਏ,
ਕਾਂ ਮੁੜੇ ਤਾਂ 'ਨ੍ਹੇਰ ਦਾ ਛਾਪਾ ਚਮੁਟ ਕੇ ਰਹਿ ਗਿਆ।
ਰਾਹ ਵਿਚ ਚੁਪਚਾਪ, ਬਣਕੇ ਰੋਕ ਸੀ ਜਿਹੜਾ ਖੜਾ
ਸ਼ੂਕਦਾ ਪਾਣੀ 'ਚ ਪੱਥਰ, ਝੱਗ ਵਾਂਗੂੰ ਬਹਿ ਗਿਆ
ਤੂੰ ਮੇਰੇ ਦਿਲ 'ਤੇ ਸਦੀਵੀਂ, ਲੀਕ ਵਾਂਗੂੰ ਵਹਿ ਗਿਆ।
ਰਾਤ ਸੀ ਮੇਰੇ ਚੁਫ਼ੇਰੇ, ਬਰਫ਼ ਦਾ ਪਰਬਤ ਖੜ੍ਹਾ,
ਧੁੱਪ ਕੜਕੀ ਤਾਂ ਕਿਤੇ, ਤਿਪ ਵੀ ਨਾ ਪਾਣੀ ਰਹਿ ਗਿਆ।
ਮੇਰੀਆਂ ਅੱਖਾਂ 'ਚ ਸੂਰਜ, ਲਿਸ਼ਕਿਆ ਹੈ ਕਿਸ ਸਮੇਂ,
ਰਾਤ ਦਾ ਖੰਜ਼ਰ ਜਦੋਂ, ਸੀਨੇ 'ਚ ਮੇਰੇ ਲਹਿ ਗਿਆ।
ਮੌਲ ਆਇਐ, ਮੁੜਕੇ ਭਾਵੇਂ, ਸ਼ਾਖ਼ 'ਤੇ ਪੱਤਾ ਨਵਾਂ,
ਝੜ ਗਏ ਦਾ ਗ਼ਮ, ਸਦੀਵੀਂ ਜ਼ਖ਼ਮ ਬਣ ਕੇ ਰਹਿ ਗਿਆ।
ਔੜ ਅੰਦਰ ਨਾ ਉਮੀਦੀ, ਵਿਚ ਸੀ ਹਰ ਇਕ ਡੁੱਬਿਆ
ਜਦ ਝੜੀ ਲੱਗੀ ਤਾਂ ਹਰ ਇਕ, ਗ਼ਮ ਦੇ ਖੂਹ ਵਿਚ ਲਹਿ ਗਿਆ।
ਤਣ ਕੇ ਪਰਬਤ ਵਾਂਗ, ਹਰ ਇਕ ਸਾਮ੍ਹਣੇ ਸੀ ਜੋ ਖੜਾ,
ਤੇਰੇ ਸ੍ਹਾਵੇਂ ਰੇਤ ਦੀ, ਦੀਵਾਰ ਵਾਂਗੂੰ ਬਹਿ ਗਿਆ।
ਜਾਂ ਚਿੜੀ ਚੂਕੀ, ਬਸੰਤੀ ਧੁੱਪ ਦੇ ਫੁਲ ਖਿੜ ਪਏ,
ਕਾਂ ਮੁੜੇ ਤਾਂ 'ਨ੍ਹੇਰ ਦਾ ਛਾਪਾ ਚਮੁਟ ਕੇ ਰਹਿ ਗਿਆ।
ਰਾਹ ਵਿਚ ਚੁਪਚਾਪ, ਬਣਕੇ ਰੋਕ ਸੀ ਜਿਹੜਾ ਖੜਾ
ਸ਼ੂਕਦਾ ਪਾਣੀ 'ਚ ਪੱਥਰ, ਝੱਗ ਵਾਂਗੂੰ ਬਹਿ ਗਿਆ
