ਵਾਸ਼ਿੰਗਟਨ, 8 ਫਰਵਰੀ (ਭਾਸ਼ਾ)¸ ਅਮਰੀਕਾ ਦੇ ਮਿਸ਼ੀਗਨ ਸੂਬੇ 'ਚ ਸ਼ਰਾਰਤੀ ਅਨਸਰਾਂ ਨੇ ਉਸਾਰੀ ਅਧੀਨ ਇਕ ਗੁਰਦੁਆਰੇ 'ਚ ਤੋੜ-ਭੰਨ ਕੀਤੀ ਅਤੇ ਉਥੇ ਮੁਸਲਿਮ ਵਿਰੋਧੀ ਗੱਲਾਂ ਲਿਖ ਦਿੱਤੀਆਂ। ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੈਂਬਰਾਂ ਨੇ ਦੱਸਿਆ ਕਿ ਮਿਸ਼ੀਗਨ ਦੇ ਸਟਰਲਿੰਗ ਹਾਇਟਸ ਸਿਟੀ ਸਥਿਤ ਉਕਤ ਗੁਰਦੁਆਰੇ 'ਚ ਤੋੜ-ਭੰਨ ਦੀ ਇਹ ਘਟਨਾ 5 ਫਰਵਰੀ ਨੂੰ ਵਾਪਰੀ। ਸਿੱਖ ਅਮਰੀਕਨ ਲਿੰਗਲ ਡਿਫੈਂਸ ਐਂਡ ਐਜੁਕੇਸ਼ਨ ਫੰਡ ਨੇ ਕਿਹਾ ਕਿ ਤੋੜ-ਭੰਨ ਕਰਨ ਵਾਲਿਆਂ ਨੇ ਜੋ ਗੱਲਾਂ ਲਿਖੀਆਂ, ਉਸ ਵਿਚ ਅਸ਼ੋਭਨੀਕ ਭਾਸ਼ਾ ਦੀ ਵਰਤੋਂ ਕੀਤੀ ਗਈ ਹੈ। ਸ਼ਰਾਰਤੀ ਅਨਸਰਾਂ ਨੇ ਉਥੇ ਇਕ ਵੱਡੀ ਸਾਰੀ ਬੰਦੂਕ ਦੀ ਫੋਟੋ ਵੀ ਬਣਾਈ ਜਿਹੜੀ 9/11 ਦੇ ਹਮਲਿਆਂ ਦੇ ਸੰਦਰਭ 'ਚ ਹੈ।
![[JUGRAJ SINGH]](https://www.unp.me/data/avatars/s/123/123038.jpg?1591210006){kind=avatar}