To jaoon mein chaand par aaj...!!!

[~¤Akash¤~]

Nikhal pada mein apne ghar se,
Chalta hua us dagar mein,
Na jaane wo raah le jaaye kahaan,
Phir bhi mein ja raha hoon is pal wahaan...
..
Pahuncha mein ek pahaadi ke tal mein,
Dekha uski oonchi phunch aasman mein,
Chadne chala mein bina kuch soche,
Na jaane mera anjaam kya hoga...
...
Kaante lage mere pairon mein,
Kankad lage meri ungliyon mein,
Phir bhi mein chalta gaya us raste,
Na jaane ky karne chala...
..
Thak gaya yeh shareer mera,
Pairon ne the saath chode,
Phir bhi mein bas chalta gaya,
Us oonchayi par aankh rakhe...
..
Thanda hua mausam achanak,
Baraf se laadha tha pahaad aage,
Lage mere pairon mein wo barf ki talwaar,
Dard utha mere jism mein,
Jisse maut bhi shayad dar jaaye...
..
Par chalta chala mein,
Us raste ki aur,
Joh mujhe shayad le jaaye,
Manzil par...
..
Aur jaate jaate,
Pahuncha mein,.
Jo laga mujhe mera manzil hain,..
Charo taraf khula aasmaan tha,..
Aur mein tha khada dharti ke upar...
..
Pahunch gaya mein us jagah,
Jo duniya ki oonchayi par hain,
Dekh sakta tha mein saari dharthi,
Jo faila tha mere aankhon ke aage...
..
Phir maine socha,
Mein kyun aaya idhar,
Itne dard sahe,
Phir mujhe yaadaaya ek hi baat,
Wo tumhare pyar tale...
..
Aaya tha mein itna door,
Bas ek kaam ke liye,
Chillaya mein zor se wahan,
Jo duniya ko sunayi de...
..
Liya maine tumhara naam,
Izhaar kiya mera pyaar,
Kaho tum sanam agar yeh kam hain,
To jaoon mein chaand par aaj...!!!