mera haal kia mujhey kia khabar,tu miley to apni khabar mile

[~¤Akash¤~]

yahee arzo rahee, aik pal to meri dua ko asar miley.
shabe intezar bhi khatm ho,terey wasl ki wo sehr miley.

teri chah main merey be khabar teri rah main jo kharey rahey
kabhi ik nazar to mila bhi ley key riyazaton ka samar miley

hamain chahaton pe he naaz tha ,tera ishq hee mera raz tha
sila yeh mila hamain chah ka key hazar zakhm e jigar miley

chaley sans teri he yaad man rahey dil dharakta terey liyeh
teri justujo main guzaar doun mujhey jitni ziada umer miley

meri shab kahan?merey roz kia? meri zindagi ko hai kia hua??
mera haal kia mujhey kia khabar,tu miley to apni khabar miley