Bas akela hi muskurata raha.

[~¤Akash¤~]

Jivan ke is safar me ab tak, Dekhe kitne hi mukaam.
Khushiyo se saji subahe, kashto me lipti shaam.
Har din ek nayi ummeed se, Ek geet man ka gaata raha..
Bas akela hi muskurata raha..

Mushkilo ke aaye kitne hi padav.
Kathinaiyon ki chattano ne diye kai ghaav.
Par na haarne ki kasam thi khaayi,
Wahi ek kasam nibhata raha..
Bas akela hi muskurata raha

Kai logon ki pasand bana, to kuchh ki napasand bhi.
Kuchh ki dushmani aur nafrat paayi, aur kuchh ka pyaar bhi.
Doston ki dosti bada inaam thi, Aur pyar ek khoobsurat ehsaas.
In sachche-jhoothe rishton ko sachchai se nibhata raha.
Bas akela hi muskurata raha.