Bhardwaj Ramesh
Member
ਗਜ਼ਲ
ਸੁਨਹਿਰੀ ਸੋਚ ਦਾ ਦੀਪਕ,ਸਦਾ ਦਿਲ ਵਿਚ ਜਗਾਵੀਂ ਤੂੰ i
ਹਨੇਰੇ ਪਨਪ ਨਾ ਜਾਵਣ, ਨਵਾਂ ਸੂਰਜ ਉਗਾਵੀਂ ਤੂੰ i
ਸਦਾ ਕਰਮਾਂ ਨੂੰ ਹੀ ਕੋਸੇਂ, ਜਦੋਂ ਟੁੱਟਦਾ ਕੋਈ ਤਾਰਾ,
ਕਿ ਦਿਲ ਨੂੰ ਕਹਿਕਸ਼ਾਂ ਦੇ ਪਰ,ਨਜ਼ਾਰੇ ਵੀ ਵਿਖਾਵੀਂ ਤੂੰ i
ਕਿ ਇੱਟਾਂ ਰੇਤ ਤੇ ਸੀਮਟ,ਹੀ ਮਿਲਕੇ ਘਰ ਨਹੀਂ ਬਣਦਾ,
ਮੁਹੱਬਤ ਦੀ ਵੀ ਇਸਦੇ ਵਿਚ,ਸਦਾ ਹੀ ਜਾਨ ਪਾਵੀਂ ਤੂੰ i
ਕੁਸੰਗਤ ਮਿਲ ਹੀ ਜਾਵੇਗੀ, ਸਦਾ ਹੀ ਵਿਚਰਦੇ ਤੈਨੂੰ,
ਕਿਤੇ ਪਰ ਦਾਗ ਨਾ ਲੱਗੇ, ਕਿ ਆਪਾ ਵੀ ਬਚਾਵੀਂ ਤੂੰ i
ਕਿਉਂ ਕਰਨਾ ਹੈ ਪਛਤਾਵਾ, ਅਖੀਰੀ ਉਮਰ ਵਿਚ ਆ ਕੇ,
ਸਮੇ ਸਿਰ ਜਾਗ ਅਕਲਾਂ ਦਾ ,ਹੀ ਬੱਚਿਆਂ ਨੂੰ ਲਗਾਵੀਂ ਤੂੰ i
ਉਠਾਵੀਂ ਨਾ ਕਦੇ ਕਰਜਾ, ਵਿਖਾਵੇ ਦੇ ਲਈ ਹਰਗਿਜ਼,
ਕਦੇ ਔਕਾਤ ਤੋਂ ਵਧ ਕੇ, ਇਸ਼ਾਵਾਂ ਨਾ ਵਧਾਵੀਂ ਤੂੰ i
ਕਿਓਂ ਗਮਗੀਨ ਹੀ ਹੋਣਾ, ਇਹ ਬੀਤਾ ਯਾਦ ਕਰ-ਕਰ ਕੇ,
ਬਣੇ ਸੁਥਰਾ ਭਵਿਖ ਲੇਕਿਨ ,ਸਮਾਂ ਹਥਲਾ ਸਜਾਵੀਂ ਤੂੰ i
ਕਿ ਵਾਧੇ ਤੋੜ ਕੇ ਸੋਹਲ , ਕਹਾਵੀਂ ਨਾ ਕਦੇ ਗਿਰਗਿਟ,
ਰਹੀਂ ਇਕਰਾਰ ਤੇ ਕਾਬਜ਼, ਸਦਾ ਵਾਧੇ ਪੁਗਾਵੀਂ ਤੂੰ i
ਆਰ.ਬੀ.ਸੋਹਲ
ਸੁਨਹਿਰੀ ਸੋਚ ਦਾ ਦੀਪਕ,ਸਦਾ ਦਿਲ ਵਿਚ ਜਗਾਵੀਂ ਤੂੰ i
ਹਨੇਰੇ ਪਨਪ ਨਾ ਜਾਵਣ, ਨਵਾਂ ਸੂਰਜ ਉਗਾਵੀਂ ਤੂੰ i
ਸਦਾ ਕਰਮਾਂ ਨੂੰ ਹੀ ਕੋਸੇਂ, ਜਦੋਂ ਟੁੱਟਦਾ ਕੋਈ ਤਾਰਾ,
ਕਿ ਦਿਲ ਨੂੰ ਕਹਿਕਸ਼ਾਂ ਦੇ ਪਰ,ਨਜ਼ਾਰੇ ਵੀ ਵਿਖਾਵੀਂ ਤੂੰ i
ਕਿ ਇੱਟਾਂ ਰੇਤ ਤੇ ਸੀਮਟ,ਹੀ ਮਿਲਕੇ ਘਰ ਨਹੀਂ ਬਣਦਾ,
ਮੁਹੱਬਤ ਦੀ ਵੀ ਇਸਦੇ ਵਿਚ,ਸਦਾ ਹੀ ਜਾਨ ਪਾਵੀਂ ਤੂੰ i
ਕੁਸੰਗਤ ਮਿਲ ਹੀ ਜਾਵੇਗੀ, ਸਦਾ ਹੀ ਵਿਚਰਦੇ ਤੈਨੂੰ,
ਕਿਤੇ ਪਰ ਦਾਗ ਨਾ ਲੱਗੇ, ਕਿ ਆਪਾ ਵੀ ਬਚਾਵੀਂ ਤੂੰ i
ਕਿਉਂ ਕਰਨਾ ਹੈ ਪਛਤਾਵਾ, ਅਖੀਰੀ ਉਮਰ ਵਿਚ ਆ ਕੇ,
ਸਮੇ ਸਿਰ ਜਾਗ ਅਕਲਾਂ ਦਾ ,ਹੀ ਬੱਚਿਆਂ ਨੂੰ ਲਗਾਵੀਂ ਤੂੰ i
ਉਠਾਵੀਂ ਨਾ ਕਦੇ ਕਰਜਾ, ਵਿਖਾਵੇ ਦੇ ਲਈ ਹਰਗਿਜ਼,
ਕਦੇ ਔਕਾਤ ਤੋਂ ਵਧ ਕੇ, ਇਸ਼ਾਵਾਂ ਨਾ ਵਧਾਵੀਂ ਤੂੰ i
ਕਿਓਂ ਗਮਗੀਨ ਹੀ ਹੋਣਾ, ਇਹ ਬੀਤਾ ਯਾਦ ਕਰ-ਕਰ ਕੇ,
ਬਣੇ ਸੁਥਰਾ ਭਵਿਖ ਲੇਕਿਨ ,ਸਮਾਂ ਹਥਲਾ ਸਜਾਵੀਂ ਤੂੰ i
ਕਿ ਵਾਧੇ ਤੋੜ ਕੇ ਸੋਹਲ , ਕਹਾਵੀਂ ਨਾ ਕਦੇ ਗਿਰਗਿਟ,
ਰਹੀਂ ਇਕਰਾਰ ਤੇ ਕਾਬਜ਼, ਸਦਾ ਵਾਧੇ ਪੁਗਾਵੀਂ ਤੂੰ i
ਆਰ.ਬੀ.ਸੋਹਲ