ਸਾਕ ਸਬੰਧੀ ਨਾਲ਼ੇ ਲੱਗੇ

[KARAN]

ਸਾਕ ਸਬੰਧੀ ਨਾਲ਼ੇ ਲੱਗੇ
ਘਰ ਲੁੱਟਣ ਘਰਵਾਲੇ ਲੱਗੇ

ਜਿਸ ਜਿਸ ਨੂੰ ਸਬ ਸੱਚ ਪਤਾ ਹੈ
ਸਬਦੇ ਮੂੰਹ ਤੇ ਤਾਲੇ ਲੱਗੇ

ਮੈਨੂ ਕਹਿੰਦੇ ਅਕਲ ਕਰੋ ਜੀ
ਅਕਲਾਂ ਨੂੰ ਪਰ ਜਾਲੇ ਲੱਗੇ

ਬੱਦਲਾਂ ਨੂੰ ਜਦ ਸੇਕ ਪਿਆ ਸੀ
ਤੇ ਧੁੱਪਾਂ ਨੂ ਪਾਲ਼ੇ ਲੱਗੇ

ਸੁਪਨੇ ਵਿੱਚ ਇੱਕ ਘਰ ਦਿੱਸਦਾ ਏ
ਕੱਚੀ ਕੰਧ ਚ ਆਲ਼ੇ ਲੱਗੇ

ਕੋਈ ਕਿਸੇ ਨੂ ਸ਼ਰਮ ਨਹੀ ਹੈ
ਰਾਹ ਦੇ ਵਿੱਚ ਵਿਚਾਲੇ ਲੱਗੇ

ਧਰਮ ਦੇ ਨਾਂ ਤੇ ਜੁੱਤੀਊ ਜੁੱਤੀ
ਮੁਸਲਮ , ਜੱਟ ਤੇ ਲਾਲੇ ਲੱਗੇ

ਪੁੱਛ ਖਾਂ ਸਿੱਖੀ ਕਿਵੇਂ ਮਿਲੀ ਸੀ
ਦੇਗਾਂ ਵਿੱਚ ਉਬਾਲੇ ਲੱਗੇ

|ਚੰਗੀ ਗੱਲ ਹੈ ਜੀ ਚੰਗੀ ਲੱਗੇ ਤਾਂ ਸ਼ਿਅਰ ਕਰਕੇ ਜਰਾ |
ਲਿਖਤੁਮ - ਜੈਲਦਾਰ ਪਰਗਟ ਸਿੰਘ​

 

[Faizullapuria-Rai]

bahut vadia likhda zaildaar pargat singh

 

[Tejjot]

bhot vadia ji