BaBBu
Prime VIP
ਦਿਸਦੈ ਨਾ ਕਿਤੇ ਸੂਰਜ ਤੇ ਠੰਢ ਬੜੀ ਹੈ ।
ਇਕ ਦਰਦ ਦਾ ਮੌਸਮ ਹੈ ਸਿਰ ਰਾਤ ਖੜ੍ਹੀ ਹੈ ।
ਧੁੱਪਾਂ ਤੋਂ ਰਹੇ ਵਿਰਵੇ, ਵਰਖਾ ਤੋਂ ਰਹੇ ਵਾਂਝੇ,
ਵਸਦੀ ਹੈ ਨਾ ਹਟਦੀ ਹੈ, ਘਟ ਕੇਹੀ ਚੜ੍ਹੀ ਹੈ।
ਦਿਲਦਾਰ ਨੇ ਸਭ ਗਲੀਆਂ, ਘਰ ਸਾਰੇ ਪਰਾਏ ਨੇ,
ਜਿਸ ਦਰ 'ਤੇ ਜਾਈਏ, ਮਾਯੂਸੀ ਖੜ੍ਹੀ ਹੈ।
ਫਿਰ ਚੰਨ ਦੇ ਦੁਆਲੇ ਅਜ, ਇਕ ਗਿਰਝ ਪਈ ਭਾਉਂਦੀ,
ਇਹ ਮੇਰੀ ਤਬਾਹੀ ਦੀ, ਇਕ ਹੋਰ ਕੜੀ ਹੈ।
ਉਸ ਵੇਲੇ ਤੁਸੀਂ ਆਏ, ਜਦ ਬੀਤ ਗਿਆ ਮੌਸਮ,
ਮਾਤਮ ਤੇ ਖੁਸ਼ੀ 'ਕੱਠਿਆਂ ਬ੍ਹਾਂ ਮੇਰੀ ਫੜੀ ਹੈ।
ਇਸ ਸ਼ਹਿਰ ਦਾ ਹਰ ਚਿਹਰਾ, ਮੈਨੂੰ ਹੈ ਪਛਾਣ ਰਿਹਾ,
ਹਰ ਦਰ 'ਚ ਖੜ੍ਹੀ ਮੂਰਤ, ਹੈਰਾਨ ਬੜੀ ਹੈ ।
ਮੈਂ ਵੀ ਸੀ ਲਏ ਸੁਪਨੇ, ਗਗਨਾਂ ਦੇ ਸਿਤਾਰਿਆਂ ਦੇ,
ਪਾਗਲ ਹੈ ਜੋ ਅੰਬਰ ਨੂੰ, ਅਜ ਗਹਿਰ ਚੜ੍ਹੀ ਹੈ।
ਇਹ ਪੰਧ ਮੁਕਾ ਲੈਂਦਾ, ਮੈਂ ਹੁਣ ਨੂੰ ਚਿਰੋਕਾ ਹੀ,
ਹਰ ਪੈਰ 'ਤੇ ਫ਼ਰਜ਼ਾਂ ਦੀ, ਦੀਵਾਰ ਖੜ੍ਹੀ ਹੈ।
ਆ ਕੇ ਤੇ ਦੁਰਾਹੇ 'ਤੇ, ਲੱਗੇ ਨੇ ਗਲੇ ਰਸਤੇ,
ਵਿਛੜਨ ਦਾ ਸਮਾਂ ਹੈ ਕਿ ਮਿਲਨੀ ਦੀ ਘੜੀ ਹੈ।
ਇਕ ਦਰਦ ਦਾ ਮੌਸਮ ਹੈ ਸਿਰ ਰਾਤ ਖੜ੍ਹੀ ਹੈ ।
ਧੁੱਪਾਂ ਤੋਂ ਰਹੇ ਵਿਰਵੇ, ਵਰਖਾ ਤੋਂ ਰਹੇ ਵਾਂਝੇ,
ਵਸਦੀ ਹੈ ਨਾ ਹਟਦੀ ਹੈ, ਘਟ ਕੇਹੀ ਚੜ੍ਹੀ ਹੈ।
ਦਿਲਦਾਰ ਨੇ ਸਭ ਗਲੀਆਂ, ਘਰ ਸਾਰੇ ਪਰਾਏ ਨੇ,
ਜਿਸ ਦਰ 'ਤੇ ਜਾਈਏ, ਮਾਯੂਸੀ ਖੜ੍ਹੀ ਹੈ।
ਫਿਰ ਚੰਨ ਦੇ ਦੁਆਲੇ ਅਜ, ਇਕ ਗਿਰਝ ਪਈ ਭਾਉਂਦੀ,
ਇਹ ਮੇਰੀ ਤਬਾਹੀ ਦੀ, ਇਕ ਹੋਰ ਕੜੀ ਹੈ।
ਉਸ ਵੇਲੇ ਤੁਸੀਂ ਆਏ, ਜਦ ਬੀਤ ਗਿਆ ਮੌਸਮ,
ਮਾਤਮ ਤੇ ਖੁਸ਼ੀ 'ਕੱਠਿਆਂ ਬ੍ਹਾਂ ਮੇਰੀ ਫੜੀ ਹੈ।
ਇਸ ਸ਼ਹਿਰ ਦਾ ਹਰ ਚਿਹਰਾ, ਮੈਨੂੰ ਹੈ ਪਛਾਣ ਰਿਹਾ,
ਹਰ ਦਰ 'ਚ ਖੜ੍ਹੀ ਮੂਰਤ, ਹੈਰਾਨ ਬੜੀ ਹੈ ।
ਮੈਂ ਵੀ ਸੀ ਲਏ ਸੁਪਨੇ, ਗਗਨਾਂ ਦੇ ਸਿਤਾਰਿਆਂ ਦੇ,
ਪਾਗਲ ਹੈ ਜੋ ਅੰਬਰ ਨੂੰ, ਅਜ ਗਹਿਰ ਚੜ੍ਹੀ ਹੈ।
ਇਹ ਪੰਧ ਮੁਕਾ ਲੈਂਦਾ, ਮੈਂ ਹੁਣ ਨੂੰ ਚਿਰੋਕਾ ਹੀ,
ਹਰ ਪੈਰ 'ਤੇ ਫ਼ਰਜ਼ਾਂ ਦੀ, ਦੀਵਾਰ ਖੜ੍ਹੀ ਹੈ।
ਆ ਕੇ ਤੇ ਦੁਰਾਹੇ 'ਤੇ, ਲੱਗੇ ਨੇ ਗਲੇ ਰਸਤੇ,
ਵਿਛੜਨ ਦਾ ਸਮਾਂ ਹੈ ਕਿ ਮਿਲਨੀ ਦੀ ਘੜੀ ਹੈ।
