ਮਖਮਲਾਂ ਦੀ ਸੇਜ ਚੋਂ ਵੀ ਨੁਕ੍ਸ ਸੀ ਜੋ ਕੱਡ ਰਹੇ

[KARAN]

ਮਖਮਲਾਂ ਦੀ ਸੇਜ ਚੋਂ ਵੀ ਨੁਕ੍ਸ ਸੀ ਜੋ ਕੱਡ ਰਹੇ
ਖਾਕ ਵਿਚ ਸਬ ਸੌਂ ਰਹੇ ਨੇ ਅੱਜ ਲੱਤਾਂ ਤਾਣ ਕੇ

ਜੀ ਨਾ ਕਿਸੇ ਧਾਗੇ ਤਵੀਤਾਂ ਰੋਕਣਾ ਏ ਕਾਲ ਨੂ
ਮੌਤ ਨਹੀ ਰੁਕਦੀ ਏ ਔਂਦੀ ਏ ਇਰਾਦਾ ਠਾਣ ਕੇ

ਤੂੰ ਬਣਦਾ ਸੀ ਚੰਗੇਜ਼ ਖਾਂ ਐਵੇਂ ਜ਼ਈਫ਼ਾਂ ਦੇ ਅੱਗੇ
ਮੌਤ ਮੂਹਰੇ ਖੜ ਭਲਾ ਹੁਣ ਆਸਤੀਨਾਂ ਤਾਣ ਕੇ

ਜੀ ਪੈਰ ਤੇ ਲੱਗੀ ਮਿੱਟੀ ਵੀ ਜਰ ਨਹੀ ਹੋਈ ਕਦੇ
ਮੌਤ ਨੇ ਮਿੱਟੀ ਚ ਮਿੱਟੀ ਕਰ ਤਾ ਮਿੱਟੀ ਜਾਣ ਕੇ

ਸ਼ਿਵ ਜਹੇ ਤਾਰੇ ਅਨੇਕਾਂ ਟੁੱਟ ਗਏ ਜੋਬਣ ਦੀ ਰੁੱਤ
ਜੀ ਕੀ ਪਤਾ ਜੈਲੀ ਵੀ ਤੁਰ ਜਾਏ ਜਵਾਨੀ ਮਾਣ ਕੇ .....
Zaildar Pargat Singh​