ਨਿਊਡ ਚਿੱਤਰ ਖਿਚਵਾਉਣ ਲਈ 2.20 ਕਰੋੜ ਰੁਪਏ ਦੀ ਪੇਸ਼ਕਸ਼

[Birha Tu Sultan]

ਨਵੀਂ ਦਿੱਲੀ, 4 ਅਪ੍ਰੈਲ (ਯੂ. ਐੱਨ. ਆਈ.)¸ਵਿਸ਼ਵ ਕੱਪ ਕ੍ਰਿਕਟ ‘ਚ ਭਾਰਤ ਦੀ ਜਿੱਤ ‘ਤੇ ਨੰਗੀ ਹੋਣ ਦਾ ਐਲਾਨ ਕਰਕੇ ਸੁਰਖੀਆਂ ਵਿਚ ਆਈ ਕਿੰਗਫਿਸ਼ਰ ਮਾਡਲ ਪੂਨਮ ਪਾਂਡੇ ਨੇ ਕਿਹਾ ਹੈ ਕਿ ਬੀ. ਸੀ. ਸੀ. ਆਈ. ਤੋਂ ਇਜਾਜ਼ਤ ਨਾ ਮਿਲਣ ਕਾਰਨ ਉਹ ਅਜਿਹਾ ਨਹੀਂ ਕਰ ਸਕੀ। ਭਾਰਤ ਦੀ ਜਿੱਤ ਤੋਂ ਤੁਰੰਤ ਬਾਅਦ ਹੀ ਗਾਇਬ ਹੋ ਜਾਣ ਵਾਲੀ ਪੂਨਮ ਨੇ ਕਈ ਲੋਕਾਂ ਵਲੋਂ ਪੁੱਛੇ ਗਏ ਸਵਾਲਾਂ ਦੇ ਜਵਾਬ ਵਿਚ ਸੋਸ਼ਲ ਨੈੱਟਵਰਕਿੰਗ ਸਾਈਟ ਫੇਸਬੁਕ ‘ਤੇ ਟਵਿੱਟਰ ‘ਚ ਲਿਖਿਆ ਹੈ-ਮੈਂ ਸੁਰੱਖਿਅਤ ਹਾਂ ਅਤੇ ਭਾਰਤ ਦੀ ਜਿੱਤ ਤੋਂ ਬਾਅਦ ਖੁਸ਼ੀ ਨਾਲ ਪਾਗਲ ਹਾਂ। ਮੇਰੇ ਕੋਲ ਆਪਣੀ ਖੁਸ਼ੀ ਦਾ ਪ੍ਰਗਟਾਵਾ ਕਰਨ ਲਈ ਸ਼ਬਦ ਨਹੀਂ ਹਨ ਪਰ ਜਿਥੋਂ ਤਕ ਤੁਹਾਡਾ ਸਵਾਲ ਹੈ, ਤੁਸੀਂ ਬੀ. ਸੀ. ਸੀ. ਆਈ. ਵਲੋਂ 3 ਦਿਨ ਪਹਿਲਾਂ ਲਿਖੀ ਗਈ ਚਿੱਠੀ ‘ਤੇ ਨਜ਼ਰ ਮਾਰੋ। ਮੈਂ ਅਜੇ ਵੀ ਆਪਣੀ ਗੱਲ ‘ਤੇ ਕਾਇਮ ਹਾਂ, ਜੈ ਹੋ। ਪੂਨਮ ਨੇ ਕਿਹਾ ਕਿ ਜੇ ਉਸ ਨੂੰ ਭਾਰਤ ਵਿਚ ਨਗਨ ਹੋਣ ਦੀ ਇਜਾਜ਼ਤ ਨਹੀਂ ਦਿਤੀ ਜਾ ਸਕਦੀ ਤਾਂ ਉਹ ਪੈਰਿਸ ਵਿਚ ਅਜਿਹਾ ਕਰਨ ਲਈ ਤਿਆਰ ਹੈ। ਦੂਜੇ ਪਾਸੇ ਪੂਨਮ ਦੇ ਮੈਨੇਜਰ ਵਿਪਨ ਨੇ ਦੱਸਿਆ ਕਿ ਪੂਨਮ ਨੂੰ ਇਕ ਕੌਮਾਂਤਰੀ ਮੈਗਜ਼ੀਨ ਵਲੋਂ ਆਪਣੇ ਪਹਿਲੇ ਪੰਨੇ ਲਈ ਨਗਨ ਤਸਵੀਰ ਖਿਚਵਾਉਣ ਲਈ 2.20 ਕਰੋੜ ਰੁਪਏ ਦੀ ਪੇਸ਼ਕਸ਼ ਹੋਈ ਹੈ ਪਰ ਪੂਨਮ ਨੇ ਇਸ ਨੂੰ ਠੁਕਰਾ ਦਿਤਾ। ਮੈਨੇਜਰ ਨੇ ਕਿਹਾ ਕਿ ਪੂਨਮ ਦਾ ਕਹਿਣਾ ਹੈ ਕਿ ਉਹ ਸਿਰਫ ਭਾਰਤੀ ਟੀਮ ਲਈ ਹੀ ਕੱਪੜੇ ਉਤਾਰੇਗੀ।
ਇਸ ਦੌਰਾਨ ਇੰਟਰਨੈੱਟ ‘ਤੇ ਉਸ ਦੇ ਚਾਹੁਣ ਵਾਲਿਆਂ ਦੀ ਭਾਲ ਜਾਰੀ ਹੈ। ਪੂਨਮ ਦੇ ਫੇਸਬੁਕ ਅਕਾਊਂਟ ਦੇ ਵਾਲ ‘ਤੇ ਕਈ ਲੋਕਾਂ ਨੇ ਪੁੱਛਿਆ ਹੈ ਕਿ ਪੂਨਮ ਕਿੱਥੇ ਹੈ। ਇਕ ਨੇ ਲਿਖਿਆ ਹੈ ਕਿ ਪੂਨਮ ਨੇ ਪ੍ਰਚਾਰ ਲਈ ਚੰਗਾ ਸਟੰਟ ਕੀਤਾ ਹੈ। ਅਰੁਣ ਬਹਿਲ ਨੇ ਲਿਖਿਆ ਹੈ ਕਿ ਭਾਰਤ ਦੀ ਜਿੱਤ ਤੋਂ ਉਹ ਬਹੁਤ ਖੁਸ਼ ਹਨ ਪਰ ਜੇ ਤੁਸੀਂ ਆਪਣਾ ਵਾਅਦਾ ਪੂਰਾ ਕਰ ਦਿੰਦੇ ਤਾਂ…।