ਤੇਰੀ ਹੋਂਦ ਦਾ ਬੂਟਾ ਲਾਇਆ ਅਸੀ

ਤੇਰੀ ਹੋਂਦ ਦਾ ਬੂਟਾ ਲਾਇਆ ਅਸੀ i
ਦਿੱਲ ਦੇ ਵਿਹੜੇ ਵਿੱਚ ਸਜਾਇਆ ਅਸੀਂ ,

ਯਾਦਾਂ ਦੀ ਛਾਂ ਹੁਣ ਗਾਵਾਂ ਗੀਤ ਤੇਰੇ ,
ਪੰਛੀ ਗਮਾਂ ਦਾ ਸਦਾ ਉਡਾਇਆ ਅਸੀਂ i

ਹਰ ਪੱਤੇ ਵਿੱਚ ਵੱਸਦਾ ਹੁਸਨ ਤੇਰਾ ,
ਨਾਲ ਸੱਜਰਾ ਪਿਆਰ ਵਟਾਇਆ ਅਸੀਂ i

ਸਲਾਮ ਕਣਾਂ ਨੂੰ ਜਿਸ ਤੋਂ ਉਪਜ ਤੇਰੀ ,
ਮੰਨ ਅੰਦਰ ਅਹਿਸਾਸ ਵਸਾਇਆ ਅਸੀਂ i

ਸਪਰਸ਼ ਤੇਰਾ ਸਦਾ ਮਹਿਸੂਸ ਹੋਇਆ ,
ਹਰ ਕੋਨਾ ਦਿੱਲ ਦਾ ਰੁਸ਼ਨਾਇਆ ਅਸੀਂ i

ਜ਼ਹਿਰੀ ਹਵਾ ਤੋਂ ਹੋਏ ਖੌਫ਼ ਸਾਨੂੰ ,
ਸ਼ੁਕਦੇ ਤੁਫਾਨਾਂ ਵਿੱਚ ਬਚਾਇਆ ਅਸੀਂ i

ਲੁਕੇ ਕੈਦੋ ਕਈ ਸੋਹਲ ਘਾਤ ਲਾਈ ,
ਨੈਣਾਂ ਵਿੱਚ ਤੈਨੂੰ ਛੁਪਾਇਆ ਅਸੀਂ i

ਆਰ.ਬੀ.ਸੋਹਲ

vdiya likhya g