~¤Akash¤~
Prime VIP
kahaaN aake raukne the raaste kahaaN moR tha use bhool jaa
wo jo mil gaya use yaad rakh jo nahiN milaa use bhool jaa
wo mere naseeb ki baarisheN kisi aur chhat pe baras gaiN
dil-e-beKhabar meri baat sun use bhool jaa use bhool jaa
maiN to gum tha tere hi dhyaan meN tere aas tere gumaan meN
sabaa kah gai mere kaan meN mere paas aa use bhool jaa
na wo aaNkh hi teri aaNkh thi na wo khwaab hi tera khwaab tha
dil-e-muntazir to ye kis liye teraa jaagnaa use bhool jaa
ye jo raat din ka hai khel saa use dekh us pe yaqiN na kar
nahiN aks koi bhi mustaqil sar-e-aaina use bhool jaa
jo bisaat-e-jaaN hi ulaT gayaa wo jo raaste meN palaT gayaa
use rokne se husool kyaa use mat bulaa use bhool jaa
wo jo mil gaya use yaad rakh jo nahiN milaa use bhool jaa
wo mere naseeb ki baarisheN kisi aur chhat pe baras gaiN
dil-e-beKhabar meri baat sun use bhool jaa use bhool jaa
maiN to gum tha tere hi dhyaan meN tere aas tere gumaan meN
sabaa kah gai mere kaan meN mere paas aa use bhool jaa
na wo aaNkh hi teri aaNkh thi na wo khwaab hi tera khwaab tha
dil-e-muntazir to ye kis liye teraa jaagnaa use bhool jaa
ye jo raat din ka hai khel saa use dekh us pe yaqiN na kar
nahiN aks koi bhi mustaqil sar-e-aaina use bhool jaa
jo bisaat-e-jaaN hi ulaT gayaa wo jo raaste meN palaT gayaa
use rokne se husool kyaa use mat bulaa use bhool jaa