Kyu har pal bhalaa is dil pe yu vaar karte ho

[~¤Akash¤~]

Kyu kehte ho ki mujhse mohabbat nahi hai tumko,
Kyu dil ko mere tum beemaar karte ho,
Jo baat nigaahe keh rahi hai khud-b-khud,
Kyu usse labzo me tum inkaar karte ho.

Darte ho kis se,hai parwaah tumhe kiski,
Kis fikr me ye aalam bekaar karte ho,
Duniyaa to paraayi hai,ruswaa hi karegi,
Kyu uski khaatir khadi tum ye deewar karte ho.

Hai pyaar ka mausam yahaa,fizaaye bhi jawaan si,
Kyu dur se tum inkaa deedaar karte ho,
Gar mohabbat hai tumhe,keh kyu nahi dete,
Kyu tadpaate ho apne dil ko,laachaar karte ho.

Iqraar kar bhi lo ab,guzaarish hai meri tumse,
Kyu mere is dil ko beemar karte ho,
Mar kar bhi dikhaa denge tumhe,ek baar to keh do,
Kyu har pal bhalaa is dil pe yu vaar karte ho