Jab Doob Chuka Main Toh Samunder Thehar Gaya

[~¤Akash¤~]

Bigda Mera Naseeb Toh Sab Kuch Sanwar Gaya
Kaanton Pe Mein Gira Aur Zamana Guzar Gaya

Toofan Se Thak Ke Maine Patwaar Chhod Diya
Jab Doob Chuka Main Toh Samunder Thehar Gaya

Tukde Tere Wajood Ke Phaile The Mere Paas
Unko Sametne Me Mera Wajood Bikhar Gaya

Manzil Ko Dhundta Tha Musafir Yeh Kya Hua
Ek Rehguzar Pe Uska Safar bhi Bichhad Gaya

Dhalne Lagi Hai Raat Chalo So Jaao " ֶ
Mujhko Bhi Dhundhna Hai Mera Ghar Kidhar Gaya