Ik baar agar tum keh jaatay!

[~¤Akash¤~]

Saawan ki ghataa ghangor sahi
Hoti hai hava purzor sahi
Saahil chokhat per reh jaatay
Khaamosh leher bann beh jaatay
Ik baar agar tum keh jaatay

Jeevan ki kathaa mushkil mushkil
Saadaa lafzo'n mai'n keh jaatay
Tum keh daitay ik baar agar
Bann ker afsaanaa reh jaatay
Ik baar agar tum keh jaatay

Tum saath jo chaltay chaar qadam
Taqdeer tumhaari bann jaatay
Hum jeevan ki is dorr mai'n bhi
Dunyaa se peechhay reh jaatay
Ik baar agar tum keh jaatay

Garr aankh tumhaari namm hoti
Maskan apna aisaa kartay
Hum aankh ka kaajal ho jaatay
Bheegi palko'n se beh jaatay
Ik baar agar tum keh jaatay

Khaamosh kharay taktay tum ko
khaamosh zabaa'n se tum kehtay
Wo baat jo tum aksar Kehtay Kehtay thay reh jaatay
Ik baar agar tum keh jaatay!
Ik baar agar tum keh jaatay!