Dast-i-Taqdeer Ne Yun Naqsh Ubhara Mera

[rashidsahil]

Dast-i-Taqdeer Ne Yun Naqsh Ubhara Mera
Meri Palkon Pe Utaara Hai Sitara Mera

Payaar Se Dast Kashi Ka Nahi Yaara Mera
Uska Payaara Hun K Jo Shakhs Hai Payaara Mera

Wo Nahi Hai To Sar-i-Dasht-i-Tamanna Kis Ne
Us Ki Aawaz Me Phir Naam Pukara Mera

Rahein , Hathon Ki Lakiron Ki Tarha Roshan Hain
Uski Yaadein , Sar-i-Shab Me Sahara Mera

Me To Samjha Tha K Din Bhar Ki Rafaqat Ho Gi
Raat K Sath Gaya Subh Ka Taara Mera

Wo Samundar Hun Jo Mallahon Se Sharminda Hai
Itna Gehra Hun K Pataal , KinaraMera

Teer Seene Me Jo Utra To Lahu Q Na Baha ?
Imtehan Lene Chale Hain Wo Dobara Mera

Me K Fankaar Hun , Q Daad Na Deta Fun Ki
Dast-i-Qatil Ne Agar Zakhm Sanwara Mera
​

 

[#Jatt On Hunt]