kal shaam mujhay tanha dekha to bohat roya!!

[~¤Akash¤~]

dil ne teray baray main poocha to bohat roya
vo shaks jo pather tha, toota to bohat roya

ye dil ke judai ke unwaan pe bersoon se
chup tha to bohat chup tha, roya to bohat roya

ik harf tasalli ka__ ik lafz mohabbat ka
khud apnay liye us ne likha to bohat roya

pehlay bhi shikastoon per khai thi shikast us ne
lekin vo teray hathon hara to bohat roya

jo ehad nibhanay ki deta tha dua, us ne
kal shaam mujhay tanha dekha to bohat roya!!