ek behunar ek besabar main aur merii aavaaragi

[~¤Akash¤~]

Jab Humdam-o-Humraaz Thaa Tab Aur Hii Andaaz Tha

phirate hain kab se darbadar ab is nagar ab us nagar
ek duusare ke hamsafar main aur merii aavaaragii
naa aashanaa har rahguzar naa meharbaan hai ek nazar
jaayen to ab jaayen kidhar main aur merii aavaaragii

vo maah-e-vash vo maah-e-ruuh vo maah-e-kaamil huubahuu
thii.n jis kii baaten kuubakuu us se ajab thii guftaguu
phir yuun huaa vo kho gaii aur mujh ko zid sii ho gai
lay aayenge us ko Dhuund kar main aur merii aavaaragii

jab humdam-o-humraaz tha tab or hii andaaz tha
ab soz hai tab saaz thaa ab sharm hai tab naaz thaa
ab mujh se ho to ho bhii kyaa hai saath vo to vo bhii kyaa
ek behunar ek besabar main aur merii aavaaragi