ehsas magar juda juda tha, kal shab wo mila tha doston ko,

[~¤Akash¤~]

Wo dil ka bura, na bewafa tha,
bas mujhse yunhi bichar gaya tha,

Aik baar bichar k jab mila tha,
wo mujhse lipat k ro para tha,

wo chand ka humsafar tha shayad,
raaton ko tamam jagta tha,

kehne ko juda tha mujhse lekin,
wo meri ragon main goonjta tha,

yun dil main thi yaad us ki jaise,
masjid main charag jal raha tha,

us din mera dil B tha pareshan,
wo B mere dil se kuch khafa tha,

hum dono ka dukh tha aik jaisa,
ehsas magar juda juda tha,

kal shab wo mila tha doston ko,
kehte hain udaas lag raha tha,,,,