BaBBu
Prime VIP
ਤੂੰ ਪ੍ਰੀਤ ਨਗਰ ਦਾ ਵਾਸੀ ਹੈਂ, ਦੁਨੀਆਂ ਨੂੰ ਪ੍ਰੀਤ ਸਿਖਾਂਦਾ ਜਾ ।
ਪਾ ਡੋਰੇ ਪਿਆਰ ਮੁਹੱਬਤ ਦੇ ਹਰ ਇੱਕ ਨੂੰ ਮਸਤ ਬਣਾਂਦਾ ਜਾ ।
ਝਗੜੇ ਇਹ ਮੰਦਰ ਮਸਜਦ ਦੇ ਰਗੜੇ ਇਹ ਮਜ਼੍ਹਬ ਮਿੱਲਤ ਦੇ,
ਆਪੇ ਹੀ ਸਾਰੇ ਮੁੱਕ ਜਾਵਣ ਗਲਵਕੜੀ ਨਿੱਘੀ ਪਾਂਦਾ ਜਾ ।
ਜੋ ਦੂਈ ਦਵੈਤ 'ਚ ਬੱਝੇ ਨੇ ਉਹ ਇਕ ਮੁੱਠ ਹੋਣੋ ਡਰਦੇ ਨੇ,
ਉਠ ਉਠ ਕੇ ਜੱਫੀਆਂ ਪਏ ਪਾਸਣ ਤੂੰ ਵਿਛੜੇ ਇੰਜ ਮਿਲਾਂਦਾ ਜਾ ।
ਪੜ੍ਹਨਾ ਗੁੜ੍ਹਨਾ ਪਾਖੰਡ ਹੈ ਇੱਕ, ਮੁਰਦਾ ਦਿਲ ਭਗਤੀ ਨਿਹਫਲ ਹੈ,
ਖ਼ਲਕਤ 'ਚੋਂ ਖ਼ਾਲਕ ਮਿਲਦਾ ਹੈ, ਇਹ ਭੇਤ ਖੋਲ੍ਹ ਸਮਝਾਂਦਾ ਜਾ ।
ਜੋ ਆਪਣਾ ਆਪ ਵਿਸਾਰ ਚੁੱਕੇ ਕੀ ਹੱਕ ਉਨ੍ਹਾਂ ਨੂੰ ਜੀਣੇ ਦਾ,
ਬੁੱਤਾਂ ਨੂੰ ਬਿਸਮਿਲ ਕਰਦਾ ਜਾ, ਪੱਥਰ 'ਚੋਂ ਪੀੜ ਜਗਾਂਦਾ ਜਾ ।
ਪਰਨਿੰਦਾ ਜਿਹੜੇ ਕਰਦੇ ਨੇ ਪਏ ਵਿਚ ਤਅੱਸੁਬ ਸੜਦੇ ਨੇ,
ਪਾ ਪ੍ਰੀਤ ਦੇ ਮਾਰਗ ਉਹਨਾਂ ਨੂੰ, ਸਭ ਵੈਰ ਵਿਰੋਧ ਮਿਟਾਂਦਾ ਜਾ ।
ਧਿਰਕਾਰ ਤਿਨ੍ਹਾਂ ਦੇ ਜੀਵਨ ਨੂੰ ਦੁਖੀਆਂ ਦੇ ਜਿਹੜੇ ਦਰਦੀ ਨਹੀਂ,
ਕਿੰਝ ਲੋਕਾਂ ਖ਼ਾਤਰ ਜੂਝੀਦਾ, ਇਹ ਜੀਵਨ-ਜਾਚ ਸਿਖਾਂਦਾ ਜਾ ।
ਪਾ ਡੋਰੇ ਪਿਆਰ ਮੁਹੱਬਤ ਦੇ ਹਰ ਇੱਕ ਨੂੰ ਮਸਤ ਬਣਾਂਦਾ ਜਾ ।
ਝਗੜੇ ਇਹ ਮੰਦਰ ਮਸਜਦ ਦੇ ਰਗੜੇ ਇਹ ਮਜ਼੍ਹਬ ਮਿੱਲਤ ਦੇ,
ਆਪੇ ਹੀ ਸਾਰੇ ਮੁੱਕ ਜਾਵਣ ਗਲਵਕੜੀ ਨਿੱਘੀ ਪਾਂਦਾ ਜਾ ।
ਜੋ ਦੂਈ ਦਵੈਤ 'ਚ ਬੱਝੇ ਨੇ ਉਹ ਇਕ ਮੁੱਠ ਹੋਣੋ ਡਰਦੇ ਨੇ,
ਉਠ ਉਠ ਕੇ ਜੱਫੀਆਂ ਪਏ ਪਾਸਣ ਤੂੰ ਵਿਛੜੇ ਇੰਜ ਮਿਲਾਂਦਾ ਜਾ ।
ਪੜ੍ਹਨਾ ਗੁੜ੍ਹਨਾ ਪਾਖੰਡ ਹੈ ਇੱਕ, ਮੁਰਦਾ ਦਿਲ ਭਗਤੀ ਨਿਹਫਲ ਹੈ,
ਖ਼ਲਕਤ 'ਚੋਂ ਖ਼ਾਲਕ ਮਿਲਦਾ ਹੈ, ਇਹ ਭੇਤ ਖੋਲ੍ਹ ਸਮਝਾਂਦਾ ਜਾ ।
ਜੋ ਆਪਣਾ ਆਪ ਵਿਸਾਰ ਚੁੱਕੇ ਕੀ ਹੱਕ ਉਨ੍ਹਾਂ ਨੂੰ ਜੀਣੇ ਦਾ,
ਬੁੱਤਾਂ ਨੂੰ ਬਿਸਮਿਲ ਕਰਦਾ ਜਾ, ਪੱਥਰ 'ਚੋਂ ਪੀੜ ਜਗਾਂਦਾ ਜਾ ।
ਪਰਨਿੰਦਾ ਜਿਹੜੇ ਕਰਦੇ ਨੇ ਪਏ ਵਿਚ ਤਅੱਸੁਬ ਸੜਦੇ ਨੇ,
ਪਾ ਪ੍ਰੀਤ ਦੇ ਮਾਰਗ ਉਹਨਾਂ ਨੂੰ, ਸਭ ਵੈਰ ਵਿਰੋਧ ਮਿਟਾਂਦਾ ਜਾ ।
ਧਿਰਕਾਰ ਤਿਨ੍ਹਾਂ ਦੇ ਜੀਵਨ ਨੂੰ ਦੁਖੀਆਂ ਦੇ ਜਿਹੜੇ ਦਰਦੀ ਨਹੀਂ,
ਕਿੰਝ ਲੋਕਾਂ ਖ਼ਾਤਰ ਜੂਝੀਦਾ, ਇਹ ਜੀਵਨ-ਜਾਚ ਸਿਖਾਂਦਾ ਜਾ ।
