or phir bhi main shareek tere kahkahon mein hoon...!

tere kareeb aa kar badi uljhanon mein hoon
main dushmano mein hoon ke tere dosto mein hoon

mujh se garezpaa hai to phir raasta badal
main sang-e-raah hoon to kabhi raasto mein hoon

tu aa chuka hai satah par kab se khabar nahi
bedard main abhi unhi gehraayion mein hoon

ae yaar khush-dayaar tujhe kya khabar ke main
kab se udaasiyon ke ghaney jungalon mein hoon

tu loot kar bhi ahl-e-tamanna ko khush nahi
main lut ke bhi wafaa ke unhi kaafilon mein hoon

badla na mere baad bhi mozu-e-guftagoo
main jaa chuka hoon phir bhi teri mehfilon mein hoon

muhj se bichad kar tu bhi royega umr bhar
ye soch le ke main bhi teri khwaahishon mein hoon

tu hans raha hai muhj pe mera haal dekh kar
or phir bhi main shareek tere kahkahon mein hoon...!