Woh Meri Sahar Ka Phool Tha Jo Khila Tha Kisi Ki Shaam Main

[~¤Akash¤~]

Woh Meri Sahar Ka Phool Tha
Jo Khila Tha Kisi Ki Shaam Main

Zehan Main Aaya Hi K Lab Muskara Uthey
Kuch Asar Ajab Tha Uss Naam Main

Gaye Her Kaam Se Jo Naam Us K Huye
Din Gaye Jab Masroof They Apney Kaam Main

Sayyaad Aaj Bazi Maar Hi Gaya
Panchhi Shayad Aa Gaya Daam Main

Nigaah Ab Kisi Per Thehrey Bhi Kaisey
Ik Wohi Khaas Tha Dunyaa-E-Aam Main

Intizar, Kuch Intizar, Bus Kuch Intizar
Pukhtagi Phir Nikalti Hai Khaam Main

Her Nasha Bemaza Se Bhi Bemaza Lagey
Ik Alag Hi Maza Hai Ishq K Jaam Main

Her Sannnata Ussi Ki Baazgasht Sunaye
Kuch Is Tarah Chha Gaya Woh Dar-O-Bam Main

Us K Dil Ki Dharkan Se Bhi Rahoon Baakhabar
Rehti Hai Kaifiat Kuch Is Tarah Ilhaam Main

Haya..!