Urdu Poetry only.

Ae Naye Saal Bata Tujh Mein Niya Kia Hai?
Har Taraf Khalq Nay Kiun Shor Macha Rakha Hai

Roshni Din Ki Wohi Taron Bhari Raat Wohi
Aaj Hum Ko Nazar Aati Hai Har Baat Wohi

Aasman Badla Hai Afsoos, Na Badli Hai Zameen
Aik Hindsay Ka Badalna Koi Jiddat To Nahi

Aglay Barson Ki Tarah Hongay Qareenay Teray
Kisay Maloom Nahi Barah Mahinay Teray

Junuary, February Or March Mein Paray Sardee
Or April, May, June Mein Hogee Garmee

Tera Mun Dehar Mein Kuch Khoye Ga Kuch Paye Ga
Apni Miyad Basar Karkay Chala Jaye Ga

Tu Naya Hai To Dikha Subah Nayi, Shaam Nayi
Warna In Aankhon Nay Dekhay Hain Naye Saal Kayi

Be-Sabab Daitay Hain Kiun Log Mubarakbadain
Ghaliban Bhool Gaye Waqt Ki Karwi Yaadain

Teri Aamad Say Ghati Umer, Jahan Mein Sub Ki
Faiz Nay Likhi Hai Yeh Nazam Niralay Dhab Ki…


By unknown
 
Banke ik saaya wo meri zindagi me aaya!

Na jaane kaun, aaya kaha se thaa ? ........

Aahat Se Uski Mujhe Hone Lagi Thi Wahshat,

Par woh mujh ko Paigham-e-mohabbat De Gaya Tha !

Dil mein uthi Tadap, us ki Sakhawat dili ki wajah se,

Aur aisa nasha hua, jo ki jaavedaa tha!

Us ke aane say jo is dil main roshni hui hai ab

Warna to is dil mein koi taara bhi na chamka tha

Dekha Jab sab ne , meri aankho main us ka chehra,

Sab ko laga aaj who mujhey apney dulhan bana gaya tha!


Written By Sana Ahmad
 
Woh Milta tha Roz hanste hoe hum se
Aarzoo-e-Dil ko Chupa kar hum se

Barso Se Bunta Tha Sapno Ko Palkoon Pe
Par Kahayalo Mein Khe Jata, Hum Se

OOs ki Hichkichaahat the Rokaawat
Par Itebaar Buland The Hum Se

Dil-shaad kar gai uski mahabbat mujhko
Raha Nahi gaya kuch bole bagir humse

Nigaho mein basa Liya us farishta Ko
Aur Keh deya, jo tawaqqo the uski, humse

Written By Sana Ahmad
 
mujhe hai ek gila tumse
shikayat bhi hai shikwah bhi
mujhe kyu yaad aate ho
kyu mujh ko yu satate ho
mujhe kyu tum tarsate ho
tarsake kyu rulate ho
ye duri kyu majburi kyu
zindagi yu adhoori kyu
kyu mujh ko bhool jaate ho
rulake muskurate ho
ye kaisi teri chahat hai
ye akhir kaisi muhabbat hai
jijhak kyu hai hichak kyu hai
sisak kyu hai kasak kyu hai
mujhe tumse shikayat hai
yehi meri shikayat hai

by :dn
 
Mere Jaan-O-Dil Mere Humsafar
Main Udass Hun Koi Bat Kar

Tere Lab Hilen To Kate Safar
Main Udas Hun Koi Baat Kar

Koi Boojh Hai To Utaar De
Koi Khoof Hai To Nikaal De

Mera Haath Hai Tere Hath Par
Main Udaass Hun Koi Baat Kar

Nahin Yaad Kitne Baras Gye
Teri Guftgu Ko Taras Gye

Meri Khirkiyan Mere Dr-O-Deewar
Main Udaas Hun Koi Bat Kar

Tujhe Chup Hai Kesi Lagi Hui
Abhi Umar To Hai Padi Hui

Abhi Muskura Abhi Gham Na Kar
Main Udaas Hun Koi Bat Kar!!
 
Top