Tum meray sath zara waqt bitao to sahi

~¤Akash¤~

Prime VIP
Rukh-e-roshan say naqab apnay hatao to sahi

pyas in meri nigahon ki bhujao to sahi


beth bhi jao ghari bhar k liye sath meray

kuch suno meri aur kuch apni sunao to sahi


janta hun tumhain duniya nay buht zakhm diye

dil k yae zakhm zara mujh ko dikhao to sahi


din to hamgama-e-duniya mai guzar jata hai

bin meray kaisay katti raat batao to sahi


yaad hain tum ko milan k woh sabhi qoul-o-qarrar ?

Aaj moqa hai koi wadda nibhao to sahi


waqt darkaar hai "asim" ko samajhnay k liye

tum meray sath zara waqt bitao to sahi
 
Top