saalon bad na jane kyon wo chehra phir se yaad aata hai

[~¤Akash¤~]

saalon bad na jane kyon
wo chehra phir se yaad aata hai
pas nahi hai phir bhi
dil ke pas hone ka ehsas de jata hai

salon bad na jane kyon wo aankho ki kashish
dil pe dastaq de jati hai
dil chahta hai choom loon un aankho ko
par un tak ba soch hi pahunch paati hai

saalon bad na jane kyon wo bheege honth
chupke se kaano me kuch kah jate hain
ham kahna to chahen bahut kuch par
unki badnami ke dar se chup rah jaate hain

saalon bad na jane kyon wo haath
apni or chale aane ka ishara karte hain
kyon saalon bad wo pairo ke nishan
saath chalne ka wada karte hain

aaj saalon bad phir wo husn ka bholapan
dil pe chot kar raha hai
shayad isilie saalon bad ye dil
tanhaiyon me shayari kar raha hai.