Poetry - Debi Makhsoospuri

Jaswinder Singh Baidwan

Akhran da mureed
Staff member
ਲੂਣਾ ਮਹਿਲੀ ਪਈ ਕੁਰਲਾਵੇ, ਉਹਦੀ ਪੇਸ਼ ਕੋਈ ਨਾ ਜਾਵੇ,
ਕਿਹੜਾ ਰਾਜੇ ਨੂੰ ਸਮਝਾਂਵੇ, ਹੀਰੇ ਚੱਟੇ ਜਾਂਦੇ ਨਹੀਂ,
ਸੋਨੇ ਚਾਂਦੀ ਨਾਲ ਇਹ ਜੀਵਨ, ਕੱਟੇ ਜਾਂਦੇ ਨਹੀਂ,


ਲੂਣਾ ਆਖੇ ਦਰਦ ਕਹਾਣੀ ਮੇਰੀ ਕੰਜ਼ਕ ਉਮਰ ਨਿਆਣੀ,
ਮੇਰਾ ਕੰਤ ਪਿਉ ਦਾ ਹਾਣੀ ਕੀਨੂੰ ਦਰਵ ਸੁਣਾਵਾਂ ਨੀ,
ਜੜ੍ਹ ਤੋਂ ਸੁੱਕਾ ਰੁੱਖ ਕਰੁ ਮੈਨੂੰ ਕੀ ਛਾਵਾਂ ਨੀ,


ਮੇਰਾ ਹੋ ਗਿਆ ਬਾਪ ਅਧਰਮੀ, ਜਿਹਦੇ ਘਰ ਮੈਂ ਲੋਕੋ ਜਨਮੀ,
ਡਾਢੇ ਦੁਸ਼ਮਣ ਵਾਲੀ ਕਰਨੀ, ਕਰ ਉਹ ਮੇਰੇ ਨਾਲ ਗਿਆ,
ਆਟੇ ਦਾਣੇ ਖਾਤਿਰ ਪਿਉ ਤੋਂ ਬਣ ਦਲਾਲ ਗਿਆ,




ਇਹ ਜੋ ਬਣਦੇ ਮਰਦ ਸਿਆਣੇ, ਸਾਰੇ ਔਰਤ ਮੂਹਰੇ ਕਾਣੇਂ,
ਹਰ ਕੋਈ ਨਾਰ ਮੁਲਖ ਦੀ ਜਾਣੇ ਕਿਹੜੇ ਚੰਦ ਚੜ੍ਹਾਉਂਦੇ ਨੇ,
ਔਰਤ ਕੁੱਖੋਂ ਜੰਮੇ ਔਰਤ ਦਾ ਮੁੱਲ ਪਾਉਂਦੇ ਨੇ,



ਜਿਹੜਾ ਪੂਰਨ ਭੌਰੇ ਪਾਇਆ ਦੇਬੀ ਦਿੱਤੇ ਰੂਪ ਸਵਾਇਆ,
ਉਹ ਮਖ਼ਸੂਸਪੁਰੀ ਜਦ ਆਈਆ ਉਹਨੂੰ ਕੀਲ ਬਠਾ ਲਉਂਗੀ,
ਜੋੜ ਨਾ ਬਣਿਆ ਮਾਪਿਆਂ ਤੋਂ ਮੈਂ ਆਪ ਬਣਾ ਲਉਂਗੀ,
 

Jaswinder Singh Baidwan

Akhran da mureed
Staff member
ਇੱਕ ਸੁਭਾਂ ਨੂੰ ਫੇਰਾ ਪਾਇਆ ਕਰ, ਸ਼ਾਮੀ ਨਾ ਸ਼ੱਤ ਤੇ ਆਇਆ ਕਰ,
ਹਨੇਰੇ ਸਭ ਸਾਡੇ ਨਾਮ ਹੋਏ ਤੂੰ ਚੰਨ ਦੀਆਂ ਬਾਤ੍ਹਾਂ ਪਾਇਆ ਕਰ,
ਹਰ ਸੋਹਣੀ ਛੈ ਦੀ ਮਾਲਕ ਤੂੰ ਨੀ ਕੁੱਝ ਰੋਬ੍ਹ ਜਿਹਾ ਵੀ ਰੱਖਿਆ ਕਰ,
ਰੋਣੇ ਨੂੰ ਅਸੀਂ ਬਥੇਰੇ ਆ ਤੂੰ ਜਿਉਂਣ ਜੋਗੀਏ ਹੱਸਿਆ ਕਰ,
ਦਿਨ ਢੱਲਦਾ ਸਾਨੂੰ ਵੇਖਣ ਦੇ ਤੂੰ ਚੱੜ੍ਹਦਾ ਸੂਰਜ ਤੱਕਿਆ ਕਰ,
ਰੋਣੇ ਨੂੰ ਅਸੀਂ ਬਥੇਰੇ ਆ ਤੂੰ ਜਿਉਂਣ ਜੋਗੀਏ ਹੱਸਿਆ ਕਰ,
 

Jaswinder Singh Baidwan

Akhran da mureed
Staff member
ਸੱਚ ਕਹਾਂ ਮੈਂ ਝੂਠ ਨਾ ਜਾਣੀ, ਗੱਲਾਂ ਨੇ ਅਖ਼ਬਾਰ ਦੀਆਂ,
ਇੱਕ ਕੁੜੀ ਦੀਆਂ ਅੱਖੀਆਂ ਡਾਕੇ ਮਾਰਦੀਆਂ,

ਹੁਸਨ ਰੋਕਦਾ ਜਾਂਦੇ ਰਾਹੀ ਬੁਲ੍ਹੀਆਂ ਕਹਿਰ ਗੁਜ਼ਾਰ ਦੀਆਂ,
ਇੱਕ ਕੁੜੀ ਦੀਆਂ ਅੱਖੀਆਂ ਡਾਕੇ ਮਾਰਦੀਆਂ,

ਕਿਸੇ ਨੂੰ ਲੈ ਕਿ ਬੁੱਕਲ ਦੇ ਵਿੱਚ ਕਰ ਸ਼ੱਡਿਆ ਕੰਗਾਲ ਜਿਹਾ,
ਕਰ ਕੇ ਸ਼ੱਡਿਆ ਕਿਸੇ ਕਿਸੇ ਦਾ ਰਾਂਝੇ ਵਰਗਾ ਹਾਲ ਜਿਹਾ,
ਮਿੱਠੀਆਂ ਗੱਲਾਂ ਪਿਆਰ ਪਲੇਚੇ ਚਾਲਾਂ ਨੇ ਮੁਟਿਆਰ ਦੀਆਂ,
ਇੱਕ ਕੁੜੀ ਦੀਆਂ ਅੱਖੀਆਂ ਡਾਕੇ ਮਾਰਦੀਆਂ,

ਕੱਲ ਮੁਕੱਲੇ ਆਉਂਦੇ ਜਾਂਦੇ ਵੇਖ ਕੇ ਕਿਸੇ ਕੁਵਾਰੇ ਨੂੰ,
ਸੱਭਲਣ ਤੋਂ ਪਹਿਲਾਂ ਪਹਿਲਾਂ ਹੀ ਲੈਂਦੀਆਂ ਲੁੱਟ ਵਿਚਾਰੇ ਨੂੰ,
ਜਾਲ 'ਚ ਪੰਛੀ ਖੁਦ ਫੱਸ ਜਾਂਦੇ ਐਸਾ ਚੋਗ ਖਿਲਾਰ ਦੀਆਂ,
ਇੱਕ ਕੁੜੀ ਦੀਆਂ ਅੱਖੀਆਂ ਡਾਕੇ ਮਾਰਦੀਆਂ,

ਲਾ ਕੇ ਵੇਖਣ ਨੀਝ ਕਿਤੇ ਤਾਂ ਕਰ ਦੇਵਣ ਬੇ-ਹੋਸ਼ ਜਿਹਾ,
ਲਾਲ ਦਿਦਾਸਾ ਬੁੱਲ੍ਹੀਆਂ ਦਾ ਨਾ ਸ਼ੱਡਦਾ ਤਨ ਵਿੱਚ ਜੋਸ਼ ਜਿਹਾ,
ਪੁਲਿਸ ਵੀ ਡਰਦੀ ਕੋਲ ਨਾ ਆਉਂਦੀ ਜਦ ਇਹ ਖੱਲ ਉਤਾਰ ਦੀਆਂ,
ਇੱਕ ਕੁੜੀ ਦੀਆਂ ਅੱਖੀਆਂ ਡਾਕੇ ਮਾਰਦੀਆਂ,

ਇੱਕ ਦਿਨ **ਸਾਜ਼ਨ ਰਾਏਕੋਟੀ** ਵੀ ਇਹਨਾਂ ਦੋਹਾਂ ਨੂੰ ਟੱਕਰ ਗਿਆ,
ਚੰਗਾ ਭੱਲਾ ਸੀ ਪੜ੍ਹਿਆ ਲਿਖਿਆ ਬੇ-ਅਕਲਾ ਖਾ ਚੱਕਰ ਗਿਆ,
ਹੁਣ ਗੱਲਾ ਕਰਦਾ ਬੇ-ਮਤਲਬ , ਬੇ-ਤੁਕੀਆਂ, ਬੇ-ਕਾਰ ਦੀਆ,
ਇੱਕ ਕੁੜੀ ਦੀਆਂ ਅੱਖੀਆਂ ਡਾਕੇ ਮਾਰਦੀਆਂ,
 

Jaswinder Singh Baidwan

Akhran da mureed
Staff member
ਜਦ ਵੀ ਨਾਰ ਅਜ਼ਾਦੀ ਨੇ ਲਹੂ ਮੰਗਿਆ
ਦਿਤਾ ਸਿੰਘਾਂ ਨੇ ਕਦੋਂ ਜਵਾਬ ਦੱਸੋਂ
ਜਦ ਵੀ ਹਿੰਦ ਨੇ ਮੋਰਚਾ ਕਿਤੇ ਲਾਇਆ
ਕਿਥੇ ਬਹੁੜਿਆ ਨਹੀ ਪੰਜਾਬ ਦੱਸੋਂ
ਗਿਣਤੀ ਸਾਡੀ ਏ ੧੦੦ 'ਚੋਂ ੨ ਬਣਦੀ
ਵਾਰ ਵਾਰ ਨਾ ਸਾਨੂੰ ਜਨਾਬ ਦੱਸੋਂ
ਸਿੰਘ ਖਾਤਰ ਅਜ਼ਾਦੀ ਦੇ ਮੋਏ ਕਿਨੇਂ
ਕਰਕੇ ਲੋਥਾਂ ਦਾ ਜਰਾ ਹਿਸਾਬ ਦੱਸੋਂ
 

Jaswinder Singh Baidwan

Akhran da mureed
Staff member
ਜਰਾਂ ਇਟਰਨੈਂਟ ਚਲਾਂ ਕੇ ਗਾਣਾਂ ਸੁਣ ਮਿੱਤਰਾਂ ਦਾ
ਜਰਾਂ ਯੂ-ਟਿਊਬ ਤੇ ਜਾ ਕੇ ਨੀ ਗਾਣਾਂ ਸੁਣ ਮਿੱਤਰਾਂ ਦਾ
ਪਾਨ ਮਸਾਲਾਂ ਖਾਂ ਕੇ ਨੀ ਗਾਣਾਂ ਸੁਣ ਮਿੱਤਰਾਂ ਦਾ
ਰੁਮੈਟਿਕ ਮੂਡ ਬਣਾ ਕੇ ਗਾਣਾਂ ਸੁਣ ਮਿੱਤਰਾਂ ਦਾ
ਗੱਲ ਜਦੋਂ ਸਿਰੇ ਚੱੜੇ ਗਾਣਾਂ ਬਣਦਾ ,
ਗੱਲ ਆਪਣੇ ਉੱਤੇ ਲਾ ਕੇ ਨੀ ਗਾਣਾਂ ਸੁਣ ਮਿਤਰਾਂ ਦਾ ,
ਜਰਾਂ ਯੂ-ਟਿਊਬ ਤੇ ਜਾ ਕੇ ਨੀ ਗਾਣਾਂ ਸੁਣ ਮਿੱਤਰਾਂ ਦਾ
****ਦੇਬੀ**** ਹੋਣਾ ਸਾਰਿਆਂ ਨੇ ਸ਼ਿੱਟ - ਸ਼ਿੱਟ ਲਾਈ ,
ਹੈਡੀ ਕੈਮਰੇ ਦੇ ਨਾਲ ਮੂਵੀ ਹੈ ਬਣਾਈ ,
ਨਾਲੇ ਮੂਹ ਨਾਲ ਢੋਲਕੀ ਵਜਾਂ ਕੇ ਨੀ ਗਾਣਾਂ ਸੁਣ ਮਿੱਤਰਾਂ ਦਾ
ਜਰਾਂ ਯੂ-ਟਿਊਬ ਤੇ ਜਾ ਕੇ ਨੀ ਗਾਣਾਂ ਸੁਣ ਮਿੱਤਰਾਂ ਦਾ
 

Jaswinder Singh Baidwan

Akhran da mureed
Staff member
ਸਿਰਨਾਵੇਂ ਰਹਿ ਗਏ ਯਾਦਾਂ ਦੇ
ਰੱਬਾ ਸੱਜਣ ਜੋ ਤੁਰ ਦੂਰ ਗਏ
ਅੱਖਾਂ ਵਿੱਚ ਨਾ ਅੱਥਰੂ ਸੀ
ਨਾ ਪੀੜ ਜੁਦਾਈ ਦੀ
ਫ਼ਿਰ ਕਿਹੜੀ ਗੱਲੋਂ ਆਖ ਗਏ
ਕਿ ਉਹ ਹੋ ਮਜਬੂਰ ਗਏ
ਅਹਿਸਾਨ ਜਾਂਦੇ ਹੋਏ ਉਹ ਕਰ ਗਏ
ਦੇ ਗਏ ਸਾਂਝ ਕੁਝ ਸ਼ਬਦਾਂ ਦੀ
ਉਹਨਾਂ ਸ਼ਬਦਾਂ ਦੇ ਬਣੇ ਹਰਫ਼ਾਂ ਸਦਕੇ
'ਦੇਬੀ' ਵਰਗੇ ਹੋ ਮਸ਼ਹੂਰ ਗਏ.
 

Jaswinder Singh Baidwan

Akhran da mureed
Staff member
ਜੀਨੂੰ ਗੁੱਸਾ ਨਹੀਂ ਆਉਂਦਾ ਉਹ 'ਮਰਦ' ਨਹੀਂਓ,
ਜੀਨੂੰ ਲਾਜ਼ ਨਾ ਆਵੇਂ ਉਹ 'ਨਾਰ' ਹੈ ਨਹੀਂ ,

ਵੇ ਜਿਸ ਤੋਂ ਡਰ ਨਾ ਲੱਗੇ ਉਹ 'ਪੁਲਿਸ' ਨਹੀਂਓ,
ਜਿਹੜੀ ਸਖ਼ਤ ਨਾ ਹੋਵੇ ਉਹ 'ਸਰਕਾਰ' ਹੈ ਨਹੀਂ,

'ਆਸ਼ਕ' ਉਹ ਕਾਹਦਾ ਜੀਨੂੰ ਸਬਰ ਨਹੀਂਉ,
ਕੀ 'ਮਾਸ਼ੂਕ' ਹੈ ਜੋ ਵਫ਼ਾਦਾਰ ਹੈ ਨਹੀਂ,

ਜਿਹੜਾ ਕਰੇ ਖ਼ੜਾਕਾ ਉਹ ‘ਚੋਰ’ ਕਾਹਦਾ,
ਸੌਵੇਂ ਪਹਿਰੇ ਤੇ ਜੋ ‘ਚੌਂਕੀਦਾਰ’ ਹੈ ਨਹੀਂ,

ਠੀਕ ਰਾਹ ਨਾ ਦੱਸੇ ਉਹ ‘ਗੁਰੂ’ ਨਹੀਂਓ,
ਉਹ ‘ਚੇਲਾ’ ਕੀ ਜਿਸ ਨੂੰ ਇਤਬਾਰ ਹੈ ਨਹੀਂ,

ਗਲਤੀ ਮੁਆਫ਼ ਨਾ ਕਰੇ ਉਹ ‘ਰੱਬ’ ਕਾਹਦਾ ,
ਉਹ ‘ਬੰਦਾ’ ਨਹੀਂ ਜੋ ਗੁਣਾ ਗਾਰ ਹੈ ਨਹੀਂ,
 

Jaswinder Singh Baidwan

Akhran da mureed
Staff member
ਮੇਰੇ ਗੂੜ੍ਹੇ ਮਹਿਰਮ ਯਾਰ ਪਿਆਰੇ ਭਰਾਂਵਾਂ ਵਰਗੇ ,
ਉਹ ਡਿਗਦਿਆ ਦੇ ਸਹਾਰੇ ਬਾਵਾਂ ਵਰਗੇ ,
ਸੀਨੇਂ ਦੇ ਵਿੱਚ ਵੱਸਦੇ ਸ੍ਹਾਵਾਂ ਵਰਗੇ ,
ਮੰਗੀਆਂ ਸੱਚੇ ਦਿਲੋਂ ਦੁਵਾਵਾਂ ਵਰਗੇ ,
ਸੁਰ ਵਿੱਚ ਭਿਜ ਕੇ ਲਾਈ ਹੇਕ ਜਹੇ ਨੇ ,
ਲਾਡ - ਲਾਡ ਵਿੱਚ ਰੱਖੇ ਨਾਂਵਾਂ ਵਰਗੇ ,
ਫੁੱਲਾਂ ਉੱਤੇ ਪਈ ਤਰੇਲ ਦੇ ਕਤਰੇ ,
ਤੱਪਦੇ ਹਾੜ੍ਹ 'ਚ ਠੰਡੀਆਂ ਛਾਵਾਂ ਵਰਗੇ ,
ਪਹਿਲੇ ਪਿਆਰ ਦੀ ਪਹਿਲੀ ਤੱਕਣੀ ਵਰਗੇ ,
ਪਹਿਲੀ ਹੀ ਮੁਲਾਕਾਤ ਦੇ ਚਾਂਵਾਂ ਵਰਗੇ ,
****ਦੇਬੀ**** ਦੇ ਖਿਲਾਫ ਜਮਾਨਾਂ ਭਾਵੇਂ ,
ਇਹ ਹੱਕ ਵਿੱਚ ਵੱਗਦੇ ਰਹਿਣ ਹਵਾਵਾਂ ਵਰਗੇ
 

Jaswinder Singh Baidwan

Akhran da mureed
Staff member
ਪੁੱਤਾਂ ਨਾਲ ਵਿਹੜਿਆਂ 'ਚ ਰੌਣਕਾਂ ਪੁੱਤਾਂ ਬਿਨ ਮਾਵਾਂ ਕਿਸ ਹਾਲ ਦੀਆਂ,
ਸਾਰਿਆਂ ਨੂੰ ਦੇਵੀ ਰੱਬਾ ਮੇਰਿਆ ਕੋਈ ਨੇਮਤਾਂ ਨਹੀਂ ਪੁੱਤਰਾਂ ਦੇ ਨਾਲ ਦੀਆਂ,

ਪੁੱਤ ਜੰਮਦੇ ਕਹਿੰਦੇ ਗੱਬਰੂ ਪੁੱਤ ਜੰਮਦੇ ਕਰਨ ਕਮਾਈ,
ਪੁੱਤਰਾਂ ਬਿੰਨ ਨਾ ਨਹੀਂ ਰਹਿੰਦਾ ਨਾ ਜਾਂਦੀ ਕੁਲ ਜਲਾਈ,
ਮਾਪਿਆਂ ਨੂੰ ਬਣ ਕੇ ਡੰਗੋਰੀਆਂ ਪੁੱਤਾਂ ਦੀਆਂ ਬਾਵ੍ਹਾਂ ਹੀ ਸਭਾਲ ਦੀਆਂ,
ਸਾਰਿਆਂ ਨੂੰ ਦੇਵੀ ਰੱਬਾ ਮੇਰਿਆ ਕੋਈ ਨੇਮਤਾਂ ਨਹੀਂ ਪੁੱਤਰਾਂ ਦੇ ਨਾਲ ਦੀਆਂ,

ਪੁੱਤਰਾਂ ਦੇ ਬਾਝੋਂ ਮਾਵਾਂ ਜਿਵੇਂ ਫੁੱਲਾਂ ਦੇ ਬਿੰਨ ਵੇਲਾਂ,
ਨਾ ਪੁੱਤ ਜੀਨਾਂ ਦੇ ਵਿਹੜੇ ਘਰ ਲੱਗਦੇ ਵਾਂਗੂੰ ਜੇਲ੍ਹਾਂ,
ਕਿੱਥੇ ਕਿੱਥੇ ਪੈਦੇ ਮੱਥੇ ਟੇਕਣੇ ਮਾਵਾਂ ਕੰਬਰੀ ਮਸਾਣੀ ਪੁੱਤ ਭਾਲ ਦੀਆਂ,
ਸਾਰਿਆਂ ਨੂੰ ਦੇਵੀ ਰੱਬਾ ਮੇਰਿਆ ਕੋਈ ਨੇਮਤਾਂ ਨਹੀਂ ਪੁੱਤਰਾਂ ਦੇ ਨਾਲ ਦੀਆਂ,

ਧੀ ਆਪਣੇ ਥਾਵੇਂ **ਦੇਬੀ** ਪੁੱਤਾਂ ਬਿੰਨ ਦਿਲ ਨਾ ਥੱਮੇ,
ਹਰ ਪਾਸਿਉਂ ਮਿਲਣ ਵਧਾਈਆਂ ਜਿਹੜੇ ਘਰ ਪੁੱਤਰ ਜੰਮੇ,
ਲੋਹੜੀ ਵੀ ਉਹਨਾਂ ਨੂੰ ਚੰਗੀ ਲੱਗਦੀ,
ਦੀਵੇ ਪੁੱਤਰਾਂ ਦੇ ਨਾਮ ਦੇ ਜੋ ਬਾਲ ਦੀਆਂ,
ਇਸ ਦਾ ਮਤਬਲ ਕੇ ਰੱਬ ਦੀ ਹੋਂਦ ਖਤਮ ਨਹੀਂ ਹੋਈ ਅਜੇ
 

Jaswinder Singh Baidwan

Akhran da mureed
Staff member
ਮੇਰੀ ਅਰਜ਼ ਤੇਰੇ ਅੱਗੇ ਦੇਵੀ ਵਰ ਮੇਰੇ ਮੌਲਾ ,
ਤੇਰਾ ਨਾਮ ਨਾ ਵਿਸਰੇ ਨਾ ਤੇਰਾ ਦਰ ਮੇਰੇ ਮੌਲਾ,
ਧਰਤੀ ਦੇ ਬਛਿੱਦਿਆਂ ਨੂੰ ਜਲ ਦੀ ਕਮੀ ਨਾ ਆਵੇ,
ਸਭ ਦੇ ਚੁੱਲਿਆਂ ਵਿੱਚ ਅੱਗਨੀ ਬਲਦੀ ਕਰ ਮੇਰੇ ਮੌਲਾ,
ਮੈਨੂੰ ਸ਼ਾਇਰੀ ਦਾ ਵਰ ਦੇਈ ਸੁਰ ਦਾ ਗਿਆਨ ਦੇਈ,
ਸਿਰ ਤੇ ਤਾਜ ਤੂੰ ਫਨਕਾਰ ਵਾਲਾ ਧਰ ਮੇਰੇ ਮੌਲਾ,
ਕਿਸੇ ਦਾ ਦੁੱਖ ਸਮਝਾਂ ਆਪਣਾ ਐਨੀ ਤੌਫੀਕ ਦੇਈ,
ਆਪਣੀ ਖ਼ੁਸ਼ੀ ਕਿਸੇ ਨਾਮ ਸਕਾਂ ਕਰ ਮੇਰੇ ਮੌਲਾ,
ਗਮਾਂ ਦੀ ਰਕਮ ਨਾ ਮੁੱਕੇ ਬੰਦੋਬਸਤ ਕਰ ਐਸਾ,
ਬਾਜ਼ੀ ਇਸ਼ਕ ਦੀ ਖੇਡਾਂ ਤੇ ਜਾਂਵਾ ਹਰ ਮੇਰੇ ਮੌਲਾ,
ਜੀਅ ਤੰਦਰੁਸਤ ਰਹਿਣ, ਉਹ ਰਹੇ ਤੁਫਾਨ ਵਿੱਚ ਸਾਬਤ,
ਤਿੜਕੇ ਹਸ਼ਰ ਤੱਕ ਨਾ ਐਸਾ ਰੱਖੀ ਘਰ ਮੇਰੇ ਮੌਲਾ,
ਅੱੜ ਜਾਵਾਂ ਜੁਲਮ ਅੱਗੇ ਐਨੀ ਜੁਰਤ ਤੂੰ ਦੇਵੀ,
ਲੱਗੇ ਤਾਂ ਸਿਰਫ ਤੈਥੋਂ ਹੀ ਲੱਗੇ ਡਰ ਮੇਰੇ ਮੌਲਾ,
**ਦੇਬੀ** ਉੱਤੇ ਵੱਡਾ ਆਖ਼ਰੀ ਅਹਿਸਾਨ ਇਹ ਕਰੀ,
ਮੇਰੇ ਨਾਲੋਂ ਪਹਿਲਾਂ ਮੈਂ ਜਾਵੇ ਮਰ ਮੇਰੇ ਮੌਲਾ,
 

Jaswinder Singh Baidwan

Akhran da mureed
Staff member
ਬਿਨ੍ਹਾਂ ਨਖ਼ਰੇ ਤੋਂ ਹੋਈ ‘ਮੁਟਿਆਰ’ ਕਾਹਦੀ,
ਤੇ ਬਿਨ੍ਹਾਂ ‘ਪੈਸੇ’ ਦੇ ਕੋਈ ਵਪਾਰ ਹੈ ਨਹੀਂ ,

ਪੈਸਾ ਲੈ ਜੋ ਕਿਸੇ ਦੇ ਗੁਣ ਗਾਵੇ,
ਉਹ ਤਾਂ ‘ਕੱਜ਼ਰੀ’ ਹੈ , ‘ਅਖ਼ਬਾਰ’ ਹੈ ਨਹੀਂ,

ਰੋਗ ਜੜ੍ਹੋ ਨਾ ਕੱਢੇ ਉਹ ‘ਵੈਦ’ ਨਹੀਂਓ,
ਜੋ ਹਾਏ - ਹਾਏ ਨਾ ਕਰੇ ‘ਬਿਮਾਰ’ ਹੈ ਨਹੀਂ,

ਸਾਹ ਰੋਕ ਨਾ ਸੁਣੇ ਉਹ ‘ਸਰੋਤਾ’ ਨਹੀਓ,
ਤੇ ਅਖਾੜਾ ਬੰਨ੍ਹੇ ਨਾ ਜੋ ‘ਕਲਾਕਾਰ’ ਹੈ ਨਹੀਂ,

ਵਾਰ ਪਿੱਠ ਤੇ ਕਰੇ ਉਹ ‘ਸੂਰਮਾਂ’ ਨਹੀਂਓ,
ਤੇ ਔਖੇ ਵੇਲੇ ਨਾ ਖੜੇ ਉਹ ‘ਯਾਰ’ ਹੈ ਨਹੀਂ,

ਸੱਭ ਤੋਂ ਵੱਧ ਨਿਕੰਮਾਂ ‘ਗੁਰਦੇਵ ਸਿਘਾਂ’(ਦੇਬੀ) ,
ਜੀਨੂੰ ਵਤਨ ਦੇ ਨਾਲ ਪਿਆਰ ਹੈ ਨਹੀਂ
 

Jaswinder Singh Baidwan

Akhran da mureed
Staff member
ਮੇਰੇ ਗੂੜ੍ਹੇ ਮਹਿਰਮ ਯਾਰ ਪਿਆਰੇ ਭਰਾਂਵਾਂ ਵਰਗੇ ,
ਉਹ ਡਿਗਦਿਆ ਦੇ ਸਹਾਰੇ ਬਾਵਾਂ ਵਰਗੇ ,
ਸੀਨੇਂ ਦੇ ਵਿੱਚ ਵੱਸਦੇ ਸ੍ਹਾਵਾਂ ਵਰਗੇ ,
ਮੰਗੀਆਂ ਸੱਚੇ ਦਿਲੋਂ ਦੁਵਾਵਾਂ ਵਰਗੇ ,
ਸੁਰ ਵਿੱਚ ਭਿਜ ਕੇ ਲਾਈ ਹੇਕ ਜਹੇ ਨੇ ,
ਲਾਡ - ਲਾਡ ਵਿੱਚ ਰੱਖੇ ਨਾਂਵਾਂ ਵਰਗੇ ,
ਫੁੱਲਾਂ ਉੱਤੇ ਪਈ ਤਰੇਲ ਦੇ ਕਤਰੇ ,
ਤੱਪਦੇ ਹਾੜ 'ਚ ਠੰਡੀਆਂ ਛਾਵਾਂ ਵਰਗੇ ,
ਪਹਿਲੇ ਪਿਆਰ ਦੀ ਪਹਿਲੀ ਤੱਕਣੀ ਵਰਗੇ ,
ਪਹਿਲੀ ਹੀ ਮੁਲਾਕਾਤ ਦੇ ਚਾਂਵਾਂ ਵਰਗੇ ,
****ਦੇਬੀ**** ਦੇ ਖਿਲਾਫ ਜਮਾਨਾਂ ਭਾਵੇਂ ,
ਇਹ ਹੱਕ ਵਿੱਚ ਵੱਗਦੇ ਰਹਿਣ ਹਵਾਵਾਂ ਵਰਗੇ,
 

Jaswinder Singh Baidwan

Akhran da mureed
Staff member
ਬਹੁਤਾ ਨਾ ਮਿੱਠਾ ਬੋਲ, ਨੀ ਸ਼ੂਗਰ ਕਰ ਦੇ ਗੀ,
ਨਾ ਅੱਖ ਵੈਰਨੇ ਮਾਰ, ਮਾਰ ਕੇ ਧਰ ਦੇ ਗੀ,
ਨੀ ਪੜ੍ਹਨ 'ਚ ਤੂੰ ਹੁਸ਼ਿਆਰ, ਤੇ ਸਾਨੂੰ ਆਸ ਬੜੀ,
ਦਿਨਾਂ ਵਿੱਚ ਹੀ ਸਬਕ ਇਸ਼ਕ ਦਾ ਪੜ੍ਹ ਜਾਏਗੀ,
ਬਹੁਤੀ ਤੇਜ਼ ਸਕੂਟਰੀ ਨਾ ਚਲਾਇਆ ਕਰ,
ਨੀ ਰਾਹ ਜਾਂਦੇ ਤੂੰ ਕਿਸੇ ਗਰੀਬ ਤੇ ਚੜ੍ਹ ਜਾਏਗੀ,
ਭਾਂਸ਼ਣ ਦੇਣ ਤੇ ਲਾਰੇ ਲਾਉਂਣ ਮਾਹਰ ਬੜੀ,
**ਦੇਬੀ** ਨੂੰ ਲੱਗਦਾ ਵੋਟਾਂ ਦੇ ਵਿੱਚ ਖੜ੍ਹ ਜਾਏਗੀ,
 

Jaswinder Singh Baidwan

Akhran da mureed
Staff member
ਖੈਰ ਹੋਵੇ ਸੱਜ਼ਣਾਂ ਪਿਆਰਿਆਂ ਦੀ ਖੈਰ ਹੋਵੇ,
ਆਪਣੇ ਬੇਗਾਨਿਆਂ ਦੀ ਸਾਰਿਆਂ ਦੀ ਖੈਰ ਹੋਵੇ,
ਤੇਰੇ ਉੱਚੇ ਮਹਿਲਾਂ ਤੇ ਚੁਬਾਰਿਆਂ ਦੀ ਖੈਰ ਹੋਵੇ,
ਕਰੀ ਤੂੰ ਦੁਆ ਸਾਡੇ ਢਾਰਿਆਂ ਦੀ ਖੈਰ ਹੋਵੇ,
ਖੈਰ ਹੋਵੇ ਸੋਹਣੇ ਚਿਹਰੇ ਸੋਹਣੇ ਦਿਲਾਂ ਵਾਲਿਆਂ ਦੀ,
ਦਿਲ ਕੱਢ ਲੈਦੇ ਜੋ ਨਜ਼ਾਰਿਆਂ ਦੀ ਖੈਰ ਹੋਵੇ,
ਖੈਰ ਹੋਵੇ ਕਿੱਕਲੀ ਤੇ ਗਿੱਧਾ ਪਾਉਂਣ ਵਾਲਿਆਂ ਦੀ,
ਸੌਣ ਦੀਆਂ ਪੀਘਾਂ ਤੇ ਹੁਲਾਰਿਆਂ ਦੀ ਖੈਰ ਹੋਵੇ,
ਖੈਰ ਹੋਵੇ ਦਿਲਾਂ ਤਾਈ ਰੋਗ ਲਾਉਂਣ ਵਾਲਿਆਂ ਦੀ,
ਇਸ਼ਕ ਦੇ ਦੁੱਖਾਂ ਦਿਆਂ ਮਾਰਿਆਂ ਦੀ ਖੈਰ ਹੋਵੇ,
ਇਜ਼ਤ ਦੀ ਰੋਟੀ ਸਾਰੇ ਜਗ ਨੂੰ ਨਸੀਬ ਹੋਵੇ,
**ਦੇਬੀ** ਦਾਤਾਂ ਵੰਡਦੇ ਦੁਵਾਰਿਆਂ ਦੀ ਖੈਰ ਹੋਵੇ,
 

Jaswinder Singh Baidwan

Akhran da mureed
Staff member
ਮੁੱਲ ਸਾਡੇ ਗੇੜਿਆਂ ਦਾ ਤਾਰ ਦਿਉਂ ਜੀ,
ਔਖੇ ਸੌਖੇ ਇੱਕ ਅੱਖ ਮਾਰ ਦਿਉ ਜੀ,
ਤੁਹਾਨੂੰ ਵੇਖ ਭੁੱਖ ਲੈਦੀ ਨਸ਼ਾਂ ਚੜ੍ਹਦਾ,
ਦਰਸ਼ਨ ਰੋਜ਼ ਇਕ ਵਾਰ ਦਿਉਂ ਜੀ,
ਜੇ ਮਿਲਣੇ 'ਚ ਸੂਰਜ ਅੜਿਕਾ ਬਣਦਾ,
ਹਨੇਰ ਪਾਉਂ ਜੁਲਫ਼ਾਂ ਖਿਲਾਰ ਦਿਉਂ ਜੀ,
ਤੁਸੀਂ ਲੈਕਸ ਸਾਬਣ ਦੇ ਮੌਡਲਾਂ ਜਹੇ,
ਭੋਰਾ ਮੂੰਹ ਸਾਡਾ ਵੀ ਨਿਖਾਰ ਦਿਉਂ ਜੀ,
ਰੱਬ ਤੁਹਾਨੂੰ ਹਰ ਪਾਸੇ ਜਿੱਤ ਬਖਸ਼ੇ,
ਬਸ ਇੱਕ ਦਿਲ ਸਾਨੂੰ ਹਾਰ ਦਿਉਂ ਜੀ,
ਅਰਜ਼ੀ ਰਫਿਉਜ਼ ਹੋਈ ਹਰ ਪਾਸਿਓ,
ਤੁਸੀਂ ਮੇਹਰ ਕਰੋ ਘੁੱਗੀ ਮਾਰ ਦਿਉਂ ਜੀ,
**ਦੇਬੀ** ਦੀ ਉਡੀਕ ਦਿਆਂ ਕਿੰਨੀ ਲੰਘ ਗਈ,
ਜਿੰਨ੍ਹੀ ਕੁ ਵੀ ਰਹਿੰਦੀ ਏ ਸਵਾਰ ਦਿਉਂ ਜੀ,
 

Jaswinder Singh Baidwan

Akhran da mureed
Staff member
ਤੇਰਾ ਸੱਜ਼ਣ ਧਿਆਨ ਨਹੀਓ ਦਿੰਦਾ,ਕਿ ਜਾਨ ਸੂਲੀ ਟੱਗ ਹੋਈ ਆ,
ਤੂੰ ਤਾਂ ਜਾਣ ਜਾਣ ਮਾਰਦੀ ਖੰਘੂਰੇ ਨੀ ਮੁੰਡੇ ਕਹਿੰਦੇ ਖੰਘ ਹੋਈ ਆ,


ਇੱਕ ਸੁੱਕੇ ਜਹੇ ਪਿੱਛੇ ਐਵੇਂ ਜਾਂਦੀ ਸੁਕਦੀ,
ਤੂੰ ਤਾਂ ਹੰਭ ਗਈ ਰਕਾਨੇ ਉਹਦਾ ਟਾਇਮ ਚੁੱਕਦੀ,
ਉਹ ਤਾਂ ਅਜੇ ਵੀ ਬੇਗਾਨਾਂ ਜੀਦੇ ਪਿੱਛੇ ਘਰ ਦਿਆਂ ਨਾਲ ਜੰਗ ਗਈ ਆ,
ਤੂੰ ਤਾਂ ਜਾਣ ਜਾਣ ਮਾਰਦੀ ਖੰਘੂਰੇ ਨੀ ਮੁੰਡੇ ਕਹਿੰਦੇ ਖੰਘ ਹੋਈ ਆ,


ਖੰਘ ਤੈਨੂੰ ਤੇ ਦਵਾਈ ਹੈ ਮੰਡੀਰ ਪੀ ਲੈਦੀ,
ਮੈਡੀਕਲ ਦੇ ਸਟੋਰਾਂ ਉੱਤੋਂ ਫੈਸੀ ਮੁੱਕੀ ਰਹਿੰਦੀ,
ਦਾਰੂ ਸੂਟਿਆਂ ਦੇ ਰੇਟ ਬੜੇ ਚੜ੍ਹ ਗਏ ਤੇ ਕਿਨ੍ਹੀ ਮਹਿੰਦੀ ਭੰਗ ਹੋਈ ਆ ,
ਦੋ-ਚਾਰ ਫ਼ੈਸੀਆਂ ਪੀ ਜੇ ਸੱਚੀ ਤੈਨੂੰ ਖੰਘ ਹੋਈ ਆ,
ਤੂੰ ਤਾਂ ਜਾਣ ਜਾਣ ਮਾਰਦੀ ਖੰਘੂਰੇ ਨੀ ਮੁੰਡੇ ਕਹਿੰਦੇ ਖੰਘ ਹੋਈ ਆ,


ਦਿਲ ਮਿਲਿਆਂ ਦੇ ਸੌਦੇ ਇਹ ਨਾ ਗੱਲ ਜੋਰ ਦੀ,
ਤੇਰੇ ਹੋਰ ਨੇ ਦਿਵਾਨੇ ਤੂੰ ਦਿਵਾਨੀ ਹੋਰ ਦੀ,
ਤੂੰ ਕਿਸੇ ਪਿੱਛੇ ਕਮਲੀ ਤੇ ਤੇਰੇ ਪਿੱਛੇ ਦੁਨੀਆਂ ਮਲੰਗ ਹੋਈਆ,
ਤੂੰ ਤਾਂ ਜਾਣ ਜਾਣ ਮਾਰਦੀ ਖੰਘੂਰੇ ਨੀ ਮੁੰਡੇ ਕਹਿੰਦੇ ਖੰਘ ਹੋਈ ਆ,

ਜਾਂ ਤਾਂ ਤੇਰਾ ਮਹਿਬੂਬ ਆ ਕੇ ਤੈਨੂੰ ਗੱਲ੍ਹ ਲਾਵੇ ,
ਜਾਂ ਰੱਬ ਕਰੇ **ਦੇਬੀ** ਦੀ ਦੁਵਾਂ ਸੁਣੀ ਜਾਵੇ ,
ਜੀਨੇ ਰੱਬ ਤੋਂ ਕਦੇ ਨਾ ਕੁੱਝ ਮੰਗਿਆ ਨੀ ਬਸ ਤੇਰੀ ,
ਤੂੰ ਤਾਂ ਜਾਣ ਜਾਣ ਮਾਰਦੀ ਖੰਘੂਰੇ ਨੀ ਮੁੰਡੇ ਕਹਿੰਦੇ ਖੰਘ ਹੋਈ ਆ,
 

Jaswinder Singh Baidwan

Akhran da mureed
Staff member
ਦਿਲ ਕਮਜ਼ੋਰ ਹੋਵੇ ਡੌਲਿਆਂ ਵਿੱਚ ਜਾਨ ਨਾ ਹੋਵੇ,
ਐਸਾ ਆਸ਼ਕ ਹੁਣ ਮਾਸ਼ੂਕ ਨੂੰ ਪਰਵਾਨ ਨਾ ਹੋਵੇ,
ਕੁੱੜੀਆਂ ਪਿੱਛੇ ਗੇੜੀ ਲਾਵੇ ਕੱਟ ਚਲਾਨ ਨਾ ਹੋਵੇ?
ਕਿੱਦਾਂ ਹੋ ਸਕਦਾ ਏ ਇਸ਼ਕ ਵਿੱਚ ਨੁਕਸਾਨ ਨਾ ਹੋਵੇ,
ਤੇਰੇ ਹੁਸਨ ਦੀ ਤੌਹੀਨ ਹੈ ਇਹ ਹੋ ਨਹੀਂ ਸਕਦਾ,
ਕਿ ਬੰਦਾ ਵੇਖ ਲਏ ਤੈਨੂੰ ਤੇ ਬਈਮਾਨ ਨਾ ਹੋਵੇ,
ਏਦਾਂ ਦਾ ਪਤੀ ਤਾਂ ਕਿਸਮਤ ਨਾਲ ਮਿਲਦਾ ਏ,
ਕਾਰ ਸੋਹਣੀ, ਬਟੁਆ ਭਾਰਾ, ਤੇ ਮੂੰਹ ਜੁਬਾਨ ਨਾ ਹੋਵੇ,
ਕਾਉਂਟਰ ਤੇ ਖਲੋਤੀ ਸੁੰਦਰ ਲੜਕੀ ਵੇਚਦੀ ਸੌਦਾ,
ਅੰਦਰ ਜਾਣਾ ਈ ਜਾਣਾ ਚਾਹੇ ਜੇਭ 'ਚ ਭਾਨ ਨਾ ਹੋਵੇ,
ਚੋਰਾਂ ਵਾਂਗ ਅੱਖ ਬਚਾ ਕੇ ਉਹ ਬਜ਼ਾਰ 'ਚੋਂ ਲੰਘਦਾ,
ਮਾਸ਼ੂਕ ਦੇ ਪਿਉ ਦੀ ਜੁਤੀਆਂ ਦੀ ਦੁਕਾਨ ਨਾ ਹੋਵੇ,
**ਦੇਬੀ** ਸ਼ੁਕਰੀਆ ਲੋਕਾਂ ਦਾ ਤਾੜੀ ਮਾਰ ਦਿੰਦੇ ਨੇ,
ਤੇਰੇ ਗੀਤਾਂ ਵਿੱਚ ਸ਼ੇਅਰਾਂ ਵਿੱਚ ਭਾਵੇਂ ਜਾਂਨ ਨਾ ਹੋਵੇ,
 

Jaswinder Singh Baidwan

Akhran da mureed
Staff member
ਪੈਰ ਪੈਰ ਤੇ ਦੁਨੀਆਂ ਕਰੀ ਸਵਾਲ ਜਾਂਦੀ ਏ,
ਮੈਨੂੰ ਇਕੱਲਾ ਨਹੀਂ ਸ਼ੱਡਦੀ ਬਦਨਾਮੀ ਨਾਲ ਜਾਂਦੀ ਏ,
ਧੋ ਕੇ ਛੱਤ ਤੇ ਕੱਪੜੇ ਸੁਕਾਈ ਵਾਲ ਜਾਂਦੀ ਏ,
ਦੇ ਕੇ ਮੁਫ਼ਤ ਵਿੱਚ ਦਰਸ਼ਨ ਉਹ ਕਰੀ ਨਿਹਾਲ ਜਾਂਦੀ ਏ,
ਪਟਰੌਲ ਦੀ ਕੀਮਤ, ਖਰਚੇ ਮੁਬਾਇਲਾਂ ਦੇ,
ਆਸ਼ਕੀ ਨੌਜ਼ਵਾਨਾਂ ਨੂੰ ਕਰੀ ਕਗਾਲ ਜਾਂਦੀ ਏ,
ਮੇਰੀ ਨੀਦ ਹੈ ਕਿਥੇ ਮੈਂ ਰਿਹਾਂ ਕਦੋਂ ਹੋਣਾਂ,
ਕਿੰਨ੍ਹੀ ਵਾਰ ਪੁੱਛਿਆ ਏ ਹੱਸ ਟਾਲ ਜਾਂਦੀ ਏ,
ਰਾਜ, ਭਾਗ, ਦੌਲਤ, ਸ਼ੌਰਤ, ਕਾਰਾਂ, ਕੋਠੀਆਂ,ਗਹਿਣੇ,
ਇਹ ਵਸਨੀਕ ਇਥੋਂ ਦੇ ਨੇਕੀ ਨਾਲ ਜਾਂਦੀ ਏ,
ਮਰਦ ਅਕਸਰ ਹੀ ਸ਼ਰਾਬ ਵਿੱਚ ਰੋੜ ਹੈ ਦਿੰਦਾ,
ਔਰਤ ਹੈ ਜੋ ਗ਼ਮ ਨੂੰ ਦਿਲ ਦੇ ਵਿੱਚ ਸਭਾਲ ਜਾਂਦੀ ਏ,
ਪਿੱਨੀਆਂ ਅਲਸੀ ਦੀਆਂ ਹੋਣ ਨਾਲੇ ਅੱਖਾਂ ਜੇ ਤੱਦੀਆਂ,
ਵਡੇਰੀ ਉਮਰ ਫਿਰ ਸੌਖਾ ਹੀ ਕੱਢ ਸਿਆਲ ਜਾਂਦੀ ਏ,
ਕੈਸਾ ਕਲਜੁਗੀ ਆਇਆ ਜਮਾਨਾਂ ਵੇਖ ਤੂੰ **ਦੇਬੀ** ,
ਅਸੀਂ ਸਮਾਇਲ ਦਿਨੇਂ ਆਂ ਉਹ ਦਿੰਦੀ ਗਾਲ ਜਾਂਦੀ ਏ,
 

Jaswinder Singh Baidwan

Akhran da mureed
Staff member
ਇਹ ਹਸਬੈਂਡ ਇਹ ਪਤੀ ਦੇਵ ਇਹ ਘਰ ਵਾਲੇ,
ਬਾਹਰੋਂ ਕਾਫੀ ਸੋਹਣੇ ਅੰਦਰੋਂ ਸਭ ਕਾਲੇ,
ਤੱਕਲੇ ਵਾਗੂੰ ਸਿੱਧੇ ਇਹ ਨਹੀਂ ਹੋ ਸਕਦੇ,
ਵਲ੍ਹ ਇਹਨਾਂ ਦੇ ਵਿੱਚ ਜ਼ਲੇਬੀ ਤੋਂ ਬਾਹਲੇ,
ਇਹ ਹਸਬੈਂਡ ਇਹ ਪਤੀ ਦੇਵ ਇਹ ਘਰ ਵਾਲੇ,


ਅਸਲ ਜੁਵਾਈ ਬਸ ਕੇ ਦੱਸਣਾਂ, ਰ੍ਹੋਬ ਜਮਾਉਂਣਾ ਹੱਕ ਸਮਝਦੇ,
ਸਾਲਿਆਂ ਨੂੰ ਗੱਲ ਗੱਲ ਦੇ ਉੱਤੇ ਥੱਲੇ ਲਾਉਂਣਾ ਹੱਕ ਸਮਝਦੇ,
ਆ ਗਿਆ ਜੀਜਾਂ, ਆ ਗਿਆ ਫੁੱਫੜ, ਲਿਆਉ ਦਾਰੂ ਵੱਡੋ ਕੁੱਕੜ,
ਪੀਂ ਕੇ ਦਾਰੂ ਮਾਰਨ ਚਾਗ੍ਹਾਂ ਕੁੱਕੜਾਂ ਵਾਗੁੰ ਦਿੰਦੇ ਬਾਗ੍ਹਾਂ,
ਦੱਸੋਂ ਐਹੋ ਜਹੇ ਪਰਾਉਂਣੇ ਭਾਈ ਰੱਗੜ ਕੇ ਫੋੜੇ ਉੱਤੇ ਲਾਉਂਣੇ,
ਸਿਆਣੇ ਹੋਣਗੇ ਥੋੜੇ ਕਮਲੇ ਪਰ ਬਾਹਲੇ,
ਇਹ ਹਸਬੈਂਡ ਇਹ ਪਤੀ ਦੇਵ ਇਹ ਘਰ ਵਾਲੇ,


ਜਿਨ੍ਹਾਂ ਚਿਰ ਮਹਿਬੂਬ ਇਹ ਹੁੰਦੇ ਅੰਬਰੋਂ ਤਾਰੇ ਤੋੜ ਲਿਆਉਂਦੇ,
ਜਦ ਮਹਿਬੂਬਾ ਵੌਟੀ ਬਣ ਗਈ, ਉਦੋਂ ਅਸਲੀ ਰੰਗ ਵਖਾਉਂਦੇ,
ਆ ਨਹੀਂ ਕਰਨਾਂ ਔ ਨਹੀਂ ਕਰਨਾ ਐਥੇ ਨਹੀਂ ਔਥੇ ਨਹੀਂ ਖੜ੍ਹਨਾਂ,
ਬਹੁਤਾ ਮੇਰੇ ਸਿਰ ਨਹੀਂ ਚੜ੍ਹਨਾਂ,ਕੰਨ੍ਹ ਖੋਲ ਕੇ ਸੁਣ ਲੈ ਵਰਨਾ,
ਸੌ ਦੀ ਇੱਕੋ ਦੱਸਾਂ ਤੈਨੂੰ ਨੀ ਤੇਰੇ ਵਰਗੀਆਂ ਲੱਖਾਂ ਮੈਨੂੰ,
ਨਿੱਕੀ ਗੱਲੋਂ ਤਲਾਕ ਦੇਣ ਲਈ ਝੱਟ ਕਾਹਲੇ,
ਇਹ ਹਸਬੈਂਡ ਇਹ ਪਤੀ ਦੇਵ ਇਹ ਘਰ ਵਾਲੇ,
 

Jaswinder Singh Baidwan

Akhran da mureed
Staff member
ਇਹ ਇਸ਼ਕ ਦੀ ਬਾਜ਼ੀ ਆ, ਇਥੇ ਜਾਨ ਦੇ ਲੱਗਦੇ ਦਾਅ,
ਇਸ ਇਸ਼ਕੇ ਦਾ ਕੀ ਭਾਅ, ਦੱਸਿਆ ਏ ਲਾਡੀ ਸ਼ਾਹ,
ਜੇ ਬੁੱਗਦਾ ਏ ਤੇ ਆ ਨਹੀਂ ਜਾਅ ਖਸਮਾਂ ਨੂੰ ਖਾਂ,
ਇਸ਼ਕ ਦੀ ਮਹਿੰਦੀ ਏ ਸੋਹਣਿਆ ਇਸ਼ਕ ਦੀ ਮਹਿੰਦੀ,
ਚਮੜੀ ਨਾਲ ਉਧੇੜ ਲਵੇ, ਇਹ ਜਦ ਵੀ ਲਹਿੰਦੀ ਏ,
ਇਸ਼ਕ ਦੀ ਮਹਿੰਦੀ ਏ ਸੋਹਣਿਆ ਇਸ਼ਕ ਦੀ ਮਹਿੰਦੀ,


ਇਸ਼ਕ ਦਾ ਸੋਦਾ ਅਕਲ ਵਾਲਿਆਂ ਨੂੰ ਨਾ ਮਾਫਕ ਬਹਿੰਦਾ,
ਝੱਲੇ ਮੱਜ਼ਨੂੰ , ਸ਼ੁਦਾਈ, ਪਾਗਲ ਅਖਵਾਉਂਣਾ ਪੈਦਾ,
ਦੁਨੀਆਂ ਸੌਂ ਜਾਂਦੀ ਤਾਂ ਗਿੱਧਾ ਆਸ਼ਕਾਂ ਵਾਲਾ ਪੈਦਾ,
ਇਸ਼ਕ ਦਾ ਗਿੱਧਾ ਏ ਸੋਹਣਿਆ ਇਸ਼ਕ ਦਾ ਗਿੱਧਾ ਏ,
ਸਿਰ ਦੇ ਭਾਰ ਨਚਾਉਂਦਾ ਨਾ ਸੌਖਾ ਨਾ ਸਿੱਧਾ ਏ,
ਇਸ਼ਕ ਦਾ ਗਿੱਧਾ ਏ ਸੋਹਣਿਆ ਇਸ਼ਕ ਦਾ ਗਿੱਧਾ ਏ,


ਪੰਜ ਦੁਨੀਆਂ ਦੀਆਂ ਚੌਵੀ ਘੰਟੇ ਆਸ਼ਕਾਂ ਦੀਆਂ ਨਵਾਜ਼ਾਂ,
ਸੁਣੇ ਨਾ ਸੁਣੇ ਦੇਣੀਆਂ ਪੈਦੀਆਂ ਚੱਤੋਂ ਪਹਿਰ ਅਵਾਜ਼ਾਂ,
ਆਖਰੀ ਸਾਹ ਤੱਕ ਪਰਚੇ ਪੈਂਦੇ ਯਾਰ ਨਾ ਕਰਨ ਲਿਹਾਜ਼ਾ,
ਇਸ਼ਕ ਦੀ ਮਾਲਾ ਵੇ ਸੋਹਣਿਆ ਇਸ਼ਕ ਦੀ ਮਾਲਾ ਵੇ,
ਆਖਰੀ ਮਣਕਾਂ ਫੇਰੇ ਕੋਈ ਕਰਮਾਂ ਵਾਲਾ ਵੇ,
ਇਸ਼ਕ ਦੀ ਮਾਲਾ ਵੇ ਸੋਹਣਿਆ ਇਸ਼ਕ ਦੀ ਮਾਲਾ ਵੇ,


ਇਸ਼ਕ ਦਾ ਰੁਤਬਾ ਉੱਚਾ ਸੱਜ਼ਣਾਂ ਮਰ ਕੇ ਹੁੰਦਾ ਪਾਉਂਣਾ,
ਤਨ ਪਿੰਜ਼ਰ ਨੂੰ ਸਾਜ਼ ਬਣਾ ਕੇ ਗੀਤ ਯਾਰ ਦਾ ਗਾਉਂਣਾ,
ਤਲਵਾਰਾਂ ਤੇ ਤੁਰਨਾਂ **ਦੇਬੀ** ਕੰਡਿਆਂ ਉੱਤੇ ਸਾਉਂਣਾ,
ਇਸ਼ਕ ਦੀ ਘਾਟੀ ਏ ਸੋਹਣਿਆ ਇਸ਼ਕ ਦੀ ਘਾਟੀ ਏ,
ਜੋ ਚੜਿਆ ਸੋ ਮਰਿਆ ਬਸ ਕਹਾਣੀ ਬਾਕੀ ਏ,
ਇਸ਼ਕ ਦੀ ਘਾਟੀ ਏ ਸੋਹਣਿਆ ਇਸ਼ਕ ਦੀ ਘਾਟੀ ਏ
 
Top