main to us bheed mein Khaamosh tha bolaa bhi na tha

[~¤Akash¤~]

mujh se waaqif to mere jism ka saaya bhi na tha
kaise ho jaata tumhaara, main Khud apna bhi na tha

jitna maayus hai wo shakhs bichhad kar mujh se
itni shiddat se to maine use chaaha bhi na tha

jaise ilzaam lagaaye hain mere sir us ne
aisi nazron se to maine use dekha bhi na tha

meri aawaaz ka gham shahar ne jaana kyonkar
main to us bheed mein Khaamosh tha bolaa bhi na tha