Larkiyaan bhi ajab hoti hain Unkahi Baton Main Daastanen

[~¤Akash¤~]

Larkiyaan bhi ajab hoti hain

Unkahi Baton Main Daastanen Dhoond Leti Hain
Aik Muskarahat Ko Asaasa-E-Hayat Samajh Len Gi

Hain Aadaten Ajab In Ki….

Bae Ma’aani Jumley K Ma’aani Ko Akhaz Karney Main..
Raat Ko Bita Dena
Barish K Aik Qatrey Se Qaus-E-Qazah Bana Lena
Zara Jhunjhulaye Lehjey Per Toot Kar Bikhar Jana
Soney Ki Adaakari Main Takye Bhigo Dena
Toot’tey Khawab Ko Khush Gumaaniyon Se Saja Dena
Phir,..Ik Muskarahat Per Sab Talkhiyaan Bhula Dena..
Umeed Nai Phir Jaga Lena..
Aur Khul K Muskrat Dena

Hai Chahaten Ajab In Ki…

Zaat Apni Bhula Den Gi
Dua Main Haath Jab Uthayen Gi
Roo Roo Kar Kabhi Maangen Gi
Kabhi Maang Maang K Ro Den Gi
Apni Umar K Sab Lamhey
Apney Pyaaron Ko Daan Deney Ki

Hain Duaaen Ajab Inki…

Dard Saarey Khud Per Jhael Leney Ki
Aansu Sab Chupa Kar Muskaraney Ki

Hain Rahaten Ajab Inki…

Ik Ajnabi Saathi Ko Apna Maan Leney Ki
Shareek-E-Rooh Banaey Ki
Toot Kar Chahney Ki
Phir Mar K Bhi Nibhaney Ki

Hain Kaawishen Ajab Inki…

Sach Kaha..!

Ye Larkiyann Bhi Ajab Hoti Hain..!

Haya..!

 

[Shiva Sood]

Re: Larkiyaan bhi ajab hoti hain Unkahi Baton Main Daastane

truly awesome..