Kabhi milaya zindagi ne toh ....

Jaswinder Singh Baidwan

Akhran da mureed
Staff member
Kabhi milaya zindagi ne dobara toh phir milenge,
Yun toh fursat hai kahan, kiske paas, kisi ko milne k liye....
Kabhi raas aayi bahaar koi toh khilenge hum bhi,
Yun ton ikk saksh Ka deedar hi bahut hai humare khilne k liye.....

Kabhi Dil naa sambhaal paya jo jazbaat teri judayi ke, toh girega aankh se ikk aansu,
Yun toh sabab kyi aur bhi hain ye aansu girne k liye .....

Kabhi kisi ki dua Kar gyi asar toh ho jaayenge kaamyaab hum bhi,
Yun toh badduaien bhi hai bahut jholi mein, humare bikharne k liye ....


Kabhi chada hum par kisi kaa rang toh shayad sanwrein hum bhi,
Yun toh rang aur bhi hain bahut sanwarne k liye .....

Kisi ko ho mohabbat humari kamiyo se bhi toh kuch baat ho,
Sirf khoobiyan hi nhi hoti kaafi rishtey nikharne k liye......

Saari umar pad jaati hai choti kyi baar ikk vaada nibhane mein,
Yun toh "JB" ikk pal hi lagta hai kisi baat se mukarne k liye.....

Kabhi milaya zindagi ne dobara toh phir milenge,
Yun toh fursat hai kahan, kiske paas, kisi ko milne k liye....
 
Top