Ise samajhne mein aasani bhi hai, aur thodi si kathinayi bhi

~¤Akash¤~

Prime VIP
Jaise koi cheez ho apni, aur thodi si parayi bhi,
Jaise jhooth ho thoda, aur thodi si sachchhai bhi
Jaise mehfil bhari ho, aur ho thodi si tanhai bhi
Jaise kaid ho thodi, aur thodi si rihai bhi
Jaise Milan ho thoda, aur thodi si judaai bhi
Jaise shohrat mili ho thodi, aur thodi si rusvai bhi
Jaise kali khili ho abhi abhi, aur thodi si sharmayi bhi
Jaise neend khuli ho abhi abhi, aur aati ho angdayi bhi
Jaise aankhen ho bhari hui, aur palak muskayi bhi
Jaise mein chalta hoon akela, aur saath meri parchayi bhi
Ise samajhne mein aasani bhi hai, aur thodi si kathinayi bhi
Yeh ishq thoda meet bhi hai, aur thoda sa harjayee bhi
 
Top