ਸਾਰੇ ਖੁਸ਼ੀ ਆਜ਼ਾਦੀ ਦੀ ਮਾਣਦੇ ਸੀ
ਹੰਝੂ ਖੂਨ ਦੇ ਮੇਰਾ ਪੰਜਾਬ ਰੋਇਆ
ਛੇਵਾਂ ਲਹੂ ਦਾ ਸੀ ਦਰਿਆ ਵਗਿਆ
ਵੱਖ ਰਾਵੀ ਤੋਂ ਜਦੋਂ ਝਨਾਬ ਹੋਇਆ
ਲੱਖਾਂ ਲੋਕ ਸੀ ਸਦਾ ਦੀ ਨੀਂਦ ਸੌਂ ਗਏ
ਪੂਰਾ ਕਿਸੇ ਦਾ ਵੀ ਨਾ ਖੁਆਬ ਹੋਇਆ
ਵਾਰਸ ਉਹਨਾਂ ਦੇ ਅੱਜ ਗੁਲਾਮ ਸਿੰਘਾ ਜਿਹਨਾਂ ਕਰਕੇ ਸੀ ਦੇਸ਼ ਆਜ਼ਾਦ ਹੋਇਆ....
ਜਿਹਦਾ ਅੱਜ ਤੱਕ ਹੋਇਆ ਹਿਸਾਬ ਨਹੀਂ
ਅਸੀਂ ਦਿੱਲੀ ਦੰਗੇ ਦਾ ਕੀ ਕਰੀਏ
ਜਿਹਨੂੰ ਕਫਨ ਵੀ ਹੋਇਆ ਨਸੀਬ ਨਹੀਂ
ਉਸ ਜਿਸਮ ਨੰਗੇ ਦਾ ਕੀ ਕਰੀਏ
ਚੱਮ ਝੋਨਾ ਲਾ ਲਾ ਕਾਲ਼ਾ ਹੋ ਗਿਆ
ਅਸੀਂ ਤਿੰਨ ਰੰਗੇ ਦਾ ਕੀ ਕਰੀਏ.......