ਆਜ਼ਾਦੀ ! 15 ਅਗਸਤ 1947 ਨੂੰ ਕਹਿੰਦੇ ਆਪਣਾ ਦੇਸ਼ ਭਾਰਤ ਆਜ਼ਾਦ ਹੋਇਆ ਸੀ ! ਬਹੁਤ ਜਸ਼ਨ ਮਨਾਇਆ ਗਿਆ ਹੋਣਾ ! ਲੱਡੂ ਵੰਡੇ ਗਏ ਹੋਣੇ ਆ ਪਰ ਇੱਕ ਸੂਬਾ ਖੂਨ ਦੇ ਹੰਝੂ ਵਹਾ ਰਿਹਾ ਸੀ ! ਹਾਂ ਜੀ , ਠੀਕ ਪਹਿਚਾਣਿਆ , ਸੂਬਾ ਸੀ ਪੰਜਾਬ ! 2 ਟੋਟੇ ਕਰ ਦਿੱਤਾ ਗਿਆ 15 ਅਗਸਤ 1947 ਨੂੰ !
ਭਾਵੇਂ ਏਸ ਗੱਲ ਦਾ ਦਰਦ ਸਮੇ ਨਾਲ ਠੰਡਾ ਪੈ ਗਿਆ ਪਰ ਅੱਜ ਵੀ ਅਸੀਂ ਓਹਨਾ ਥਾਵਾਂ ਤੋਂ ਵਾਂਜੇ ਰਹਿ ਗਏ ਆਂ ਜਿਥੇ ਸਾਡੇ ਪੁਰਖੇ ਜੰਮੇ ਪਲੇ ਸੀ - ਫਿਰ ਭਾਵੇਂ ਓਹ ਲਾਹੋਰ ਹੋਵੇ , ਯਾ ਰਾਵਲਪਿੰਡੀ , ਕਰਾਚੀ ਯਾ ਸਾਂਦਲਬਾਰ ,ਸ਼ੇਖੂਪੁਰਾ ਯਾ ਝੰਗ ਸਿਆਲ , ਨਨਕਾਣਾ ਸਾਹਿਬ ਯਾ ਮੁਲਤਾਨ , ਪੰਜਾਬ ਦਾ ਇੱਕ ਵੱਡਾ ਹਿੱਸਾ ਪਾਕਿਸਤਾਨ ਬਣ ਗਿਆ ਜਿਸ ਵਿਚੋਂ ਸਮੇ ਦੀ ਮਾਰ ਕਾਰਣ ਬਾਅਦ ਵਿਚ ਹਿਮਾਚਲ ਪ੍ਰਦੇਸ਼ ਤੇ ਹਰਿਆਣਾ ਵੀ ਅੱਡ ਅੱਡ ਹੋ ਗਏ ! ਪੰਜਾਬ ਤੇ ਟੋਟੇ ਕਰਕੇ ਆਜ਼ਾਦੀ ਲਈ ਤਾਂ ਕੀ ਲਈ !
ਸਾਲ ਬੀਤ ਦੇ ਗਏ , ਸਰਕਾਰਾਂ ਆਉਂਦੀਆਂ ਜਾਂਦੀਆਂ ਰਹੀਆਂ , ਕਈ ਮਤੇ ਪਾਸ ਕੀਤੇ ਗਏ , ਕਿੰਨੇ ਹੀ ਮੰਤਰੀ ਬਣੇ ਪਰ ਅਫਸੋਸ ਇਹ ਹੈ ਕਿ ਆਪਣੇ ਮੁਲਕ ਦਾ ਲੋੜੀਂਦਾ ਸੁਧਾਰ ਨਈ ਹੋ ਸਕਿਆ ! ਅੱਜ ਇਕ ਪਾਸੇ ਪਰਧਾਨ ਮੰਤਰੀ ਆਜ਼ਾਦੀ ਦਾ ਭਾਸ਼ਨ ਦਿੰਦੇ ਨੇ ਬੁਲਟ ਪ੍ਰੂਫ਼ ਸ਼ੀਸ਼ੇ ਚ ਖੜ ਕੇ , ਦੂਜੇ ਪਾਸੇ ਹਿੰਸਕ ਘਟਨਾਵਾਂ ਹੁੰਦੀਆਂ ਨੇ , ਕਿ ਇਹ ਆਜ਼ਾਦੀ ਹੈ ?
ਧਰਮ ਦੇ ਨਾਮ ਤੇ ਲੋਕਾਂ ਨੂੰ ਵੰਡ ਕੇ ਦੰਗੇ ਭੜਕੌਣੇ ,ਕਿ ਇਹ ਆਜ਼ਾਦੀ ਹੈ ?
ਆਈ.ਪੀ.ਏਸ ਤੇ ਆਈ .ਏ. ਏਸ ਅਫਸਰਾਂ ਨੂੰ ਅੰਗੂਠਾ ਛਾਪ ਮੰਤਰੀ ਬੰਦਰ ਵਾਂਗੂ ਨਚਾਉਂਦੇ ਨੇ , ਸਚ ਦਾ ਸਾਥ ਦੇਣ ਵਾਲੇ ਦਾ ਤਬਾਦਲਾ ਹੋ ਜਾਂਦਾ ਹੈ , ਸਸ੍ਪੇੰਡ ਹੋ ਜਾਂਦਾ ਹੈ , ਕੀ ਇਹ ਹੈ ਆਜ਼ਾਦੀ ?
ਪੋਲਿਸ ਮਹਿਕਮਾ ਲੋਕਾਂ ਦੀ ਸੁਰਖਿਆ ਲਈ ਹੋਂਦ ਚ ਲੈਉਂਦਾ ਗਿਆ ਸੀ , ਚੰਗੀ ਤਨਖਾਹ ਇਹਨਾ ਦੀ , ਫੇਰ ਵੀ ਚੋਂਕਾਂ ਤੇ ਖੜ ਕੇ 50 ਰੁਪਏ ਪਿਛੇ ਆਪਣਾ ਇਮਾਨ ਵੇਚ ਛਡ ਦੇ ਨੇ , ਕੀ ਇਹ ਹੈ ਆਜ਼ਾਦੀ ?
ਆਮ ਆਦਮੀ ਨੂੰ 3 ਚੀਜ਼ਾਂ ਦੀ ਸਭ ਤੋਂ ਜਿਆਦਾ ਲੋੜ ਹੁੰਦੀ ਹੈ - ਰੋਟੀ , ਕਪੜਾ , ਮਕਾਨ ਸਬਜੀਆਂ , ਦਾਲਾਂ , ਫਲ ਫਰੂਟ ਦੇ ਭਾ ਟੀਸੀ ਨੂੰ ਛੂ ਰਹੇ ਨੇ , ਲਖਾਂ ਭਿਖਾਰੀ ਨੰਗੇ ਧੜੰਗੇ ਸੜਕਾਂ ਤੇ ਭੀਖ ਮੰਗਦੇ ਦਿਖ ਜਾਂਦੇ ਨੇ , ਮਕਾਨ ਪਾਉਣਾ ਅੱਜ ਦੀ ਤਾਰੀਖ ਚ ਚੰਗੇ ਚੰਗੇ ਲੋਕਾਂ ਦੇ ਵੱਸੋਂ ਬਾਹਰ ਹੋ ਚੁੱਕਾ ਹੈ !ਇਹ ੩ ਆਮ ਜ਼ਰੂਰਤਾਂ ਹੀ ਜੇ ਆਵਾਮ ਨੂੰ ਨਈ ਮਿਲ ਸਕਦੀਆਂ ਤਾਂ ਧੱਠੇ ਖੂ ਚ ਵੜੇ ਆਜ਼ਾਦੀ !
ਪਾਕਿਸਤਾਨ , ਬੰਗਲਾਦੇਸ਼ , ਨੇਪਾਲ , ਭੁਟਾਨ ਆਦਿ ਨਾਲ ਆਪਣੇ ਆਪ ਨੂੰ ਤੋਲਣ ਵਾਲੇ ਭਾਰਤ , ਸ਼ਰਮ ਕਰ , ਸ਼ਰਮ , ਤੇਰੇ ਰਹਿਨੁਮਾਂ ਲੋਕਾਂ ਨੇ ਤੈਨੂੰ ਵੇਚ ਵੇਚ ਕੇ ਆਪਣਾ ਘਰ ਪੂਰਾ ਕਰ ਲਿਆ , ਧੱਜੀਆਂ ਉੜਾ ਦਿਤੀਆਂ ਤੇਰੀ ਇਜ਼ਤ ਆਬਰੂ ਦੀਆਂ , ਓਏ ਬੇਗਾਨੇ ਲੁੱਟਦੇ ਤਾਂ ਗੱਲ ਹੋਰ ਸੀ , ਤੈਨੂੰ ਤਾਂ ਆਪਣੀਆਂ ਨੇ ਹੀ ਲੁੱਟ ਲਿਆ ਤੇ ਕਰਤਾ ਤੈਨੂੰ ਆਜ਼ਾਦ ----ਸੱਚ ਤੋਂ ,ਇਮਾਨਦਾਰੀ ਤੋਂ , ਇਨਸਾਨੀਅਤ ਤੋਂ , ਖੁਸ਼ੀਆਂ ਤੋਂ ! ਵਾਕ਼ਈ ਆਜ਼ਾਦ ਹੈਂ ਤੂੰ ਤੇ ਆਜ਼ਾਦ ਨੇ ਤੈਨੂੰ ਚਲਾਉਣ ਵਾਲੇ ਆਪਣੀ ਮਨਮਰਜੀ ਕਰਨ ਨੂੰ !!!
" ਮੁਬਾਰਕ ਹੋਵੇ ਥੋਨੂੰ ਆਜ਼ਾਦੀ , ਅਸੀਂ ਤਾਂ ਅਜੇ ਗੁਲਾਮ ਹੀ ਹਾਂ "