Ajab Tarha Se Aihsan Kar Gaya Koi

Ajab Tarha Se Aihsan Kar Gaya Koi
Nai Hayat Ka Samaan Kar Gaya Koi

Bare Mazey Me Guzarti Thi Be-Qarari Me
Dilasa De K , Parishan Kar Gaya Koi

Dikha K Aik Zara Si Jhalak Sar-i-Mehfil
Har Ek Nigah Ko Heran Kar Gaya Koi

Ab Uski Wada Khilafi Ka Kya Gilah Kijye
Dubara Aane Ka Pemaan Kar Gaya Koi

Pata Nahi Teri Surat Me Kya Nazar Aaya
Mata-i-Zeest Ko Qurban Kar Gaya Koi

Tasalliyan Mujhe De De K Har Ghari Amjad
Meri Hayat Ko Aasan Kar Gaya Koi
 
Top