Ab kya main kahoon mere iss jeevan ka Astitav hi bus ho tum.

[~¤Akash¤~]

Puchte hai log ki mere kya ho "TUM" ?
Ab kya bataun ki mere liye kya ho tum ........

Iss dil ki gehrai mein chupe raaz ho tum,
Raat ke baad bhor ki pahli kiran ho tum,
Jisse gungunati ho har pal woh geet ho tum,
Mere saazon mein chupe dil ka raag ho tum,

Jiss ehsaas pe dil dhadakta hai woh ehsaas ho tum,
Meri raaton mein jiska ehsaas rahe vo khwab ho tum,
Inn aati jaati saason ko jo jode dil se woh taar ho tum,
Geeli mitti si jo khushboo mahakaye dil ko woh mahak ho tum,

Meri har subah aur dhalti shaam ka ehsaas ho tum,
Dil mein basi hai jo Tasveer E yaar uska aks ho tum,
Meri jeene ki har khushi har wajah meri rooh ho tum,
Ab kya main kahoon mere iss jeevan ka Astitav hi bus ho tum.....!!!