ਕਿਸੇ ਤੇ ਨਹੀਂ ਗਿਲਾ ਕੋਈ

[~Guri_Gholia~]

ਕਿਸੇ ਤੇ ਨਹੀਂ ਗਿਲਾ ਕੋਈ



ਹੇਠ ਵਿਛਿਆ ਹੈ ਕਰਬਲਾ ਕੋਈ

ਜ਼ਿੰਦਗੀ ਹੈ ਕਿ ਜ਼ਲਜ਼ਲਾ ਕੋਈ



ਪੀਡ਼ ਪਰਬਤ ਬੁਲੰਦੀਆਂ ਛੋਹੇ

ਪਿਆਰ ਤੇਰੇ ਦਾ ਮਰਹਲਾ ਕੋਈ



ਕਲਮ ਮੇਰੀ ਦਾ ਸਿਰ ਕਲਮ ਹੋਇਆ

ਰੋਈ ਜਾਂਦਾ ਹੈ ਵਲਵਲਾ ਕੋਈ



ਵਾਂਗ ਕੁਕਨੁਸ ਦਿਲ ਫ਼ਨਾਹ ਹੋਇਆ

ਪਰ ਕਿਸੇ ਤੇ ਨਹੀਂ ਗਿਲਾ ਕੋਈ



ਜੀਹਦੀ ਵਲਗਣ 'ਚ ਓਟ ਮਿਲ ਜਾਏ

ਜ਼ਿੰਦਗੀ ਭਾਲਦੀ ਕਿਲ੍ਹਾ ਕੋਈ



ਗ਼ਮ ਸਮੋਏ ਡੂੰਘਾਣ ਵਿਚ ਏਨੇ

ਤੂੰ ਵੀ ਦਰੀਆਉ ਹੈਂ ਦਿਲਾ ਕੋਈ



ਬਖ਼ਸ਼ ਮੈਨੂੰ ਵੀ ਚਰਨ ਛੋਹ ਆਪਣੀ

ਮੈਂ ਵੀ ਪੱਥਰ ਦੀ ਹਾਂ ਸਿਲਾ ਕੋਈ



ਬਹੁਤ ਪਿਆਸੀ ਹਾਂ ਬਹੁਤ ਘਾਇਲ ਹਾਂ

ਇਸ਼ਕ ਦਾ ਜਾਮ ਪਿਲਾ ਕੋਈ



ਹੱਸ ਹੱਸ ਕੇ ਜੋ ਸੂਲੀਆਂ ਚਡ਼੍ਹਦਾ

ਐਸਾ ਮਨਸੂਰ ਤਾਂ ਮਿਲਾ ਕੋਈ

 

[Jaswinder Singh Baidwan]

bahut khoob.

 

[MAVERICK]

ਕਲਮ ਮੇਰੀ ਦਾ ਸਿਰ ਕਲਮ ਹੋਇਆ

ਰੋਈ ਜਾਂਦਾ ਹੈ ਵਲਵਲਾ ਕੋਈ


beautiful lines...

 

[Ravivir]

ਜੀਹਦੀ ਵਲਗਣ 'ਚ ਓਟ ਮਿਲ ਜਾਏ

ਜ਼ਿੰਦਗੀ ਭਾਲਦੀ ਕਿਲ੍ਹਾ ਕੋਈ