Lyrics ਗੁੱਡੀਆਂ ਚੜ੍ਹੀਆਂ...

sss_rc

Member
ਮੈਂ ਹਾਂ ਪੁੱਤ ਪੰਜਾਬੀ-ਮਾਂ ਦਾ,
ਸਿੱਕਾ ਚਲਦਾ ਸਾਡੇ ਨਾਂ ਦਾ..
ਹੋਣ ਤਰੀਫ਼ਾਂ ਬੜੀਆਂ..
ਮਾੜੇ ਕੰਮ ਕਦੇ ਨਾਂ ਕੀਤੇ,
ਤਾਂਹੀਓ ਗੁੱਡੀਆਂ ਚੜ੍ਹੀਆਂ..||

ਸਾਨੂੰ ਹੋਰਾਂ ਵਾਂਗੂੰ ਪੀਕੇ ਬੁੱਕਣਾਂ ਆਉਂਦਾ ਨੀਂ,
ਨਾਲੇ ਤਕੜੇ ਬੰਦੇ ਅੱਗੇ ਝੁਕਣਾਂ ਆਉਂਦਾ ਨੀਂ..
ਕਰ ਦੀਏ ਵਾਧੇ-ਘਾਟੇ ਪੂਰੇ,
ਫ਼ੜਕੇ ਡਾਂਗ ਲਾ ਲੀਏ ਮੂਹਰੇ..
ਜਿਹੜੇ ਕਰਦੇ ਅੜੀਆਂ..
ਮਾੜੇ ਕੰਮ ਕਦੇ ਨਾਂ ਕੀਤੇ,
ਤਾਂਹੀਓ ਗੁੱਡੀਆਂ ਚੜ੍ਹੀਆਂ..||

ਸਾਡੇ ਬਾਝ ਮਹਿਫ਼ਲਾਂ ਸੁੰਨੀਆਂ ਰੌਣਕ ਲੱਗਦੀ ਨਾਂ,
ਪੈਣ ਸੋਚਾਂ ਵਿੱਚ ਮੁਟਿਆਰਾਂ ਸੂਰਤ ਲੱਭਦੀ ਨਾਂ..
ਸਾਡੀ ਯਾਰਾਂ ਨਾਲ ਸਰਦਾਰੀ,
ਅਸੀਂ ਅੱਲ੍ਹੜਾਂ ਦੀ ਮੱਤ ਮਾਰੀ..
ਰਹਿ ਜਾਣ ਸਜ-ਧਜ ਕੇ ਖੜੀਆਂ..
ਮਾੜੇ ਕੰਮ ਕਦੇ ਨਾਂ ਕੀਤੇ,
ਤਾਂਹੀਓ ਗੁੱਡੀਆਂ ਚੜ੍ਹੀਆਂ..||

ਭੀੜ ਪੈਣ ਤੇ ਕਦੇ ਵੀ ਪਿੱਠ ਦਿਖਾਈਏ ਨਾਂ,
ਦਰ ਚੱਲ ਆਇਆ ਦੁਸ਼ਮਣ ਕਦੇ ਡਰਾਈਏ ਨਾਂ..
ਬੁੱਢੇ-ਬੋਹੜ ਕਦੇ ਨਾਂ ਸੁੱਕਣ,
ਰਿਸ਼ਤੇ-ਨਾਤੇ ਕਦੇ ਨਾਂ ਟੁੱਟਣ..
ਮਾਪਿਆਂ ਛਾਵਾਂ ਕਰੀਆਂ..
ਮਾੜੇ ਕੰਮ ਕਦੇ ਨਾਂ ਕੀਤੇ,
ਤਾਂਹੀਓ ਗੁੱਡੀਆਂ ਚੜ੍ਹੀਆਂ..||
 
Top