Old Lyrics ਸ਼ਾਜਿਸ਼ ਵਰਗਾ ਪਿਆਰ

[Tejjot]

ਹੁਣ ਵੇਲੇ ਨੂੰ ਪਛਤਾਉਣੇ ਹਾਂ
ਮੱੱਥੇ ਤੇ ਠੋਰਾ ਲਾਉਣੇ ਹਾਂ
ਤੇਰੇ ਨਾਲ ਸਾਡਾ ਮੋਹ ਡਾਢਾ ਸਾਡੇ ਲਈ ਬਣ ਇਲਜਾਮ ਗਿਆ
ਇੱਕ ਸ਼ਾਜਿਸ਼ ਵਰਗਾ ਪਿਆਰ ਤੇਰਾ ਸਾਨੂੰ ਤਾਂ ਕਰ ਬਦਨਾਮ ਗਿਆ

ਤੇਰਾ ਬੁਣਿਆ ਜਾਲ ਮੁਹੱਬਤਾਂ ਦਾ ਓਹ ਕੱਚਾ ਸੀ
ਉਹ ਝੂਠਾ ਪੈ ਗਿਆ ਪਿਆਰ ਜੋ ਸਾਡਾ ਸੱਚਾ ਸੀ
ਜੀਹਦੀ ਗਲੀ ਗਲੀ ਵਿੱਚ ਚਰਚਾ ਸੀ ਉਹ ਰਿਸ਼ਤਾ ਹੋ ਗੁੰਮਨਾਮ ਗਿਆ
ਇੱਕ ਸ਼ਾਜਿਸ਼ ਵਰਗਾ ਪਿਆਰ ਤੇਰਾ ਸਾਨੂੰ ਤਾਂ ਕਰ ਬਦਨਾਮ ਗਿਆ

ਤੇਰੇ ਨਾਉਂ ਦੀ ਆੜ ਚ ਸਾਨੂੰ ਤਾਹਨੇ ਵੱਜਦੇ ਨੇ
ਸਾਨੂੰ ਵੇਖ ਕੇ ਲੋਕੀ ਗੁੱਝੇ ਹਾਸੇ ਹੱਸਦੇ ਨੇ
ਇੱਕ ਤੇਰੀ ਤੰਗ ਦਿਲੀ ਕਰਕੇ ਸਾਡਾ ਜਿਉਣਾ ਹੋ ਹਰਾਮ ਗਿਆ
ਇੱਕ ਸ਼ਾਜਿਸ਼ ਵਰਗਾ ਪਿਆਰ ਤੇਰਾ ਸਾਨੂੰ ਤਾਂ ਕਰ ਬਦਨਾਮ ਗਿਆ

ਕੀ ਕਹੀਏ ਤੇਰੀ ਏਸ ਮੁਲਾਹਜੇਦਾਰੀ ਨੂੰ
ਕਿਸੇ ਦੁਸ਼ਮਨੀ ਵਰਗੀ ਤੇਰੀ ਯਾਰੀ ਨੂੰ
ਤੈਨੂੰ ਪ੍ਰੀਤ ਖਮਾਣੋਂ ਵਾਲਾ ਤਾਂਹੀਓਂ ਆਖਰੀ ਆਖ ਸਲਾਮ ਗਿਆ
ਇੱਕ ਸ਼ਾਜਿਸ਼ ਵਰਗਾ ਪਿਆਰ ਤੇਰਾ ਸਾਨੂੰ ਤਾਂ ਕਰ ਬਦਨਾਮ ਗਿਆ