Shabad ਅੰਤਰਿ ਪਿਆਸ ਉਠੀ ਪ੍ਰਭ ਕੇਰੀ

Goku

Prime VIP
Staff member
ਅੰਤਰਿ ਪਿਆਸ ਉਠੀ ਪ੍ਰਭ ਕੇਰੀ ਸੁਣਿ ਗੁਰ ਬਚਨ ਮਨਿ ਤੀਰ ਲਗਈਆ ॥
ਮਨ ਕੀ ਬਿਰਥਾ ਮਨ ਹੀ ਜਾਣੈ ਅਵਰੁ ਕਿ ਜਾਣੈ ਕੋ ਪੀਰ ਪਰਈਆ ॥੧॥
ਰਾਮ ਗੁਰਿ ਮੋਹਨਿ ਮੋਹਿ ਮਨੁ ਲਈਆ ॥
ਹਉ ਆਕਲ ਬਿਕਲ ਭਈ ਗੁਰ ਦੇਖੇ ਹਉ ਲੋਟ ਪੋਟ ਹੋਇ ਪਈਆ ॥੧॥ਰਹਾਉ ॥
ਹਉ ਨਿਰਖਤ ਫਿਰਉ ਸਭਿ ਦੇਸ ਦਿਸੰਤਰ ਮੈ ਪ੍ਰਭ ਦੇਖਨ ਕੋ ਬਹੁਤੁ ਮਨਿ ਚਈਆ ॥
ਮਨੁ ਤਨੁ ਕਾਟਿ ਦੇਉ ਗੁਰ ਆਗੈ ਜਿਨਿ ਹਰਿ ਪ੍ਰਭ ਮਾਰਗੁ ਪੰਥੁ ਦਿਖਈਆ ॥੨॥
ਕੋਈ ਆਣਿ ਸਦੇਸਾ ਦੇਇ ਪ੍ਰਭ ਕੇਰਾ ਰਿਦ ਅੰਤਰਿ ਮਨਿ ਤਨਿ ਮੀਠ ਲਗਈਆ ॥
ਮਸਤਕੁ ਕਾਟਿ ਦੇਉ ਚਰਣਾ ਤਲਿ ਜੋ ਹਰਿ ਪ੍ਰਭੁ ਮੇਲੇ ਮੇਲਿ ਮਿਲਈਆ ॥੩॥
ਚਲੁ ਚਲੁ ਸਖੀ ਹਮ ਪ੍ਰਭੁ ਪਰਬੋਧਹ ਗੁਣ ਕਾਮਣ ਕਰਿ ਹਰਿ ਪ੍ਰਭੁ ਲਹੀਆ ॥
ਭਗਤਿ ਵਛਲੁ ਉਆ ਕੋ ਨਾਮੁ ਕਹੀਅਤੁ ਹੈ ਸਰਣਿ ਪ੍ਰਭੂ ਤਿਸੁ ਪਾਛੈ ਪਈਆ ॥੪॥
ਖਿਮਾ ਸੀਗਾਰ ਕਰੇ ਪ੍ਰਭ ਖੁਸੀਆ ਮਨਿ ਦੀਪਕ ਗੁਰ ਗਿਆਨੁ ਬਲਈਆ ॥
ਰਸਿ ਰਸਿ ਭੋਗ ਕਰੇ ਪ੍ਰਭੁ ਮੇਰਾ ਹਮ ਤਿਸੁ ਆਗੈ ਜੀਉ ਕਟਿ ਕਟਿ ਪਈਆ ॥੫॥
ਹਰਿ ਹਰਿ ਹਾਰੁ ਕੰਠਿ ਹੈ ਬਨਿਆ ਮਨੁ ਮੋਤੀਚੂਰੁ ਵਡ ਗਹਨ ਗਹਨਈਆ ॥
ਹਰਿ ਹਰਿ ਸਰਧਾ ਸੇਜ ਵਿਛਾਈ ਪ੍ਰਭੁ ਛੋਡਿ ਨ ਸਕੈ ਬਹੁਤੁ ਮਨਿ ਭਈਆ ॥੬॥
ਕਹੈ ਪ੍ਰਭੁ ਅਵਰੁ ਅਵਰੁ ਕਿਛੁ ਕੀਜੈ ਸਭੁ ਬਾਦਿ ਸੀਗਾਰੁ ਫੋਕਟ ਫੋਕਟਈਆ ॥
ਕੀਓ ਸੀਗਾਰੁ ਮਿਲਣ ਕੈ ਤਾਈ ਪ੍ਰਭੁ ਲੀਓ ਸੁਹਾਗਨਿ ਥੂਕ ਮੁਖਿ ਪਈਆ ॥੭॥
ਹਮ ਚੇਰੀ ਤੂ ਅਗਮ ਗੁਸਾਈ ਕਿਆ ਹਮ ਕਰਹ ਤੇਰੈ ਵਸਿ ਪਈਆ ॥
ਦਇਆ ਦੀਨ ਕਰਹੁ ਰਖਿ ਲੇਵਹੁ ਨਾਨਕ ਹਰਿ ਗੁਰ ਸਰਣਿ ਸਮਈਆ ॥੮॥੫॥੮॥੮੩੫॥

(ਅੰਤਰਿ=ਅੰਦਰ, ਪਿਆਸ=ਤਾਂਘ, ਕੇਰੀ=ਦੀ, ਬਿਰਹਾ=ਪੀੜਾ, ਜਾਣੈ=
ਜਾਣਦਾ ਹੈ, ਅਵਰੁ ਕੋ=ਕੋਈ ਹੋਰ, ਕਿ=ਕੀਹ, ਪਰਈਆ=ਪਰਾਈ, ਹਉ=
ਹਉਂ,ਮੈਂ, ਆਕਲ ਬਿਕਲ=ਘਬਰਾਈ ਹੋਈ, ਲੋਟ ਪੋਟ=ਕਾਬੂ ਤੋਂ ਬਾਹਰ,
ਨਿਰਖਤ ਫਿਰਉ=ਮੈਂ ਭਾਲਦੀ ਫਿਰਦੀ ਹਾਂ, ਦਿਸੰਤਰ=ਦੇਸ-ਅੰਤਰ,ਹੋਰ ਹੋਰ
ਦੇਸ, ਕੋ=ਦਾ, ਚਈਆ=ਚਾਉ, ਦੇਉ=ਦੇਉਂ,ਮੈਂ ਦੇਂਦੀ ਹਾਂ, ਜਿਨਿ=ਜਿਸ ਨੇ,
ਮਾਰਗੁ=ਰਸਤਾ, ਪੰਥੁ=ਰਸਤਾ, ਦਿਖਈਆ=ਵਿਖਾ ਦਿੱਤਾ ਹੈ, ਆਣਿ ਸਦੇਸਾ=
ਸੁਨੇਹਾ ਲਿਆ ਕੇ, ਦੇਇ=ਦੇਂਦਾ ਹੈ, ਕੇਰਾ=ਦਾ, ਰਿਦ ਅੰਤਰਿ=ਹਿਰਦੇ ਵਿਚ,
ਲਗਈਆ=ਲੱਗਦਾ ਹੈ, ਤਲਿ=ਹੇਠ, ਚਲੁ=ਆ ਤੁਰ, ਪ੍ਰਭੁ ਪਰਬੋਧਹ=ਅਸੀਂ
ਪ੍ਰਭੂ ਦੇ ਪਿਆਰ ਨੂੰ ਜਗਾਈਏ, ਕਾਮਣ=ਟੂਣੇ,ਉਹ ਗੀਤ ਜੋ ਜੰਞ ਦੇ ਢੁਕਾ
ਵੇਲੇ ਕੁੜੀਆਂ ਨਵੇਂ ਲਾੜੇ ਨੂੰ ਵੱਸ ਵਿਚ ਕਰਨ ਵਾਸਤੇ ਗਾਂਦੀਆਂ ਹਨ, ਕਰਿ=
ਕਰ ਕੇ, ਲਹੀਆ=ਲੱਭ ਲਈਏ, ਭਗਤਿ ਵਛਲੁ=ਭਗਤੀ ਨਾਲ ਪਿਆਰ ਕਰਨ
ਵਾਲਾ, ਕਹੀਅਤੁ=ਕਿਹਾ ਜਾਂਦਾ ਹੈ, ਉਆ ਕੋ=ਉਸ ਦਾ, ਖਿਮਾ=ਕਿਸੇ ਦੀ
ਵਧੀਕੀ ਨੂੰ ਸਹਾਰਨ ਦਾ ਸੁਭਾਉ, ਸੀਗਾਰ=ਸਿੰਗਾਰ, ਬਲਈਆ=ਬਾਲਦੀ ਹੈ,
ਰਸਿ ਰਸਿ=ਬੜੇ ਸੁਆਦ ਨਾਲ, ਭੋਗ ਕਰੇ=ਮਿਲਾਪ ਮਾਣਦਾ ਹੈ, ਜੀਉ=ਜਿੰਦ,
ਕੰਠਿ=ਗਲ ਵਿਚ, ਮੋਤੀਚੂਰੁ=ਸਿਰ ਦਾ ਇਕ ਗਹਿਣਾ, ਗਹਨ=ਗਹਿਣੇ,
ਭਈਆ=ਪਿਆਰਾ ਲੱਗਦਾ ਹੈ, ਕੀਜੈ=ਕਰਦੇ ਰਹੀਏ, ਫੋਕਟ=ਫੋਕਾ,
ਮਿਲਣ ਕੈ ਤਾਈ=ਮਿਲਣ ਵਾਸਤੇ, ਲੀਓ ਸੁਹਾਗਨਿ=ਸੁਹਾਗਣ ਨੂੰ
ਆਪਣੀ ਬਣਾ ਲਿਆ, ਮੁਖਿ=ਮੂੰਹ ਉੱਤੇ, ਚੇਰੀ=ਚੇਰੀਆਂ,ਦਾਸੀਆਂ,
ਅਗਮ=ਅਪਹੁੰਚ, ਗੁਸਾਈ=ਧਰਤੀ ਦਾ ਖਸਮ, ਕਿਆ ਹਮ ਕਰਹ=
ਅਸੀ ਕੀਹ ਕਰ ਸਕਦੀਆਂ ਹਾਂ)
 
Top