Shabad ਆਵਹੁ ਭੈਣੇ ਤੁਸੀ ਮਿਲਹੁ ਪਿਆਰੀਆ

♚ ƤムƝƘムĴ ♚

Prime VIP
Staff member
ਆਵਹੁ ਭੈਣੇ ਤੁਸੀ ਮਿਲਹੁ ਪਿਆਰੀਆ ॥
ਜੋ ਮੇਰਾ ਪ੍ਰੀਤਮੁ ਦਸੇ ਤਿਸ ਕੈ ਹਉ ਵਾਰੀਆ ॥
ਮਿਲਿ ਸਤਸੰਗਤਿ ਲਧਾ ਹਰਿ ਸਜਣੁ ਹਉ ਸਤਿਗੁਰ ਵਿਟਹੁ ਘੁਮਾਈਆ ਜੀਉ ॥੧॥
ਜਹ ਜਹ ਦੇਖਾ ਤਹ ਤਹ ਸੁਆਮੀ ॥
ਤੂ ਘਟਿ ਘਟਿ ਰਵਿਆ ਅੰਤਰਜਾਮੀ ॥
ਗੁਰਿ ਪੂਰੈ ਹਰਿ ਨਾਲਿ ਦਿਖਾਲਿਆ ਹਉ ਸਤਿਗੁਰ ਵਿਟਹੁ ਸਦ ਵਾਰਿਆ ਜੀਉ ॥੨॥
ਏਕੋ ਪਵਣੁ ਮਾਟੀ ਸਭ ਏਕਾ ਸਭ ਏਕਾ ਜੋਤਿ ਸਬਾਈਆ ॥
ਸਭ ਇਕਾ ਜੋਤਿ ਵਰਤੈ ਭਿਨਿ ਭਿਨਿ ਨ ਰਲਈ ਕਿਸੈ ਦੀ ਰਲਾਈਆ ॥
ਗੁਰ ਪਰਸਾਦੀ ਇਕੁ ਨਦਰੀ ਆਇਆ ਹਉ ਸਤਿਗੁਰ ਵਿਟਹੁ ਵਤਾਇਆ ਜੀਉ ॥੩॥
ਜਨੁ ਨਾਨਕੁ ਬੋਲੈ ਅੰਮ੍ਰਿਤ ਬਾਣੀ ॥
ਗੁਰਸਿਖਾਂ ਕੈ ਮਨਿ ਪਿਆਰੀ ਭਾਣੀ ॥
ਉਪਦੇਸੁ ਕਰੇ ਗੁਰੁ ਸਤਿਗੁਰੁ ਪੂਰਾ ਗੁਰੁ ਸਤਿਗੁਰੁ ਪਰਉਪਕਾਰੀਆ ਜੀਉ ॥੪॥੭॥੯੬॥

(ਤਿਸ ਕੈ=ਉਸ ਤੋਂ, ਹਉ=ਮੈਂ, ਵਾਰੀਆ=ਸਦਕੇ ਹਾਂ,
ਵਿਟਹੁ=ਤੋਂ, ਘੁਮਾਈਆ=ਕੁਰਬਾਨ ਹਾਂ, ਜਹ ਜਹ=
ਜਿਥੇ ਜਿਥੇ, ਤਹ ਤਹ=ਉਥੇ ਉਥੇ, ਦੇਖਾ=ਦੇਖਾਂ,
ਘਟਿ ਘਟਿ=ਹਰੇਕ ਘਟ ਵਿਚ, ਅੰਤਰਜਾਮੀ=ਹੇ
ਸਭ ਦੇ ਦਿਲ ਦੀ ਜਾਣਨ ਵਾਲੇ, ਸਦ=ਸਦਾ,
ਵਾਰਿਆ=ਕੁਰਬਾਨ, ਪਵਣੁ=ਹਵਾ,ਸੁਆਸ,
ਮਾਟੀ=ਮਿੱਟੀ ਤੱਤ,ਸਰੀਰ, ਸਬਾਈਆ=ਸਾਰੀ,
ਵਰਤੈ=ਮੌਜੂਦ ਹੈ, ਭਿਨਿ ਭਿਨਿ=ਵੱਖ ਵੱਖ ਸਰੀਰ
ਵਿਚ, ਨ ਰਲਈ=ਨ ਰਲੈ, ਵਤਾਇਆ=ਕੁਰਬਾਨ,
ਜਨੁ=ਦਾਸ, ਅੰਮ੍ਰਿਤ=ਆਤਮਕ ਜੀਵਨ ਦੇਣ ਵਾਲੀ,
ਕੈ ਮਨਿ=ਦੇ ਮਨ ਵਿਚ, ਭਾਣੀ=ਪਸੰਦ ਹੈ,
ਪਰਉਪਕਾਰੀ=ਹੋਰਨਾਂ ਦਾ ਭਲਾ ਕਰਨ ਵਾਲਾ)
 
Top