BaBBu
Prime VIP
ਦਿਹੁੰ-ਲੱਥੇ ਦਾ ਵੇਲਾ ਹੋਇਆ
ਕਣ ਮਣ ਲਾਈ ਕਣੀਆਂ ਹੋ
ਸਿਰ ਗੋਰੀ ਦੇ ਕਾਲੇ ਛੱਤੇ
ਉੱਪਰ ਘਟਾਂ ਸੰਘਣੀਆਂ ਹੋ ।
ਮੀਂਹ ਵਰਸੇਂਦਾ ਕਣ ਮਣ ਕਣ ਮਣ
ਗੋਰੀ ਦੇ ਵਾਲਾਂ ਵਿਚ ਜਲਕਣ
ਸ਼ਾਮਾਂ ਵੇਲੇ ਚੰਬਾ ਖਿੜਿਆ
ਯਾ ਸੱਪਾਂ ਮੂੰਹ ਮਣੀਆਂ ਹੋ ।
ਜਿਉਂ ਜਿਉਂ ਖੁਲ੍ਹੇ ਘਟਾਂ ਦੀ ਮੀਂਢੀ
ਤਿਉਂ ਤਿਉਂ ਗੰਢ ਪਿਆਰਾਂ ਦੀ ਪੀਂਢੀ
ਜਿਉਂ ਜਿਉਂ ਘਣੇ ਹਨੇਰੇ ਹੋਵਣ
ਤਿਉਂ ਤਿਉਂ ਪ੍ਰੀਤਾਂ ਘਣੀਆਂ ਹੋ ।
ਜਿਉਂ ਜਿਉਂ ਬਿੱਜ ਬਦਲਾਂ ਨੂੰ ਤੁੰਮੇ
ਚਾਨਣ ਗੋਰੀ ਦਾ ਮੂੰਹ ਚੁੰਮੇ
ਨਿਕੀਆਂ ਗੱਲਾਂ, ਮੋਟੀਆਂ ਕਣੀਆਂ
ਦਿਲ ਵਿਚ ਖੁੱਭਣ ਅਣੀਆਂ ਹੋ ।
ਖੁਸ਼ੀਆਂ ਨਾਲ ਪ੍ਰੀਤਾਂ ਝਲੀਆਂ
ਛਲਕ ਪਈਆਂ ਮਾਖਿਉਂ ਦੀਆਂ ਛਲੀਆਂ
ਜਜ਼ਬੇ ਹੋਏ ਅੱਧੜਵੰਜੇ
ਖੋਲ ਚੋਲੀ ਦੀਆਂ ਤਣੀਆਂ ਹੋ ।
ਪਛਮ ਦੇ ਵਿਚ ਲਾਲੀ ਮੱਘੀ
ਰਾਤ ਓਦਰੀ ਦਿਹੁੰ ਗਲ ਲੱਗੀ
ਚਾਨਣ ਦੇ ਵਿਚ ਘੁਲੇ ਹਨੇਰੇ
ਦੋ ਜਿੰਦਾਂ ਇਕ ਬਣੀਆਂ ਹੋ ।
ਕਣ ਮਣ ਲਾਈ ਕਣੀਆਂ ਹੋ
ਸਿਰ ਗੋਰੀ ਦੇ ਕਾਲੇ ਛੱਤੇ
ਉੱਪਰ ਘਟਾਂ ਸੰਘਣੀਆਂ ਹੋ ।
ਮੀਂਹ ਵਰਸੇਂਦਾ ਕਣ ਮਣ ਕਣ ਮਣ
ਗੋਰੀ ਦੇ ਵਾਲਾਂ ਵਿਚ ਜਲਕਣ
ਸ਼ਾਮਾਂ ਵੇਲੇ ਚੰਬਾ ਖਿੜਿਆ
ਯਾ ਸੱਪਾਂ ਮੂੰਹ ਮਣੀਆਂ ਹੋ ।
ਜਿਉਂ ਜਿਉਂ ਖੁਲ੍ਹੇ ਘਟਾਂ ਦੀ ਮੀਂਢੀ
ਤਿਉਂ ਤਿਉਂ ਗੰਢ ਪਿਆਰਾਂ ਦੀ ਪੀਂਢੀ
ਜਿਉਂ ਜਿਉਂ ਘਣੇ ਹਨੇਰੇ ਹੋਵਣ
ਤਿਉਂ ਤਿਉਂ ਪ੍ਰੀਤਾਂ ਘਣੀਆਂ ਹੋ ।
ਜਿਉਂ ਜਿਉਂ ਬਿੱਜ ਬਦਲਾਂ ਨੂੰ ਤੁੰਮੇ
ਚਾਨਣ ਗੋਰੀ ਦਾ ਮੂੰਹ ਚੁੰਮੇ
ਨਿਕੀਆਂ ਗੱਲਾਂ, ਮੋਟੀਆਂ ਕਣੀਆਂ
ਦਿਲ ਵਿਚ ਖੁੱਭਣ ਅਣੀਆਂ ਹੋ ।
ਖੁਸ਼ੀਆਂ ਨਾਲ ਪ੍ਰੀਤਾਂ ਝਲੀਆਂ
ਛਲਕ ਪਈਆਂ ਮਾਖਿਉਂ ਦੀਆਂ ਛਲੀਆਂ
ਜਜ਼ਬੇ ਹੋਏ ਅੱਧੜਵੰਜੇ
ਖੋਲ ਚੋਲੀ ਦੀਆਂ ਤਣੀਆਂ ਹੋ ।
ਪਛਮ ਦੇ ਵਿਚ ਲਾਲੀ ਮੱਘੀ
ਰਾਤ ਓਦਰੀ ਦਿਹੁੰ ਗਲ ਲੱਗੀ
ਚਾਨਣ ਦੇ ਵਿਚ ਘੁਲੇ ਹਨੇਰੇ
ਦੋ ਜਿੰਦਾਂ ਇਕ ਬਣੀਆਂ ਹੋ ।
