BaBBu
Prime VIP
ਹੋਈ ਸੰਧਿਆ ਜੁੜ ਗਏ
ਰਾਤ ਦਿਹੁੰ ਦੇ ਬੁਲ੍ਹ ਵੇ ।
ਗਏ ਪੱਛਮ ਦੇ ਮੱਟ ਵਿਚ
ਰੰਗ ਹਜ਼ਾਰਾਂ ਘੁੱਲ ਵੇ ।
ਵਿਛੇ ਹਨੇਰੇ ਧਰਤ ਤੇ
ਗਈ ਕਥੂਰੀ ਹੁੱਲ ਵੇ ।
ਰਾਤ ਬਣੀ ਅਭੀਸਾਰਿਆ
ਪਾ ਤਾਰਿਆਂ ਦਾ ਜੁਲ ਵੇ ।
ਸੁੱਤੇ ਜਜ਼ਬੇ ਉੱਭਰੇ
ਵਾਂਗ ਹਨੇਰੀਆਂ ਝੁੱਲ ਵੇ ।
ਗਲ ਲਗ ਪ੍ਰੀਤਾਂ ਹੁੰਨੀਆਂ
ਪਈ ਮੋਤੀਆਂ ਦੀ ਰੁਲ ਵੇ ।
ਹੱਥ ਵਿਚ ਹੱਥ ਪਰੀਤ ਦੇ
ਕੰਬਣ ਉਂਗਲਾਂ ਦੇ ਫੁੱਲ ਵੇ ।
ਧੜਕਣ ਸੀਨੇ ਓਦਰੇ
ਸੇਕ ਛਡਣ ਪਏ ਗੁੱਲ ਵੇ ।
ਬੇਬਸ ਹੋਈਆਂ ਹੋਣੀਆਂ
ਗ਼ਮ ਬੀਤੇ ਦੇ ਭੁੱਲ ਵੇ ।
ਦੋ ਦਿਲ ਰਲ ਦਰਿਆ ਬਣੇ
ਕੀ ਕਰਨ ਸ਼ਰਹ ਦੇ ਪੁੱਲ ਵੇ ।
ਭੇਦ ਇਸ਼ਕ ਤੇ ਹੁਸਨ ਦੇ
ਗਏ ਜਹਾਨੀਂ ਖੁੱਲ੍ਹ ਵੇ ।
ਹਉਕਾ ਭਰਿਆ ਧਰਤ ਨੇ
ਪ੍ਰੀਤ ਨਾ ਵਿਕਦੀ ਮੁੱਲ ਵੇ ।
ਰਾਤ ਦਿਹੁੰ ਦੇ ਬੁਲ੍ਹ ਵੇ ।
ਗਏ ਪੱਛਮ ਦੇ ਮੱਟ ਵਿਚ
ਰੰਗ ਹਜ਼ਾਰਾਂ ਘੁੱਲ ਵੇ ।
ਵਿਛੇ ਹਨੇਰੇ ਧਰਤ ਤੇ
ਗਈ ਕਥੂਰੀ ਹੁੱਲ ਵੇ ।
ਰਾਤ ਬਣੀ ਅਭੀਸਾਰਿਆ
ਪਾ ਤਾਰਿਆਂ ਦਾ ਜੁਲ ਵੇ ।
ਸੁੱਤੇ ਜਜ਼ਬੇ ਉੱਭਰੇ
ਵਾਂਗ ਹਨੇਰੀਆਂ ਝੁੱਲ ਵੇ ।
ਗਲ ਲਗ ਪ੍ਰੀਤਾਂ ਹੁੰਨੀਆਂ
ਪਈ ਮੋਤੀਆਂ ਦੀ ਰੁਲ ਵੇ ।
ਹੱਥ ਵਿਚ ਹੱਥ ਪਰੀਤ ਦੇ
ਕੰਬਣ ਉਂਗਲਾਂ ਦੇ ਫੁੱਲ ਵੇ ।
ਧੜਕਣ ਸੀਨੇ ਓਦਰੇ
ਸੇਕ ਛਡਣ ਪਏ ਗੁੱਲ ਵੇ ।
ਬੇਬਸ ਹੋਈਆਂ ਹੋਣੀਆਂ
ਗ਼ਮ ਬੀਤੇ ਦੇ ਭੁੱਲ ਵੇ ।
ਦੋ ਦਿਲ ਰਲ ਦਰਿਆ ਬਣੇ
ਕੀ ਕਰਨ ਸ਼ਰਹ ਦੇ ਪੁੱਲ ਵੇ ।
ਭੇਦ ਇਸ਼ਕ ਤੇ ਹੁਸਨ ਦੇ
ਗਏ ਜਹਾਨੀਂ ਖੁੱਲ੍ਹ ਵੇ ।
ਹਉਕਾ ਭਰਿਆ ਧਰਤ ਨੇ
ਪ੍ਰੀਤ ਨਾ ਵਿਕਦੀ ਮੁੱਲ ਵੇ ।