BaBBu
Prime VIP
ਮੈਂ ਜਿਹੀ ਕਮਲੀ ਦਿਆ
ਯਮ੍ਹਲਿਆ ਸਾਈਆਂ ਵੇ
ਰਟਨ ਕਰੇਂਦਾ ਕਦੀ, ਮੇਰੇ ਵੇਹੜੇ ਆਵੀਂ ਅੱਜ ।
ਚਰਨੀਂ ਲਗਾਵੀਂ ਅੱਜ,
ਸ਼ਰਨੀਂ ਸਮਾਵੀਂ ਅੱਜ,
ਜੁੱਗਾਂ ਦੀ ਪਿਆਸੀ ਤਾਈਂ, ਰੱਜ ਕੇ ਪਿਲਾਵੀਂ ਅੱਜ ।
ਉਜੜੀ ਵਸਾਵੀਂ ਅਤੇ
ਡੁਬਦੀ ਬਚਾਵੀਂ ਆ ਕੇ
ਰੁੜ੍ਹੀ ਚਲੀ ਜਾਂਦੀ, ਕਿਸੇ ਪੱਤਣ ਲਗਾਵੀਂ ਅੱਜ ।
ਰੁੱਸੀ ਨੂੰ ਮਨਾਵੀਂ ਅਤੇ
ਰੋਂਦੀ ਨੂੰ ਹਸਾਵੀਂ ਆ ਕੇ,
ਭੀਖਕ ਨਿਮਾਣੀ ਦੀ ਵੀ, ਝੋਲੀ ਭਰ ਜਾਵੀਂ ਅੱਜ ।
ਢਹਿੰਦੀ ਨੂੰ ਬਚਾਵੀਂ,
ਢੱਠ ਪਈ ਨੂੰ ਉਠਾਵੀਂ ਆ ਕੇ,
ਚੜ੍ਹਦੀਆਂ ਕਲਾਂ ਵਿਚ ਚੁੱਕ ਕੇ ਲਿਜਾਵੀਂ ਅੱਜ ।
ਹੇਰ ਫੇਰ ਮੁੱਕ ਜਾਏ,
ਮੇਰ ਤੇਰ ਚੁੱਕ ਜਾਏ,
ਚਾੜ੍ਹੇ ਜੋ ਸਰੂਰ ਐਸਾ, ਨਸ਼ਾ ਉਹ ਖਿਲਾਵੀਂ ਅੱਜ ।
ਗੌਂ ਗਰਜ਼ਾਂ ਗਵਾਵੀਂ
ਪੀੜਾਂ ਦਰਦਾਂ ਹਟਾਵੀਂ,
ਦੁੱਖਾਂ ਤੋਂ ਬਚਾਵੀਂ, ਸੁਖ ਸਹਿਜ 'ਚ ਲਿਜਾਵੀਂ ਅੱਜ ।
ਪਰਦਾ ਹਟਾਵੀਂ, ਕੰਧ
ਦੂਈ ਦੀ ਉਠਾਵੀਂ ਅੱਜ,
ਤੂੰ ਹੀ ਸਾਰੇ ਦਿਸੇਂ, ਐਸਾ ਚਾਨਣ ਦਿਖਾਵੀਂ ਅੱਜ ।
ਯਮ੍ਹਲਿਆ ਸਾਈਆਂ ਵੇ
ਰਟਨ ਕਰੇਂਦਾ ਕਦੀ, ਮੇਰੇ ਵੇਹੜੇ ਆਵੀਂ ਅੱਜ ।
ਚਰਨੀਂ ਲਗਾਵੀਂ ਅੱਜ,
ਸ਼ਰਨੀਂ ਸਮਾਵੀਂ ਅੱਜ,
ਜੁੱਗਾਂ ਦੀ ਪਿਆਸੀ ਤਾਈਂ, ਰੱਜ ਕੇ ਪਿਲਾਵੀਂ ਅੱਜ ।
ਉਜੜੀ ਵਸਾਵੀਂ ਅਤੇ
ਡੁਬਦੀ ਬਚਾਵੀਂ ਆ ਕੇ
ਰੁੜ੍ਹੀ ਚਲੀ ਜਾਂਦੀ, ਕਿਸੇ ਪੱਤਣ ਲਗਾਵੀਂ ਅੱਜ ।
ਰੁੱਸੀ ਨੂੰ ਮਨਾਵੀਂ ਅਤੇ
ਰੋਂਦੀ ਨੂੰ ਹਸਾਵੀਂ ਆ ਕੇ,
ਭੀਖਕ ਨਿਮਾਣੀ ਦੀ ਵੀ, ਝੋਲੀ ਭਰ ਜਾਵੀਂ ਅੱਜ ।
ਢਹਿੰਦੀ ਨੂੰ ਬਚਾਵੀਂ,
ਢੱਠ ਪਈ ਨੂੰ ਉਠਾਵੀਂ ਆ ਕੇ,
ਚੜ੍ਹਦੀਆਂ ਕਲਾਂ ਵਿਚ ਚੁੱਕ ਕੇ ਲਿਜਾਵੀਂ ਅੱਜ ।
ਹੇਰ ਫੇਰ ਮੁੱਕ ਜਾਏ,
ਮੇਰ ਤੇਰ ਚੁੱਕ ਜਾਏ,
ਚਾੜ੍ਹੇ ਜੋ ਸਰੂਰ ਐਸਾ, ਨਸ਼ਾ ਉਹ ਖਿਲਾਵੀਂ ਅੱਜ ।
ਗੌਂ ਗਰਜ਼ਾਂ ਗਵਾਵੀਂ
ਪੀੜਾਂ ਦਰਦਾਂ ਹਟਾਵੀਂ,
ਦੁੱਖਾਂ ਤੋਂ ਬਚਾਵੀਂ, ਸੁਖ ਸਹਿਜ 'ਚ ਲਿਜਾਵੀਂ ਅੱਜ ।
ਪਰਦਾ ਹਟਾਵੀਂ, ਕੰਧ
ਦੂਈ ਦੀ ਉਠਾਵੀਂ ਅੱਜ,
ਤੂੰ ਹੀ ਸਾਰੇ ਦਿਸੇਂ, ਐਸਾ ਚਾਨਣ ਦਿਖਾਵੀਂ ਅੱਜ ।
